ಇತ್ತೀಚಿನ ಕಾಲದಲ್ಲಿ ಮದುವೆ, ಸಂಬಂಧ, ಕುಟುಂಬ ಎನ್ನುವ ಪರಂಪರೆಯ ಕಲ್ಪನೆಗಳು ನಿಧಾನವಾಗಿ ಬದಲಾಗುತ್ತಿವೆ. ಈಗ ಹಲವರು ತಮ್ಮ ಜೀವನವನ್ನು ಸ್ವತಂತ್ರವಾಗಿ, ಒಂಟಿಯಾಗಿ ನಡೆಸಲು ಆಯ್ಕೆ ಮಾಡುತ್ತಿದ್ದಾರೆ. ಕೆಲಸ, ಕನಸುಗಳು, ವೈಯಕ್ತಿಕ ಸ್ವಾತಂತ್ರ್ಯ ಇವುಗಳಿಗೆ ಹೆಚ್ಚಿನ ಮಹತ್ವ ನೀಡುತ್ತಿರುವ ಯುವಪೀಳಿಗೆ “ಸಿಂಗಲ್” ಆಗಿರುವುದನ್ನೇ ಜೀವನಶೈಲಿಯಾಗಿ ಸ್ವೀಕರಿಸುತ್ತಿದೆ. ಹೀಗಾಗಿ ವಿಶ್ವದ ಹಲವು ದೇಶಗಳಲ್ಲಿ ಸಿಂಗಲ್ ಜನರ ಸಂಖ್ಯೆ ವೇಗವಾಗಿ ಹೆಚ್ಚುತ್ತಿದೆ.
ಈ ವಿಷಯದಲ್ಲಿ ಮೊದಲ ಸ್ಥಾನದಲ್ಲಿರುವ ದೇಶಗಳಲ್ಲಿ ಸ್ವೀಡನ್ ಪ್ರಮುಖವಾಗಿದೆ ಎಂದು ಹಲವು ವರದಿಗಳು ಹೇಳುತ್ತವೆ. ಅಲ್ಲಿನ ಜನರಲ್ಲಿ 50% ದಷ್ಟು ಜನ ಮದುವೆಯಾಗದೇ ಒಂಟಿಯಾಗಿ ವಾಸಿಸುತ್ತಿದ್ದಾರೆ. ಸುಮಾರು ಅರ್ಧಕ್ಕಿಂತ ಹೆಚ್ಚು ಮನೆಗಳಲ್ಲಿ ಒಬ್ಬರೇ ವಾಸಿಸುವ ಜನರು ಕಂಡುಬರುತ್ತಾರೆ. ಇದಕ್ಕೆ ಕಾರಣ ಅವರ ಸಂಸ್ಕೃತಿ, ಆರ್ಥಿಕ ಸ್ಥಿರತೆ ಮತ್ತು ವೈಯಕ್ತಿಕ ಸ್ವಾತಂತ್ರ್ಯಕ್ಕೆ ನೀಡುವ ಮಹತ್ವ.
ಸ್ವೀಡನ್ ಮಾತ್ರವಲ್ಲ, ನಾರ್ವೆ, ಫಿನ್ಲ್ಯಾಂಡ್, ಜಪಾನ್ ಹಾಗೂ ಜರ್ಮನಿ ದೇಶಗಳಲ್ಲೂ ಸಿಂಗಲ್ ಜೀವನ ಹೆಚ್ಚು ಸಾಮಾನ್ಯವಾಗಿದೆ. ಈ ದೇಶಗಳಲ್ಲಿ ಜನರು ತಮ್ಮದೇ ಆದ ಸಮಯವನ್ನು, ಆಸಕ್ತಿಗಳನ್ನು ಮತ್ತು ಕೆಲಸವನ್ನು ಹೆಚ್ಚು ಆದ್ಯತೆ ನೀಡುತ್ತಾರೆ. ಮದುವೆಯಿಲ್ಲದೇ ಬದುಕುವುದನ್ನು ಅವರು ಯಾವುದೊ ಕೊರತೆಯಂತೆ ನೋಡುವುದಿಲ್ಲ.
ಇದನ್ನೂ ಓದಿ:
ನಗರ ಜೀವನದ ಒತ್ತಡ, ಉದ್ಯೋಗದ ಮೇಲೆ ಗಮನ, ಸರಿಯಾದ ಸಂಗಾತಿ ಸಿಗದಿರುವುದು ಮತ್ತು ಸ್ವತಂತ್ರ ಬದುಕಿನ ಆಸೆ – ಇವುಗಳೇ ಜನರನ್ನು ಸಿಂಗಲ್ ಆಗಿರಲು ಪ್ರೇರೇಪಿಸುತ್ತಿವೆ. ಕೆಲವರಿಗೆ ಇದು ಒಂಟಿತನದ ಅನುಭವವಾದರೂ, ಇನ್ನೂ ಕೆಲವರಿಗೆ ಇದು ಸ್ವಾತಂತ್ರ್ಯದ ಸಂಕೇತವಾಗಿದೆ.
ಒಟ್ಟಾರೆ, ಸಿಂಗಲ್ ಜೀವನ ಈಗ ಒಂದು ಆಯ್ಕೆಯಷ್ಟೇ ಅಲ್ಲ, ಒಂದು ಹೊಸ ಜೀವನಶೈಲಿಯಾಗಿ ವಿಶ್ವದ ಅನೇಕ ದೇಶಗಳಲ್ಲಿ ವೇಗವಾಗಿ ಬೆಳೆದು ಬರುತ್ತಿದೆ.
