Thursday, December 1, 2022

Latest Posts

ತೆಲಂಗಾಣದ ಶಂಶಾಬಾದ್‌ನಲ್ಲಿ ‘ಮುಜ್ರಾ’ ಪಾರ್ಟಿ ಮೇಲೆ ದಾಳಿ: 4 ಕ್ರಿಮಿನಲ್‌ ಗಳೂ ಸೇರಿದಂತೆ 52 ಮಂದಿ ಬಂಧನ

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌

ಸೈಬರಾಬಾದ್ ವಿಶೇಷ ಕಾರ್ಯಾಚರಣೆ ತಂಡ ಶನಿವಾರ ರಾತ್ರಿ ಶಂಶಾಬಾದ್‌ನ ಫಾರ್ಮ್‌ಹೌಸ್‌ನಲ್ಲಿ ಆಯೋಜಿಸಿದ್ದ “ಮುಜ್ರಾ ಪಾರ್ಟಿ” ಮೇಲೆ ದಾಳಿ ನಡೆಸಿ 52 ಜನರನ್ನು ಬಂಧಿಸಿದೆ. ಅಧಿಕಾರಿಗಳು ನಾಲ್ಕು ಕಠಾರಿಗಳು, ಹುಕ್ಕಾ ಪಾತ್ರೆಗಳು ಮತ್ತು 49 ಮೊಬೈಲ್ ಫೋನ್‌ಗಳನ್ನು ವಶಪಡಿಸಿಕೊಂಡಿದ್ದಾರೆ.

ಮುಜ್ರಾ, ಮಹಿಳೆಯರು ಪ್ರದರ್ಶಿಸುವ ನೃತ್ಯದ ಪ್ರಕಾರವು ಭಾರತದಲ್ಲಿ ಮೊಘಲ್ ಆಳ್ವಿಕೆಯಲ್ಲಿ ಹೊರಹೊಮ್ಮಿತು. ಸುಳಿವು ಆಧರಿಸಿ, ತಂಡವು ಶಂಶಾಬಾದ್‌ನಲ್ಲಿರುವ ಸಲೀಂ ಫಾರ್ಮ್‌ಹೌಸ್‌ನಲ್ಲಿ ದಾಳಿ ನಡೆಸಿತು, ಅಲ್ಲಿ ಬಾಬಾ ಖಾನ್ ಎಂದು ಗುರುತಿಸಲಾದ ವ್ಯಕ್ತಿಯೊಬ್ಬ ಪಾರ್ಟಿಯನ್ನು ಆಯೋಜಿಸಿದ್ದ ಎನ್ನಲಾಗಿದೆ.

ಆತ ತನ್ನ ‘ರೌಡಿ ಶೀಟ್’ ಅನ್ನು ಪೊಲೀಸರು ಮುಚ್ಚಿದ್ದನ್ನು ಆಚರಿಸಲು ಪಾರ್ಟಿಯನ್ನು ಆಯೋಜಿಸಿದ್ದ. ನಾಲ್ಕು ಜನ ನಪುಂಸಕರನ್ನು ಪಾರ್ಟಿಯ ಕಾರ್ಯಕ್ರಮಕ್ಕೆ ಆಹ್ವಾನಿಸಿದ್ದ ಎನ್ನಲಾಗಿದೆ.

ಪೊಲೀಸರು ಬಂಧಿಸಿರುವ 52 ಜನರ ಪೈಕಿ ಯಾಸೀನ್, ಮಹಬೂಬ್, ಅಜರ್ ಮತ್ತು ಸೊಹೈಲ್ ಅವರ ವಿರುದ್ಧ ಹೈದರಾಬಾದ್‌ನ ಮೈಲಾರ್‌ದೇವಪಲ್ಲಿ ಪೊಲೀಸ್ ಠಾಣೆಯಲ್ಲಿ ರೌಡಿ ಶೀಟ್‌ಗಳು ದಾಖಲಾಗಿದೆ. ಪ್ರಕರನದ ಕುರಿತು ಹೆಚ್ಚಿನ ತನಿಖೆ ನಡೆಸಲಾಗುತ್ತಿದೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Latest Posts

Don't Miss

error: Content is protected !!