ಹೊಸ ದಿಗಂತ ಡಿಜಿಟಲ್ ಡೆಸ್ಕ್
ಭಾರತ ಜೋಡೊ ಯಾತ್ರೆಯಲ್ಲಿರುವ ರಾಹುಲ್ ಗಾಂಧಿ ಅವರು ಶನಿವಾರ ತಮ್ಮ ಪತ್ರಿಕಾಗೋಷ್ಟಿಯಲ್ಲಿ ಹಲವು ವಿಷಯಗಳ ಬಗ್ಗೆ ಮಾತನಾಡುತ್ತ ಸಾವರ್ಕರ್ ವಿರುದ್ಧದ ಕೊಂಕನ್ನು ಪುನರುಚ್ಚರಿಸಿದರು. “ನನಗೆ ಗೊತ್ತಿರುವ ಹಾಗೆ ಸಾವರ್ಕರ್ ಬ್ರಿಟಿಷರಿಂದ ಸ್ಟೈಪಂಡ್ ತೆಗೆದುಕೊಂಡಿದ್ದರು” ಎನ್ನುತ್ತ ಅವರ ಸ್ವಾತಂತ್ರ್ಯ ಹೋರಾಟವನ್ನು ನಿರಾಕರಿಸಿದರು.
ಇದರ ಬೆನ್ನಲ್ಲೇ ಬಿಜೆಪಿಯ ಮಾಹಿತಿ ವಿಭಾಗ ಮುಖ್ಯಸ್ಥ ಅಮಿತ್ ಮಾಳವೀಯ ತಮ್ಮ ಟ್ವೀಟಿನಲ್ಲಿ ಕೆಲವು ದಾಖಲೆಗಳನ್ನು ಲಗತ್ತಿಸಿ ರಾಹುಲ್ ಗಾಂಧಿಗೆ ಪ್ರತಿಪ್ರಶ್ನೆ ಕೇಳಿದರು. ಅವರು ಲಗತ್ತಿಸಿರುವ ಸರ್ಕಾರಿ ದಾಖಲೆಗಳು ಗಮನಾರ್ಹ. ಈ ದಾಖಲೆಗಳು ಹೇಳುತ್ತಿರುವುದೇನೆಂದರೆ, 1932ರಲ್ಲಿ ಬೋಸ್ ಅವರಿಗೆ ಮಾಸಿಕ 32 ರುಪಾಯಿ ಜೈಲಿನಿಂದ ನೀಡಲಾಗಿತ್ತು ಹಾಗೂ ಮಹಾತ್ಮ ಗಾಂಧಿ ಮತ್ತು ಪಟೇಲರಿಗೆ ಮಾಸಿಕ 100 ರುಪಾಯಿಗಳನ್ನು ನೀಡಲಾಗಿತ್ತು. ಅಪರಾಧವಿನ್ನೂ ದೃಢವಾಗಿರದ ವಿಚಾರಣಾಧೀನ ಕೈದಿಗಳಿಗೆ ಆ ಮೊತ್ತವನ್ನು ಕೊಡಬೇಕಿರುವುದು ಕಾಯಿದೆಯಾಗಿತ್ತು. ಹಾಗಾದರೆ ಇವರೆಲ್ಲರನ್ನೂ ಬ್ರಿಟಿಷರ ಏಜೆಂಟ್ ಎನ್ನಲಾಗುತ್ತದೆಯೇ ಎಂಬುದು ಬಿಜೆಪಿ ವಕ್ತಾರರ ಪ್ರಶ್ನೆ.
State prisoners, by law, were eligible for allowances, more so when held without trial. This Jul 1932 list shows, Bose received Rs 3 and 8 annas daily and Rs 32 monthly, Gandhi and Patel received a consolidated Rs 100 per month, each.
They too were collaborating with the British? https://t.co/dpmcgb4893 pic.twitter.com/6hQWkCesHX— Amit Malviya (@amitmalviya) October 8, 2022
ಪ್ರಶ್ನೆ ಕೇಳಿದ್ದು ಯಾರೇ ಆದರೂ ಅವರು ನೀಡುತ್ತಿರುವ ದಾಖಲೆಗಳ ಅಧಿಕೃತತೆ ತಳ್ಳಿ ಹಾಕುವಂತಿಲ್ಲ. ಅದು ನ್ಯಾಷನಲ್ ಆರ್ಕೈವ್ ಎಂಬ ಸರ್ಕಾರದ ತಾಣದಲ್ಲೇ ಲಭ್ಯವಿದೆ.
ಮಹಾತ್ಮ ಗಾಂಧಿಯವರಿಗೆ 1930ರ ಸಂದರ್ಭದಲ್ಲಿ ಪಾವತಿಯಾಗಿದ್ದ ಮಾಸಿಕ 100 ರುಪಾಯಿಗಳ ದಾಖಲೆಯನ್ನು ಕೆಲ ದಿನಗಳ ಹಿಂದೆ ಖ್ಯಾತ ಇತಿಹಾಸಕಾರ ವಿಕ್ರಂ ಸಂಪತ್ ಅವರೂ ಅಧಿಕೃತ ಮೂಲದಿಂದಲೇ ಟ್ವಿಟ್ಟರಿನಲ್ಲಿ ಹಂಚಿಕೊಂಡಿದ್ದರು.
This illiterate bunch of trolls can't read when even a link is provided.https://t.co/zCsWj63H4F
Read pages 21, 27 & other pages there & sit down! https://t.co/eIRjBHTty9 pic.twitter.com/b5dxe0TfT9— Dr. Vikram Sampath, FRHistS (@vikramsampath) October 3, 2022
ಸಾವರ್ಕರ್ ಅವರನ್ನು ಬ್ರಿಟಿಷರ ಸಹಭಾಗಿ ಎಂದು ಕುಹಕವಾಡುತ್ತಿದ್ದವರಿಗೆಲ್ಲ ಈ ದಾಖಲೆಗಳು ಇನ್ನು ಮುಂದೆ ಪ್ರತಿಬಾರಿ ಎದುರಾಗಲಿವೆ.