ಹೊಸದಿಗಂತ ಡಿಜಿಟಲ್ ಡೆಸ್ಕ್ :
ಆರ್ಬಿಐ ಫೆಬ್ರವರಿ ತಿಂಗಳ ಬ್ಯಾಂಕ್ ರಜೆ (Bank Holidays) ವಿವರವನ್ನು ಬಿಡುಗಡೆ ಮಾಡಿದೆ.
ಈ ಪಟ್ಟಿಯ ಪ್ರಕಾರ ಫೆಬ್ರವರಿಯಲ್ಲಿ ಬ್ಯಾಂಕ್ಗಳು ಒಟ್ಟು 10 ದಿನ ರಜೆ ಇರಲಿವೆ. ಇದರ ಜೊತೆಗೆ ಕೆಲವು ರಜೆಗಳು ರಾಜ್ಯಗಳ ವ್ಯಾಪ್ತಿಯಲ್ಲಿ ಮಾತ್ರ ಇರುವುದರಿಂದ ದೇಶದಾದ್ಯಂತ ಎಲ್ಲ ಬ್ಯಾಂಕ್ಗಳಿಗೂ ಅನ್ವಯವಾಗುವುದಿಲ್ಲ. ರಾಷ್ಟ್ರೀಕೃತ ಬ್ಯಾಂಕ್ ರಜೆ ಮಾತ್ರ ದೇಶದ ಎಲ್ಲ ಬ್ಯಾಂಕ್ಗಳಿಗೆ ಅನ್ವಯವಾಗುತ್ತದೆ.
ಫೆಬ್ರವರಿ 5 ಭಾನುವಾರ ಬ್ಯಾಂಕ್ಗಳು ರಜೆ ಇರಲಿವೆ. 11ನೇ ತಾರೀಖಿನಂದು ಎರಡನೇ ಶನಿವಾರ. 12ರಂದು ಭಾನುವಾರ ಆಗಿದ್ದು, ಬ್ಯಾಂಕ್ ರಜೆ ಇರಲಿದೆ. ಫೆಬ್ರವರಿ 15ರ ಬುಧವಾರ ಮಣಿಪುರದಲ್ಲಿ ಲುಯಿ ನಗಾಯ್ ನಿ ಹಬ್ಬದ ಪ್ರಯುಕ್ತ ಬ್ಯಾಂಕ್ ರಜೆ ಇರಲಿದೆ. ಫೆಬ್ರವರಿ 18ರ ಶನಿವಾರ ಮಹಾಶಿವರಾತ್ರಿ ಪ್ರಯುಕ್ತ ಬ್ಯಾಂಕ್ಗಳು ರಜೆ ಇರಲಿವೆ. 19ರಂದು ಭಾನುವಾರ ಮತ್ತು ಮಹಾರಾಷ್ಟ್ರದಲ್ಲಿ ಛತ್ರಪತಿ ಶಿವಾಜಿ ಮಹಾರಾಜರ ಜಯಂತಿ ಆಚರಿಸಲಾಗುತ್ತದೆ. ಹೀಗಾಗಿ ಬ್ಯಾಂಕ್ಗಳು ರಜೆ ಇರಲಿವೆ.
ಫೆಬ್ರವರಿ 20ರಂದು ಸೋಮವಾರ ಅರುಣಾಚಲ ಪ್ರದೇಶ ಮತ್ತು ಮಿಜೋರಾಂ ರಾಜ್ಯ ದಿನದ ಪ್ರಯುಕ್ತ ಬ್ಯಾಂಕ್ ರಜೆ ಇರಲಿದೆ. 21ರಂದು ಸಿಕ್ಕಿಂನಲ್ಲಿ ಲೋಸರ್ ಹಬ್ಬದ ಪ್ರಯುಕ್ತ ರಜೆ ಇದೆ. ಫೆಬ್ರವರಿ 25 ನಾಲ್ಕನೇ ಶನಿವಾರ ಆಗಿದ್ದು ದೇಶದಾದ್ಯಂತ ಬ್ಯಾಂಕ್ಗಳು ರಜೆ ಇರಲಿವೆ. 26ರಂದು ಭಾನುವಾರ ಆಗಿದ್ದು ಬ್ಯಾಂಕ್ಗಳು ರಜೆ ಇರಲಿವೆ.