ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಡಾ.ತೇಜಸ್ವಿನಿಗೌಡ ಅವರು ಚುನಾವಣೆಗೂ ಮುನ್ನ ಬಿಜೆಪಿಗೆ ಶಾಕ್ ನೀಡಿದ್ದಾರೆ. ಪರಿಷತ್ ಸದಸ್ಯ ಸ್ಥಾನಕ್ಕೆ ರಾಜೀನಾಮೆ ನೀಡಿದ ಬಳಿಕ ಬಿಜೆಪಿಯ ಪ್ರಾಥಮಿಕ ಸದಸ್ಯತ್ವಕ್ಕೂ ವಿದಾಯ ಹೇಳಿದ್ದಾರೆ. ಪಕ್ಷದಲ್ಲಿನ ಆಂತರಿಕ ಸಮಸ್ಯೆಗಳನ್ನು ಮುಂದಿಟ್ಟುಕೊಂಡು ತೇಜಸ್ವಿನಿಗೌಡ ಭಾವುಕರಾಗಿ ಒಂದು ಪುಟದ ಪತ್ರ ಬರೆಯುವ ಮೂಲಕ ಬಿಜೆಪಿ ನಂಟಿಗೆ ಅಂತ್ಯ ಹಾಡಿದ್ದಾರೆ.
ಕಳೆದ ಒಂದು ದಶಕದಲ್ಲಿ ಪ್ರತಿನಿಧಿಯಾಗಿ, ಸಂಘಟನಾ ಕಾರ್ಯದರ್ಶಿಯಾಗಿ, ಪ್ರಚಾರಕಳಾಗಿ, ಶಿಸ್ತಿನ ಸಿಪಾಯಿಯಾಗಿ ಕೆಳಸ್ತರದಿಂದ ಉನ್ನತ ಮಟ್ಟದವರೆಗೆ, ಪಕ್ಷದ ನಿಷ್ಠಳಾಗಿ ದುಡಿದಿದ್ದೇನೆ. ಅನಂತಕುಮಾರ್ ಮತ್ತು ರಾಜ್ಯದ ರಾಜತಾಂತ್ರಿಕರೂ ಆಗಿರುವ ರಾಷ್ಟ್ರೀಯ ನಾಯಕರು, ಶ್ರೀ. ಶ್ರೀ. ಬಿ.ಎಸ್. ಯಡಿಯೂರಪ್ಪನವರ ನಾಯಕತ್ವದಲ್ಲಿ ಅಪಾರ ರಾಜಕೀಯ ಅನುಭವ ಪಡೆಯುವ ಭಾಗ್ಯ ನನಗೆ ಸಿಕ್ಕಿತ್ತು.
ಇತ್ತೀಚಿನ ವರ್ಷಗಳಲ್ಲಿ ಬಿಜೆಪಿ ಸಂಸದೀಯ ಪ್ರಜಾಪ್ರಭುತ್ವ ಮೌಲ್ಯಗಳಿಂದ ದೂರ ಸರಿದು, ಉತ್ತಮ ಸಂಸದೀಯ ಪಟುಗಳು ಮತ್ತು ಪ್ರತಿಭೆಗಳನ್ನು ಕಡೆಗಣಿಸಿ ಅವಕಾಶವಾದಿಗಳ ಸ್ವರ್ಗವಾಗಿದೆ. ಪಕ್ಷದ ವರ್ಚಸ್ಸಿಗೆ ಚ್ಯುತಿ ಬಾರದಂತೆ ಪಕ್ಷದ ಆಂತರಿಕ ವೇದಿಕೆಗಳಲ್ಲಿ ಹಿರಿಯ ಅಧಿಕಾರಿಗಳ ಗಮನಕ್ಕೆ ತರುವ ಪ್ರಯತ್ನ ನಡೆದರೂ ಶೂನ್ಯ ಫಲ ಕಂಡಿದೆ.
ಗೊತ್ತಿರುವವರಿಗೆ ಹೆಚ್ಚಿನ ವಿವರಣೆ ನೀಡದೆ, ಬಿಎಸ್ ವೈ-ಅನಂತ ಯುಗದ ಬಿಜೆಪಿಯಲ್ಲಿ ನನ್ನ ದಶಕದ ಪಯಣಕ್ಕೆ ವಿದಾಯ ಹೇಳುತ್ತೇನೆ. ಬಿಜೆಪಿಯ ಮುಖ್ಯ ಸಂಸ್ಥೆಗೆ ನಾನು ನೀಡಿರುವ ರಾಜೀನಾಮೆಯನ್ನು ಅಂಗೀಕರಿಸಬೇಕೆಂಬುದು ನನ್ನ ವಿನಮ್ರ ಮನವಿ ಎಂದು ಪತ್ರದಲ್ಲಿ ತಿಳಿಸಲಾಗಿದೆ.
