ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಕೆಲ ದಿನಗಳ ಹಿಂದೆ ಜೋಡಿಯೊಂದು ತಮ್ಮ ಮದುವೆಯಲ್ಲಿ ದಿನ ವಿಶೇಷ ಕುತೂಹಲದ ಒಪ್ಪಂದಕ್ಕೆ ಸಹಿ ಹಾಕಿದ್ದು ಭಾರಿ ಸುದ್ದಿಯಾಗಿತ್ತು.
ಆ ಒಪ್ಪಂದದಂತೆ ವಧುವೊಬ್ಬಳು ಪ್ರತಿದಿನವೂ ಜಿಮ್‌ಗೆ ಹೋಗುವುದು, ಪ್ರತಿ 15 ದಿನಕ್ಕೊಮ್ಮೆ ಶಾಪಿಂಗ್ ಹೋಗುವುದು. ಪ್ರತಿ ತಿಂಗಳಿಗೊಮ್ಮೆ ಫಿಜ್ಜಾ ತಿನ್ನುವುದು ಎಂಬ ತಮಾಷೆಯ ಒಪ್ಪಂದವೊಂದಕ್ಕೆ ತನ್ನ ಗಂಡನಿಂದ ಆಕೆ ಸಹಿ ಹಾಕಿಸಿಕೊಂಡಿದ್ದಳು.
ಅಸ್ಸಾಂ ನ ಶಾಂತಿ ಪ್ರಸಾದ್ ಮತ್ತು ಮಿಂಟು ರೈ ಎಂಬವರು ಕಳೆದ ಜೂನ್ 21 ರಂದು ವಿವಾಹವಾಗಿದ್ದಾರೆ. ಮದುವೆಯ ಸಂದರ್ಭದಲ್ಲಿ ಮಿಂಟು ಒಪ್ಪಂದಕ್ಕೆ ಸಹಿ ಹಾಕಿಸಿಕೊಂಡಿದ್ದರು. ಇದು ವೈರಲ್ ಆಗುತ್ತಿದ್ದಂತೆಯೇ ಪಿಜ್ಜಾ ಹಟ್ ಇಂಡಿಯಾ ದಂಪತಿಗೆ ತಿಂಗಳಿಗೊಮ್ಮೆ ಉಚಿತ ಪಿಜ್ಜಾಗಳನ್ನು ಇಡೀ ವರ್ಷಕ್ಕೆ ನೀಡುವುದಾಗಿ ಘೋಷಿಸಿತ್ತು. ಅದರಂತೆಯೇ ಇದೀಗ ಪಿಜ್ಜಾ ಹಟ್ ಇಂಡಿಯಾ ಕರ್ವಾಚೌತ್ ನಿಮಿತ್ತ ನೀಡಿರುವ ಪಿಜ್ಜಾವನ್ನು ದಂಪತಿ ಸವಿಯುತ್ತಿದ್ದಾರೆ. ಇದರ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ನಿಮ್ಮ ಪತಿಯೊಂದಿಗೆ ದೀರ್ಘ ಮತ್ತು ಸಂತೋಷದ ಜೀವನಕ್ಕಾಗಿ ತಿಂಗಳಿಗೊಂದು ಪಿಜ್ಜಾ! ಅದಕ್ಕಾಗಿಯೇ ನಾವು ಜೀವಿಸುತ್ತಿದ್ದೇವೆ. ಎಲ್ಲಾ ಪಿಜ್ಜಾ-ಪ್ರೀತಿಯ ಸಂತೋಷದ ದಂಪತಿಗೆ, ಕರ್ವಾಚೌತ್ ಶುಭಾಶಯಗಳು(#HappyKarvaChauth)” ಎಂದು ಪಿಜ್ಜಾ ಹಟ್ ಇಂಡಿಯಾ ಹೇಳಿದ್ದು ಇದರ ಫೋಟೋ ವೈರಲ್ ಆಗುತ್ತಿದೆ.
