Thursday, February 2, 2023

Latest Posts

ಅಮೆರಿಕದಲ್ಲಿ ಆರ್ಕ್ಟಿಕ್ ಬ್ಲಾಸ್ಟ್: ಸಾವಿನಸಂಖ್ಯೆ 18ಕ್ಕೆ ಏರಿಕೆ, ಭೀಕರ ಚಳಿಯಲ್ಲಿ ಜನರು

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌
ಜಗತ್ತು ವರ್ಷಕ್ಕೊಮ್ಮೆ ಬರುವ ಕ್ರಿಸ್‌ ಮಸ್‌ ಹಬ್ಬವನ್ನು ಆಚರಿಸಲು ಸಂಭ್ರಮದಿಂದ ಸಜ್ಜಾಗಿದ್ದರೆ ಅಮೆರಿದಲ್ಲಿ ಮಾತ್ರ ಕ್ರಿಸ್‌ ಮಸ್‌ ಸಂಭ್ರಮ ಮಂಕಾಗಿಬಿಟ್ಟಿದೆ. ದೇಶದ ಬಹುತೇಕ ಕಡೆಗಳಲ್ಲಿ ಅಪ್ಪಳಿಸಿರೋ ಆರ್ಕ್ಟಿಕ್‌ ಬ್ಲಾಸ್ಟ್‌ ಚಂಡಮಾರುತದಿಂದಾಗಿ ಚಳಿಯಲ್ಲಿ ಸಿಲುಕಿದ ಅಮೆರಿಕನ್‌ ಪ್ರಜೆಗಳು ಭೀಕರ ಚಳಿಗೆ ಕಂಗಾಲಾಗಿದ್ದಾರೆ. ವಿಪರೀತ ಶೀತ ಹಿಮಪಾತಗಳಿಂದ ಹೆದ್ದಾರಿಗಳೂ ಮುಚ್ಚಲ್ಪಟ್ಟಿದ್ದು ಬಹುತೇಕ ಕಡೆಗಳಲ್ಲಿ ಸಂಪರ್ಕವೂ ಇಲ್ಲದಂತಾಘಿದೆ. ದೇಶದ 60ಶೇಕಡಾದಷ್ಟು ಜನರು ಶೀತಮಾರುತದ ಪ್ರಭಾವಕ್ಕೆ ಸಿಲುಕಿದ್ದಾರೆ. ಈ ವರೆಗೆ ಕನಿಷ್ಟ 18 ಮಂದಿ ಸಾವನ್ನಪ್ಪಿರುವುದಾಗಿ ವರದಿಯಾಗಿದೆ.

ಹಿಮಪಾತ, ಜೋರಾದ ಗಾಳಿಯಿಂದಾಗಿ ಸಾವಿರಾರು ಮನೆಗಳ ಲಕ್ಷಾಂತರ ಜನರು ವಿದ್ಯುತ್‌ ಸಂಪರ್ಕವಿಲ್ಲದೇ ಪರದಾಡುತ್ತಿದ್ದಾರೆ. ಚಂಡಮಾರುತವು ತನ್ನ ಸಂಪೂರ್ಣ ಕೋಪವನ್ನು ನ್ಯೂಯಾರ್ಕ್‌ನ ಬಫಲೋದಲ್ಲಿ ಬಿಚ್ಚಿಟ್ಟಿದ್ದು ಸಂಪೂರ್ಣವಾಗಿ ಎಲ್ಲಾ ಚಟುವಟಿಕೆಗಳೂ ಸ್ಥಗಿತಗೊಂಡಿವೆ. ತುರ್ತು ಪ್ರತಿಕ್ರಿಯೆಯ ಪ್ರಯತ್ನಗಳೂ ಸ್ಥಗಿತಗೊಂಡಿದ್ದು ನಗರದ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು ಮುಚ್ಚಲಾಗಿದೆ. ಅಮೆರಿಕದಾದ್ಯಂತ ಸಂಭವಿಸುತ್ತಿರುವ ಸಾವುಗಳಿಗೆ ಹಿಮಚ್ಛಾದಿತ ರಸ್ತೆಗಳಿಂದ ಕಾರು ಅಪಘಾತಗಳು, ಮರದ ರೆಂಬೆ ಮುರಿದು ಬೀಳುತ್ತಿರುವುದು ಕಾರಣವೆಂದಿದ್ದು ಲಕ್ಷಾಂತರ ಜನರಿಗೆ ಸುರಕ್ಷಿತವಾಗಿರುವಂತೆ ಮಾಹಿತಿ ನೀಡಲಾಗಿದೆ.

ಆಳವಾದ ಹಿಮ, ಒಂದಂಕಿಯ ಕನಿಷ್ಟ ತಾಪಮಾನ, ದಿನಗಟ್ಟಲೇ ವಿದ್ಯುತ್‌ ನಿಲುಗಡೆ, ಗಳು ಬಫಲೋ ನಿವಾಸಿಗಳು ತಮ್ಮ ಮನೆಗಳಿಂದ ಶಾಖವನ್ನು ಹೊಂದಿರುವ ಸ್ಥಳಕ್ಕೆ ಹೋಗಲು ಶನಿವಾರ ಪರದಾಡುವಂತೆ ಮಾಡಿತು. ಕುರುಡು ಹಿಮಪಾತಗಳು, ಘನೀಕರಿಸುವ ಮಳೆ ಮತ್ತು ತಣ್ಣನೆಯ ಚಳಿಯು ವಿದ್ಯುತ್‌ ಸಂಪರ್ಕವಿಲ್ಲದೇ ಪರದಾಡುತ್ತಿದ್ದು U.S. ನಾದ್ಯಂತ 65 ಮಿಲಿಯನ್ ಜನರಿಗೆ ವಿದ್ಯುತ್‌ ಅಗತ್ಯವಿದೆ ಎನ್ನಲಾಗಿದೆ.

 

 

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Latest Posts

Don't Miss

error: Content is protected !!