ಮಕ್ಕಳು ಐದು ನಿಮಿಷ ಬ್ರೇಕ್ ಕೊಟ್ರೆ ಸಾಕು ನಾವು ಮೊಬೈಲ್ ನೋಡಬಹುದು, ಊಟ ಮಾಡಬಹುದು, ಮನೆ ಕೆಲಸ ಮಾಡಬಹುದು ಹೀಗೆ ನೂರಾರು ಈ ಕಾರಣಕ್ಕಾಗಿ ಸಿಕ್ಕ ವಸ್ತುಗಳನ್ನು ಮಕ್ಕಳ ಕೈಗೆ ಕೊಡುತ್ತೇವೆ. ಆದರೆ ಎಲ್ಲ ವಸ್ತುಗಳೂ ಮಕ್ಕಳಿಗೆ ಆಟಿಕೆಯಂತೆ ನೀಡುವಂತಿಲ್ಲ.
ಎಲ್ಲೋ ಸಾವಿರದಲ್ಲಿ ಒಂದು ಮಗುವಿಗೆ ತೊಂದರೆ ಆಗಬಹುದು ನಮ್ಮ ಮಗುವಿಗೆ ಏನಾಗೋದಿಲ್ಲ ಎನ್ನುವ ಭಾವನೆ ನಿಮ್ಮದಾಗಿದ್ಯಾ? ಹಾಗಾದ್ರೆ ಕೇಳಿ ಆ ಸಾವಿರದಲ್ಲಿ ಒಂದು ಮಗು ನಿಮ್ಮದೇ ಯಾಕೆ ಆಗಬಾರದು?
ಆದಷ್ಟು ಜಾಗರೂಕರಾಗಿ, ಕೆಟ್ಟದ್ದು ಎಂದು ತಿಳಿದ ಮೇಲೂ ಮಕ್ಕಳ ಕೈಗೆ ಈ ವಸ್ತುಗಳನ್ನು ನೀಡದಿರಿ..
ಕೀ ಬಂಚ್
ಮಕ್ಕಳಿಗೆ ಶೈನಿಯಾಗಿರುವ ಈ ಕೀ ಬಂಚ್ಗಳು, ಕೀಗಳನ್ನು ಕಂಡರೆ ಖುಷಿ, ಕೀ ಕೊಟ್ಟ ತಕ್ಷಣ ಅಳು ನಿಂತೋಯ್ತು ಎಂದು ಕೀ ಅವರ ಜೊತೆಯೇ ಬಿಟ್ಟು ಬಿಡುತ್ತೀರಿ. ಆದರೆ ಬ್ರಾಸ್ನಲ್ಲಿ ಕೀ ತಯಾರಿಸಲಾಗುತ್ತದೆ. ಇದರಲ್ಲಿ ಲೆಡ್ ಅಂಶವೂ ಇರುತ್ತದೆ. ಹಾಗಾಗಿ ಕೀ ಮಕ್ಕಳಿಂದ ದೂರ ಇಡಿ.
ಟಿವಿ ರಿಮೋಟ್ಗಳು
ದೊಡ್ಡವರು ಟಿವಿ ರಿಮೋಟ್ಗಾಗಿ ಕಿತ್ತಾಡೋದನ್ನು ನೋಡುವ ಮಕ್ಕಳು ತಮಗೂ ರಿಮೋಟ್ ಬೇಕು ಎಂದು ಆಸೆ ಪಡ್ತಾರೆ. ಆದರೆ ರಿಮೋಟ್ನಲ್ಲಿರುವ ಸಣ್ಣ ಸಣ್ಣ ವಸ್ತುಗಳನ್ನು ಗಮನಿಸಿ, ಮಕ್ಕಳು ಕಿತ್ತು ಯಾವುದನ್ನಾದರೂ ಬಾಯಿಗೆ ಹಾಕಬಹುದು, ಬ್ಯಾಟರಿ ನುಂಗಬಹುದು. ಎಚ್ಚರ
ಮೊಬೈಲ್, ಐಪ್ಯಾಡ್, ಟ್ಯಾಬ್ಲೆಟ್ಸ್
18 ತಿಂಗಳಿಗೂ ಮುನ್ನ ಮಕ್ಕಳ ಕೈಗೆ ಮೊಬೈಲ್ ನೀಡಬೇಡಿ. ಎರಡು ವರ್ಷ ಮಕ್ಕಳು ಮೊಬೈಲ್ ನೋಡದೇ ಬೆಳೆದರೆ ಅವರು ಬುದ್ಧಿವಂತರಾಗುತ್ತದೆ. ಮೊಬೈಲ್ನ ಸಾಕಷ್ಟು ಟೆಕ್ನಾಲಜಿಗಳು ಅವರಿಗೆ ಸಹಾಯಕವಾಗಬಹದು. ಆದರೆ ಟೆಕ್ ಜೊತೆ ಸಮಸ್ಯೆ ಬರುತ್ತದೆ. ನಿಮ್ಮ ಮೊಬೈಲ್ ಎಲ್ಲೆಲ್ಲಿ ಓಡಾಡಿದೆ ನೆನಪು ಮಾಡಿಕೊಳ್ಳಿ. ಟಾಯ್ಲೆಟ್ ರೂಂಗೆ ಕೂಡ ಮೊಬೈಲ್ ತೆಗೆದುಕೊಂಡು ಹೋಗುತ್ತೀರಿ. ಹೀಗಿರುವಾಗ ಮಕ್ಕಳು ಫೋನ್ ಬಾಯಿಗೆ ಹಾಕೋದು ಎಷ್ಟು ಸರಿ?
ನಾಣ್ಯಗಳು
ನಾಣ್ಯಗಳಿಂದ ಶಬ್ದ ಮಾಡೋದು, ನೆಲದ ಮೇಲೆ ಉರುಳಿಬಿಡೋದು ನೋಡೋದಕ್ಕೆ ಮಕ್ಕಳಿಗೆ ಭಾರೀ ಖುಷಿ. ಆದರೆ ನೀವು ಇಲ್ಲದೆ ಮಕ್ಕಳು ಅದನ್ನು ಆಟಿಕೆ ಎಂದು ಪರಿಗಣಿಸಿ ನುಂಗಿದರೆ? ಉಸಿರುಕಟ್ಟೋದು, ಚೋಕಿಂಗ್ ಇನ್ನಷ್ಟು ಪ್ರಾಣಕ್ಕೆ ಅಪಾಯವಾದ ತೊಂದರೆ ಅನುಭವಿಸಬೇಕಾದೀತು.
ಪತ್ರಿಕೆ
ಪ್ರಿಂಟ್ ಆಗಿರುವ ಯಾವುದೇ ಪತ್ರಿಕೆಯನ್ನು ಮಕ್ಕಳಿಗೆ ಆಡಲು ನೀಡಬೇಡಿ. ಪ್ರಿಂಟ್ಗಾಗಿ ಲೆಡ್ ಅಂಶ ಬಳಕೆ ಮಾಡಲಾಗುತ್ತದೆ. ಇದು ಜೀವಕ್ಕೆ ಹಾನಿಕಾರಕ. ನನ್ನ ಮಗು ಬರೀ ಪೇಪರ್ ಮುಟ್ಟುತ್ತದೆ ಬಾಯಿಗೆ ಹಾಕೋದಿಲ್ಲ ಎನ್ನಬೇಡಿ, ಮಕ್ಕಳು ಲೆಡ್ ಮುಟ್ಟಿದ ಕೈಯನ್ನು ಬಾಯಿಗೆ ಹಾಕಿದರೂ ಸಮಸ್ಯೆ ಒಂದೇ.
ಮಾರ್ಕರ್, ಪೆನ್, ಕ್ರಯಾನ್ಸ್
ಮಕ್ಕಳ ಕೈಗೆ ಇವನ್ನು ನೀಡುವ ಮುನ್ನ ಗಮನಿಸಿ, ಪೆನ್ನ ಕ್ಯಾಪ್ನ್ನು ಮಕ್ಕಳು ನುಂಗಿದರೆ? ಇನ್ನು ಸಿಕ್ಕಸಿಕ್ಕ ಕಡೆ ಗೀಚುವುದು ಕೂಡ ಅಷ್ಟು ಸುಂದರವಾದ ಕೆಲಸ ಅಲ್ಲ. ಟಾಡ್ಲರ್ ಆದ ನಂತರ ಬಣ್ಣಗಳನ್ನು ಹಾಕಲು ಹೇಳಿಕೊಡಿ. ಅದು ನೀವಿದ್ದಾಗ ಮಾತ್ರ
ಬೇಬಿ ವೈಪ್ಸ್
ಬೇಬಿ ವೈಪ್ಸ್ನ ಪ್ಲಾಸ್ಟಿಕ್ ಸೌಂಡ್ ಮಕ್ಕಳಿಗೆ ಆಕರ್ಷಣೆ, ಡೈಪರ್ ಚೇಂಜ್ ಮಾಡುವಾಗ ವೈಪ್ಸ್ ಕವರ್ಗೆ ಕೈಹಾಕಲು ಯತ್ನಿಸುತ್ತಾರೆ. ಆದರೆ ವೈಪ್ಸ್ ಬಾಯಿಗೆ ಹಾಕೋದು, ನುಂಗೋದು ಎಲ್ಲವೂ ಸಮಸ್ಯೆಯೇ. ಇದರಲ್ಲಿರುವ ಕೆಮಿಕಲ್ಸ್ ಮಗುವಿಗೆ ಹಾನಿ ಮಾಡುತ್ತವೆ.