ಹೊಸದಿಗಂತ ಡಿಜಿಟಲ್ ಡೆಸ್ಕ್:
ದಳಪತಿ ವಿಜಯ್ ಅಭಿನಯದ ‘ಜನ ನಾಯಗನ್’ ಚಿತ್ರ ಬಿಡುಗಡೆಯಾದ ಬಳಿಕ ಪ್ರೇಕ್ಷಕರಿಂದ ಮಿಶ್ರ ಪ್ರತಿಕ್ರಿಯೆ ಪಡೆದಿದ್ದರೂ, ಬಾಕ್ಸ್ ಆಫೀಸ್‌ನಲ್ಲಿ ಉತ್ತಮ ಪ್ರದರ್ಶನ ಮುಂದುವರಿಸಿದೆ. ಮೊದಲ ದಿನ ಭರ್ಜರಿ ಆರಂಭ ಪಡೆದ ಸಿನಿಮಾ, ಎರಡನೇ ದಿನ ಸ್ವಲ್ಪ ಕುಸಿತ ಕಂಡರೂ ಮೂರನೇ ದಿನ ಮತ್ತೆ ಗಳಿಕೆಯಲ್ಲಿ ಏರಿಕೆ ದಾಖಲಿಸಿದೆ.
ಮೂರು ದಿನಗಳ ಕಲೆಕ್ಷನ್
ಚಿತ್ರವು ಮೊದಲ ದಿನ ಭಾರತದಲ್ಲಿ 42.70 ಕೋಟಿ ನೆಟ್ ಗಳಿಕೆ ಮಾಡಿತ್ತು. ಎರಡನೇ ದಿನ 21.15 ಕೋಟಿ ಸಂಗ್ರಹಿಸಿದ ಸಿನಿಮಾ, ಮೂರನೇ ದಿನ ಅಂದಾಜು 28.50 ಕೋಟಿ ನೆಟ್ ಕಲೆಕ್ಷನ್ ದಾಖಲಿಸಿದೆ. ಇದರೊಂದಿಗೆ ಮೂರು ದಿನಗಳ ಒಟ್ಟು ಭಾರತ ನೆಟ್ ಗಳಿಕೆ 92 ಕೋಟಿಗೆ ತಲುಪಿದೆ.
ಇದನ್ನೂ ಓದಿ:
ತಾರಾಗಣದ ಮೆರುಗು
ಚಿತ್ರದಲ್ಲಿ ವಿಜಯ್ ಜೊತೆಗೆ ಪೂಜಾ ಹೆಗ್ಡೆ, ಬಾಬಿ ಡಿಯೋಲ್, ಪ್ರಕಾಶ್ ರಾಜ್, ಗೌತಮ್ ವಾಸುದೇವ್ ಮೆನನ್, ಮಮಿತಾ ಬೈಜು ಹಾಗೂ ನರೇನ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರವನ್ನು ಎಚ್. ವಿನೋದ್ ನಿರ್ದೇಶಿಸಿದ್ದಾರೆ.
ಮೊದಲ ವಾರಾಂತ್ಯದ ಮೇಲೆ ನಿರೀಕ್ಷೆ
ಮೂರನೇ ದಿನದ ಚೇತರಿಕೆಯೊಂದಿಗೆ ಮೊದಲ ವಾರಾಂತ್ಯದಲ್ಲೇ 100 ಕೋಟಿ ನೆಟ್ ಗಳಿಕೆಯ ಗಡಿ ದಾಟುವ ನಿರೀಕ್ಷೆ ಚಿತ್ರತಂಡದಲ್ಲಿದೆ. ವಿಜಯ್ ಅವರ ಕೊನೆಯ ಸಿನಿಮಾ ಎಂಬ ಕಾರಣಕ್ಕೂ ಚಿತ್ರದ ಮೇಲೆ ಅಭಿಮಾನಿಗಳ ಆಸಕ್ತಿ ಮುಂದುವರಿದಿದೆ.
