ಹೊಸದಿಗಂತ ವರದಿ ಬೆಳಗಾವಿ
ಬೆಳಗಾವಿ: ಕನ್ನಡಿಗ ಯುವಕ ರೋಹನ್ ಪೂಜಾರಿ ಮತ್ತು ಮರಾಠಿ ಯುವತಿ ಈಶಾ ಶೇಟಕರ್ ಕಳೆದ ೯ ವರ್ಷಗಳಿಂದ ಪ್ರೀತಿಸುತ್ತಿದ್ದು, 3 ವರ್ಷಗಳ ಹಿಂದೆಯೇ ಬೆಳಗಾವಿಯ ದತ್ತ ಮಂದಿರದಲ್ಲಿ ಮದುವೆಯಾಗಿದ್ದರು.
ವಿರೋಧ ಮತ್ತು ದಿಗ್ಬಂಧನ:
ರೋಹನ್ ಮಧ್ಯಮ ವರ್ಗದವನಾಗಿದ್ದರಿಂದ ಈಶಾಳ ಶ್ರೀಮಂತ ಕುಟುಂಬದವರು ಮದುವೆಗೆ ತೀವ್ರ ವಿರೋಧ ವ್ಯಕ್ತಪಡಿಸಿದ್ದರು. ಮಗಳಿಗೆ ಮದುವೆ ಮಾಡಿಸಿಕೊಡುವುದಾಗಿ ಸುಳ್ಳು ಹೇಳಿ ಮನೆಗೆ ಕರೆದೊಯ್ದ ಹೆತ್ತವರು, ಆಕೆಯ ಮೊಬೈಲ್ ಕಿತ್ತುಕೊಂಡು ಮೂರು ವರ್ಷಗಳ ಕಾಲ ಮನೆಯಲ್ಲೇ ಕೂಡಿಹಾಕಿ ದೈಹಿಕ-ಮಾನಸಿಕ ಕಿರುಕುಳ ನೀಡಿದ್ದರು.
ಒಂದಾದ ಪ್ರೇಮಿಗಳು:
ಇತ್ತೀಚೆಗೆ ಈಶಾ ಹೇಗೋ ರೋಹನ್ಗೆ ಕರೆ ಮಾಡಿ ತನ್ನ ನೋವನ್ನು ತೋಡಿಕೊಂಡಿದ್ದು, ಹೆತ್ತವರ ದಿಗ್ಬಂಧನದಿಂದ ಓಡಿಬಂದು ಮತ್ತೆ ಪ್ರಿಯಕರನ ಕೈಹಿಡಿದಿದ್ದಾಳೆ.
ಇದನ್ನೂ ಓದಿ:
ರಕ್ಷಣೆಗೆ ಮನವಿ:
ಸದ್ಯ ಕಾನೂನುಬದ್ಧವಾಗಿ ನೋಂದಣಿ ಮದುವೆ (ರಿಜಿಸ್ಟರ್ ಮ್ಯಾರೇಜ್) ಮಾಡಿಕೊಳ್ಳಲು ನಿರ್ಧರಿಸಿರುವ ಈ ಜೋಡಿ, ಯುವತಿಯ ಪ್ರಭಾವಿ ಕುಟುಂಬದಿಂದ ತಮಗೆ ಪ್ರಾಣಾಪಾಯವಿರುವುದರಿಂದ ಸೂಕ್ತ ರಕ್ಷಣೆ ನೀಡಬೇಕೆಂದು ಬೆಳಗಾವಿ ಎಸ್ಪಿ ಕಚೇರಿ ಮೆಟ್ಟಿಲೇರಿ ಕಣ್ಣೀರಿಟ್ಟಿದ್ದಾಳೆ.
