ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಬ್ಯಾಂಕಿಂಗ್ ಮತ್ತು ಹಣಕಾಸು ಸೇವೆಗಳ ಸಂಕೀರ್ಣತೆಯನ್ನು ಹೋಗಲಾಡಿಸಲು ಜಿಯೋ ಫೈನಾನ್ಷಿಯಲ್ ಸರ್ವಿಸಸ್ ಲಿಮಿಟೆಡ್ ತನ್ನ ನೂತನ ‘ಜಿಯೋಫೈನಾನ್ಸ್’ ಅಪ್ಲಿಕೇಶನ್ ಅನ್ನು ಬಿಡುಗಡೆ ಮಾಡಿದೆ. ಇದು ಸಾಮಾನ್ಯ ಫೈನಾನ್ಸ್ ಆ್ಯಪ್ಗಳಿಗಿಂತ ಭಿನ್ನವಾಗಿದ್ದು, ಅತ್ಯಾಧುನಿಕ ‘ಏಜೆಂಟಿಕ್ ಎಐ’ ಮತ್ತು ನ್ಯೂರಲ್ ನೆಟ್ವರ್ಕ್ಗಳನ್ನು ಬಳಸಿಕೊಂಡು ಬಳಕೆದಾರರಿಗೆ ಸಂಪೂರ್ಣ ವೈಯಕ್ತಿಕಗೊಳಿಸಿದ ಅನುಭವ ನೀಡಲಿದೆ.
ಇದು ಕೇವಲ ಹಣಕಾಸು ಉತ್ಪನ್ನಗಳ ಪಟ್ಟಿಯನ್ನು ತೋರಿಸದೆ, ನಿಮ್ಮ ಆರ್ಥಿಕ ಸ್ಥಿತಿ ಮತ್ತು ಅಗತ್ಯಕ್ಕೆ ತಕ್ಕಂತೆ ಸೂಕ್ತವಾದ ಆಯ್ಕೆಗಳನ್ನು ಸೂಚಿಸುವ ‘ಇಂಟೆಲಿಜೆಂಟ್ ಡಿಜಿಟಲ್ ಮಾರ್ಕೆಟ್ಪ್ಲೇಸ್’ ಆಗಿ ಕಾರ್ಯನಿರ್ವಹಿಸುತ್ತದೆ.
ಈ ಪ್ಲಾಟ್ಫಾರ್ಮ್ನಲ್ಲಿ 15 ಎಐ ಏಜೆಂಟ್ಗಳು ಮತ್ತು 70 ನಿರ್ಧಾರ ತೆಗೆದುಕೊಳ್ಳುವ ಎಂಜಿನ್ಗಳು ಕಾರ್ಯನಿರ್ವಹಿಸುತ್ತವೆ. ನೀವು ಹೋಮ್ ಲೋನ್, ವಿಮೆ ಅಥವಾ ಮ್ಯೂಚುವಲ್ ಫಂಡ್ ಹುಡುಕುತ್ತಿದ್ದರೆ, ನಿಮ್ಮ ಪ್ರೊಫೈಲ್ಗೆ ನಿಖರವಾಗಿ ಹೊಂದಿಕೆಯಾಗುವ ಆಯ್ಕೆಗಳನ್ನು ಇವು ಹುಡುಕಿಕೊಡುತ್ತವೆ.
ಗೃಹ ಸಾಲ, ವೈಯಕ್ತಿಕ ಸಾಲ, ಸೆಕ್ಯುರಿಟಿಗಳ ಮೇಲಿನ ಸಾಲ, ಕ್ರೆಡಿಟ್ ಕಾರ್ಡ್, ವಿಮೆ, ಯುಪಿಐ (UPI), ಸ್ಥಿರ ಠೇವಣಿ, ಡಿಜಿಟಲ್ ಗೋಲ್ಡ್ ಮತ್ತು ಜಿಯೋ ಬ್ಲ್ಯಾಕ್ರಾಕ್ ಮ್ಯೂಚುವಲ್ ಫಂಡ್ಗಳು ಒಂದೇ ಸೂರಿನಡಿ ಲಭ್ಯವಿವೆ.
ಅಪ್ಲಿಕೇಶನ್ನಲ್ಲಿರುವ ಚಾಟ್-ಬಾರ್ನಲ್ಲಿ ನಿಮ್ಮ ಅಗತ್ಯವನ್ನು ಟೈಪ್ ಮಾಡಿದರೆ ಸಾಕು, ಸಂಬಂಧಿತ ಆಯ್ಕೆಗಳು ಕ್ಷಣಮಾತ್ರದಲ್ಲಿ ನಿಮ್ಮ ಮುಂದೆ ಪ್ರತ್ಯಕ್ಷವಾಗುತ್ತವೆ.
ಮುಂಬರುವ ದಿನಗಳಲ್ಲಿ ಈ ಆ್ಯಪ್ ‘ಫೈನಾನ್ಷಿಯಲ್ ಫಿಟ್ನೆಸ್ ಸ್ಕೋರ್’ ಮತ್ತು ಭಾರತದ ಪ್ರತಿಯೊಬ್ಬರಿಗಾಗಿ ‘ಪರ್ಸನಲ್ ಸಿಎಫ್ಒ’ (Personal CFO) ಎಂಬ ವೈಶಿಷ್ಟ್ಯಗಳನ್ನು ಪರಿಚಯಿಸಲಿದೆ. ಇದು ನಿಮ್ಮ ಖರ್ಚು-ವೆಚ್ಚ, ಉಳಿತಾಯ ಮತ್ತು ಹೂಡಿಕೆಯನ್ನು ವಿಶ್ಲೇಷಿಸಿ, ನಿಮ್ಮ ಆರ್ಥಿಕ ಪರಿಸ್ಥಿತಿಯನ್ನು ಸುಧಾರಿಸಲು ಸಲಹೆಗಳನ್ನು ನೀಡಲಿದೆ.
“ಹಣಕಾಸು ಸೇವೆಗಳನ್ನು ಹೆಚ್ಚು ಪಾರದರ್ಶಕ, ಸರಳ ಮತ್ತು ವಿಶ್ವಾಸಾರ್ಹವಾಗಿಸುವುದು ನಮ್ಮ ಗುರಿ. ಇದರಿಂದ ಪ್ರತಿಯೊಬ್ಬ ಭಾರತೀಯನೂ ತನ್ನ ಆರ್ಥಿಕ ಭವಿಷ್ಯವನ್ನು ವಿಶ್ವಾಸದಿಂದ ನಿಯಂತ್ರಿಸಲು ಸಾಧ್ಯವಾಗುತ್ತದೆ,” ಎಂದು ಜಿಯೋ ಫೈನಾನ್ಷಿಯಲ್ ಸರ್ವಿಸಸ್ನ ಸಿಇಒ ಹಿತೇಶ್ ಸೇಥಿಯಾ ತಿಳಿಸಿದ್ದಾರೆ.
