ಪತ್ನಿ ಅಥವಾ ಗರ್ಲ್‌ಫ್ರೆಂಡ್‌ಗೆ ಯಾವಾಗಲೂ ಐ ಲವ್ ಯೂ ಹೇಳಬೇಕು ಅಂತೇನಿಲ್ಲ. ಬೇರೆ ಬೇರೆ ರೀತಿಯಲ್ಲಿ ನೀವು ನಡೆದುಕೊಳ್ಳುವ ರೀತಿ, ಮಾಡುವ ಕೆಲಸಗಳಿಂದಲೂ ಐ ಲವ್ ಯೂ ಹೇಳಬಹುದು. ಯಾವ ರೀತಿ ನೋಡಿ..
ಇದನ್ನು ನೋಡಿದಾಗ ನೀನೇ ನೆನಪಾದೆ
ಇದೆಲ್ಲಾ ನಿಮಗೆ ಚೀಸಿ ಎನಿಸಬಹುದು. ಆದರೆ ಪ್ರೀತಿಪಾತ್ರರು ಹೇಳಿದಾಗ ಹುಡುಗಿಯರಿಗೆ ಇವು ತುಂಬಾ ಖುಷಿ ನೀಡುತ್ತವೆ. ಯಾವುದೋ ಒಂದು ಬಿಸ್ಕೆಟ್‌ನಲ್ಲಿ ಸ್ಮೈಲಿ ಇದೆ ಎಂದುಕೊಳ್ಳಿ. ಇದನ್ನು ಆಕೆಗೆ ಫೋಟೊ ಕಳಿಸಿ, ನಿನ್ನ ನಗು ಮುಖ ನೆನಪಾಯ್ತು ಎನ್ನಿ.
ತಡಿ ನಾನು ಬಂದು ಹೆಲ್ಪ್ ಮಾಡ್ತೇನೆ
ಆಕೆ ಮಹಡಿ ಮೇಲೆ ಬಟ್ಟೆ ಒಣಗಿ ಹಾಕ್ತಾಳೆ. ಅದು ತನ್ನ ಕೆಲಸ ಎನ್ನುವಂತೆ ಮಾಡುತ್ತಾಳೆ. ಅಷ್ಟೊಂದು ಬಟ್ಟೆ ಅವಳೇ ಎತ್ತಿಕೊಂಡು ಮೆಟ್ಟಲು ಹತ್ತೋಕೆ ಬಿಡಬೇಡಿ, ನಾನು ಬಂದೆ ಎಂದು ಹೋಗಿ ಸಹಾಯ ಮಾಡಿ.
ಆಕೆ ಫೋನ್ ತೆಗೆಯದೇ ಹೋದಾಗ ಅವಳಿಗೆ ಎಲ್ಲಿ ಹೋದರೂ ಫೋನ್ ತೆಗೆದುಕೊಂಡು ಹೋಗು. ಎಮರ್ಜೆನ್ಸಿ ಯಾವಾಗ ಬೇಕಾದರೂ ಬರಬಹುದು. ನನಗೆ ಗಾಬರಿ ಆಗುತ್ತದೆ ಎಂದು ಕಾಳಜಿ ತೋರಿ.
ನೀವಿದ್ದೀರಿ ಅನ್ನೋ ಧೈರ್ಯದ ಮೇಲೆ ಆಕೆ ಏನೋ ಮಾಡಿ ಬಂದಿರುತ್ತಾಳೆ. ಅದು ತಪ್ಪೇ ಇರಬಹುದು. ಆ ಸನ್ನಿವೇಶದಿಂದ ಹೊರಬರೋಕೆ ಸಹಾಯ ಮಾಡಿ. ನಾನಿದ್ದೇನೆ ಎಂದು ಹೇಳಿ.
ಎಲ್ಲರೆದುರು ಗೌರವ ನೀಡಿ
ಎಲ್ಲರೆದುರು ಆಕೆಯನ್ನು ತೆಗಳಬೇಡಿ, ಮನೆಯಲ್ಲಿ ಈ ಬಗ್ಗೆ ಮಾತನಾಡಿ. ಜನರೆದುರು ಅವಳನ್ನು ಹೊಗಳಿ. ಗೌರವ ನೀಡಿ ಮಾತನಾಡಿ.
ಅವಳ ವಿಷಯಗಳಲ್ಲಿ ಇಂಟ್ರೆಸ್ಟ್ ತೋರಿಸಿ
ಅವಳು ಯಾವ ಬಟ್ಟೆ ಹಾಕಿದ್ದಾಳೆ. ಹೇಗೆ ಕಾಣ್ತಿದ್ದಾಳೆ. ಏನು ಹೇಳ್ತಾ ಇದ್ದಾಳೆ ಎಲ್ಲದರ ಬಗ್ಗೆ ಗಮನ ಇರಲಿ. ಅವಳು ಒಂದು ಸಾಲು ಹೇಳಿದರೆ, ಅದರ ಬಗ್ಗೆ ನೀವೇ ಇನ್ನೂ ಕೇಳಿ. ಪ್ರಶ್ನಿಸಿ. ಆಗ ಅವಳಿಗೆ ನೀವು ಅವಳ ಬಗ್ಗೆ ಆಸಕ್ತಿ ಹೊಂದಿದ್ದೀರಿ ಎನ್ನುವ ವಿಷಯ ತಿಳಿಯುತ್ತದೆ.
ಇದಕ್ಕೆ ಹುಡುಗರ ಬಳಿ ಉತ್ತರ ಇರೋದಿಲ್ಲ, ಉತ್ತರ ಬಾಯಲ್ಲಿ ಇರೋದಿಲ್ಲ ಆದರೆ ಮನಸ್ಸಿನಲ್ಲಿ ಇದ್ದೇ ಇರುತ್ತದೆ. ಯಾವುದೋ ಒಂದು ಗುಣಕ್ಕೆ ಮೆಚ್ಚಿ ಲವ್ ಮಾಡೋಕೆ ಶುರು ಮಾಡಿದ್ರು, ಇಷ್ಟಪಡುತ್ತಾ ನಿಮ್ಮ ಸಾವಿರಾರು ಗುಣ ಅವರಿಗಿಷ್ಟ ಆಗಿರುತ್ತದೆ. ಇದನ್ನು ಬಾಯಿ ಬಿಟ್ಟು ಹೇಳಿ. ಹುಡುಗಿಯರಿಗೆ ಇಂಥದ್ದು ಕೇಳೋಕೆ ತುಂಬಾ ಇಷ್ಟ.
ಆಕೆ ದಿನಾ ಮನೆಕೆಲಸ, ಆಫೀಸ್ ಕೆಲಸ ಎಲ್ಲವನ್ನೂ ಮಾಡ್ತಾಳೆ. ಒಂದು ದಿನಕ್ಕಾದರೂ ಅವಳ ಕೆಲಸವನ್ನು ಹೊಗಳಿದ್ದೀರಾ? ಇವತ್ತೇನು ಮನೆ ಫಳಫಳ ಹೊಳಿತಿದೆ, ಐರನ್ ಚೆನ್ನಾಗಿ ಆಗಿದೆ, ತಿಂಡಿ ಸೂಪರ್. ಹೀಗೆ ಹೇಳಿ ನೋಡಿ.
