ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಬ್ರೆಜಿಲ್‌ನ ಅಮೆಜಾನ್ ದಟ್ಟಾರಣ್ಯದಲ್ಲಿ ಸಣ್ಣ ವಿಮಾನ ಪತನಗೊಂಡಿದೆ. ವಿಮಾನದಲ್ಲಿದ್ದ ಮಗು, ಇಬ್ಬರು ಪೈಲಟ್‌ ಸೇರಿ ಒಟ್ಟು 12 ಮಂದಿ ಮೃತಪಟ್ಟಿರುವ ಘಟನೆ ಭಾನುವಾರ ನಡೆದಿದೆ.
ಸಿಂಗಲ್ – ಎಂಜಿನ್ ಸೆಸ್ನಾ ಕಾರವಾನ್ ವಿಮಾನವು ಟೇಕ್ ಆಫ್ ಆದ ಸ್ವಲ್ಪ ಸಮಯದ ಬಳಿಕ ರಿಯೊ ಬ್ರಾಂಕೊದ ವಿಮಾನ ನಿಲ್ದಾಣದ ಬಳಿ ಪತನಗೊಂಡಿದೆ ಎಂದು ವಾಯುವ್ಯ ರಾಜ್ಯ ಎಕರೆ ಸರ್ಕಾರ ಹೇಳಿದೆ.
ಘಟನೆಯಲ್ಲಿ ಮಗು, ಇಬ್ಬರು ಪೈಲಟ್‌ ಸೇರಿ 9 ಮಂದಿ ಪ್ರಯಾಣಿಕರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ ಎಂದು ವರದಿಯಾಗಿದೆ.
ಸ್ಥಳೀಯ ಪತ್ರಿಕಾ ವರದಿಗಳ ಪ್ರಕಾರ, ಪೆರು ಮತ್ತು ಬೊಲಿವಿಯಾದೊಂದಿಗಿನ ಬ್ರೆಜಿಲ್‌ ಗಡಿಯ ಸಮೀಪವಿರುವ ಪ್ರದೇಶದಲ್ಲಿ ವಿಮಾನವು ಬೆಂಕಿಗೆ ಆಹುತಿಯಾಗಿದೆ.
