ನಾವು ಪ್ರೀತಿಪಾತ್ರರಿಗೆ ಸಂತೋಷದಿಂದ ಉಡುಗೊರೆಗಳನ್ನು (Gifts) ನೀಡುತ್ತೇವೆ. ಆದರೆ ವಾಸ್ತು ಶಾಸ್ತ್ರದ ಪ್ರಕಾರ, ಕೆಲವು ವಸ್ತುಗಳನ್ನು ಗಿಫ್ಟ್ ಆಗಿ ನೀಡುವುದರಿಂದ ಕೊಡುವವರಿಗೂ ಮತ್ತು ತೆಗೆದುಕೊಳ್ಳುವವರಿಗೂ ನಕಾರಾತ್ಮಕ ಶಕ್ತಿ (Negative Energy) ಆವರಿಸುತ್ತದೆ. ಆ ವಸ್ತುಗಳು ಯಾವುವು ಎಂಬ ಮಾಹಿತಿ ಇಲ್ಲಿದೆ.
ಚೂಪಾದ ವಸ್ತುಗಳು ಬೇಡ
ಕತ್ತರಿ, ಚಾಕು ಅಥವಾ ಯಾವುದೇ ಚೂಪಾದ ವಸ್ತುಗಳನ್ನು ಯಾರಿಗೂ ಉಡುಗೊರೆಯಾಗಿ ನೀಡಬಾರದು. ಇದು ಸಂಬಂಧಗಳಲ್ಲಿ ಬಿರುಕು ಮತ್ತು ತೊಂದರೆಗಳನ್ನು ಉಂಟುಮಾಡುತ್ತದೆ ಎಂದು ವಾಸ್ತು ಹೇಳುತ್ತದೆ.
ನೀರಿನ ಸೌಂದರ್ಯದ ವಸ್ತುಗಳು
ಅಕ್ವೇರಿಯಂ, ಸಣ್ಣ ಜಲಪಾತ (Water Fountain) ಅಥವಾ ನೀರಿಗೆ ಸಂಬಂಧಿಸಿದ ಚಿತ್ರಗಳನ್ನು ಉಡುಗೊರೆಯಾಗಿ ನೀಡಬೇಡಿ. ಇದು ಆರ್ಥಿಕ ನಷ್ಟ ಮತ್ತು ಸಾಲದ ಸಮಸ್ಯೆಗೆ ಕಾರಣವಾಗಬಹುದು.
ಕೈ ಗಡಿಯಾರ
ಸಾಮಾನ್ಯವಾಗಿ ವಾಚ್ಗಳನ್ನು ಹೆಚ್ಚಾಗಿ ಗಿಫ್ಟ್ ನೀಡಲಾಗುತ್ತದೆ. ಆದರೆ ವಾಸ್ತು ಪ್ರಕಾರ, ಮತ್ತೊಬ್ಬರಿಗೆ ಗಡಿಯಾರ ನೀಡುವುದರಿಂದ ನಮ್ಮ ಸಮಯ ಅಥವಾ ಅದೃಷ್ಟ ಅವರಿಗೆ ಬದಲಾಗುತ್ತದೆ ಮತ್ತು ಪ್ರಗತಿ ಕುಂಠಿತಗೊಳ್ಳುತ್ತದೆ ಎನ್ನಲಾಗುತ್ತದೆ.
ದೇವರ ಮೂರ್ತಿಗಳು
ದೇವತಾ ಮೂರ್ತಿಗಳು ಅಥವಾ ಫೋಟೋಗಳನ್ನು ಸೂಕ್ತ ನಿಯಮಗಳಿಲ್ಲದೆ ಉಡುಗೊರೆಯಾಗಿ ನೀಡಬಾರದು. ಅವುಗಳನ್ನು ಸರಿಯಾಗಿ ಪೂಜಿಸದಿದ್ದರೆ ನಕಾರಾತ್ಮಕ ಪರಿಣಾಮ ಬೀರಬಹುದು.
ಗಮನಿಸಿ: ಸಂಬಂಧಗಳು ಗಟ್ಟಿಯಾಗಿರಲು ಮತ್ತು ಮನೆಯಲ್ಲಿ ಐಶ್ವರ್ಯ ನೆಲೆಸಲು ಉಡುಗೊರೆಗಳನ್ನು ಆಯ್ಕೆ ಮಾಡುವಾಗ ವಾಸ್ತು ನಿಯಮಗಳನ್ನು ಪಾಲಿಸುವುದು ಉತ್ತಮ.
