ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಜಪಾನ್ ಮತ್ತೊಮ್ಮೆ ಭೂಕಂಪದಿಂದ ತತ್ತರಿಸಿದೆ. ಜಪಾನ್‌ನ ಮಧ್ಯ ಇಶಿಕಾವಾ ಪ್ರದೇಶದಲ್ಲಿ ಶುಕ್ರವಾರ 6.3 ತೀವ್ರತೆಯ ಭೂಕಂಪ ಸಂಭವಿಸಿದೆ ಎಂದು ದೇಶದ ಹವಾಮಾನ ಇಲಾಖೆ ತಿಳಿಸಿದೆ.
ಜಪಾನ್ ಸ್ಥಳೀಯ ಕಾಲಮಾನದ ಪ್ರಕಾರ ಮಧ್ಯಾಹ್ನ 2.42ಕ್ಕೆ ಭೂಕಂಪದ ಕೇಂದ್ರಬಿಂದು 10 ಕಿಲೋಮೀಟರ್ ಆಳದಲ್ಲಿತ್ತು ಎಂದು ತಿಳಿದುಬಂದಿದೆ. ಯಾವುದೇ ಸುನಾಮಿ ಎಚ್ಚರಿಕೆಯನ್ನು ನೀಡಲಾಗಿಲ್ಲ. ಭೂಕಂಪದಿಂದಾಗಿ ನಾಗಾನೊ ಮತ್ತು ಕನಜವಾ ನಡುವಿನ ಶಿಂಕನ್ಸೆನ್ ಬುಲೆಟ್ ರೈಲುಗಳು ಸ್ಥಗಿತಗೊಂಡಿವೆ. ಸೂಜಿ ನಗರದಲ್ಲಿ ಭೂಕುಸಿತ ಸಂಭವಿಸಿದೆ.
ಯುಎಸ್ ಜಿಯೋಲಾಜಿಕಲ್ ಸರ್ವೆ ಪ್ರಕಾರ, ಭೂಕಂಪದ ತೀವ್ರತೆ 6.2 ಎಂದು ದಾಖಲಾಗಿದೆ. ಜಪಾನ್ ಪೆಸಿಫಿಕ್ ಮಹಾಸಾಗರದ “ರಿಂಗ್ ಆಫ್ ಫೈರ್” ಪ್ರದೇಶದಲ್ಲಿದೆ. ಇದು ಆಗ್ನೇಯ ಏಷ್ಯಾದಿಂದ ಪೆಸಿಫಿಕ್ ಜಲಾನಯನ ಪ್ರದೇಶದಾದ್ಯಂತ ವ್ಯಾಪಿಸಿದೆ. ಭೂಕಂಪಗಳು ಸಮುದ್ರತಳದ ಅಡಿಯಲ್ಲಿ ಟೆಕ್ಟೋನಿಕ್ ಪ್ಲೇಟ್‌ಗಳ ನಿರಂತರ ಚಲನೆಯಿಂದ ಉಂಟಾಗುತ್ತವೆ. ನೀರೊಳಗಿನ ಜ್ವಾಲಾಮುಖಿಗಳ ಸಕ್ರಿಯ ಚಟುವಟಿಕೆಗಳು ಸಹ ಭೂಕಂಪಗಳಿಗೆ ಕಾರಣವಾಗಬಹುದು.
