ಯಾವಾಗಲೂ ಖುಷಿಯಾಗಿರೋದು ಸ್ವಲ್ಪ ಕಷ್ಟವೇ, ಆದರೆ ಟ್ರೈ ಮಾಡೋದ್ರಲ್ಲಿ ತಪ್ಪೇನಿಲ್ಲ. ದೈಹಿಕ ಆರೋಗ್ಯದಷ್ಟೇ ಮಾನಸಿಕ ಆರೋಗ್ಯವೂ ಮುಖ್ಯವಾಗಿರುತ್ತದೆ. ಖುಷಿಯನ್ನು ಹಂಚೋದಕ್ಕೆ ಮೊದಲು ನಾವು ಖುಷಿಯಾಗಿರಬೇಕು, ಇದಕ್ಕೆ ಕೆಲವು ಸರಳ ಸಲಹೆ ಇಲ್ಲಿದೆ..
- ಮೊದಲು ನಿಮ್ಮ ಒತ್ತಡದ ಬಗ್ಗೆ ಆಲೋಚಿಸಿ, ಒತ್ತಡ ಮ್ಯಾನೇಜ್ ಮಾಡೋದು ಹೇಗೆ ನೋಡಿ. ಒತ್ತಡ ಇಲ್ಲದೆ ಇರುವ ಮನುಷ್ಯ ಸದಾ ಖುಷಿಯಾಗಿರುತ್ತಾನೆ.
- ನಿಮ್ಮ ಕಂಪನಿಯನ್ನು ನೀವು ಎಂಜಾಯ್ ಮಾಡಿ. ನೀವು ನಿಮ್ಮ ಬಗ್ಗೆ ಖುಷಿಯಾಗಿದ್ದರೆ ಮಾತ್ರ ಸಂತಸ ಮನಸ್ಸಿಂದ ಬರುತ್ತದೆ.
- ಆತ್ಮವಿಶ್ವಾಸವಿದ್ದರೆ ಎಲ್ಲವೂ ಸರಾಗ. ನಿಮ್ಮ ಆತ್ಮವಿಶ್ವಾಸ ಹೆಚ್ಚಳಕ್ಕೆ ಏನು ಬೇಕು ಅದರ ತಯಾರಿಯಲ್ಲಿ ತೊಡಗಿ.
- ಆರೋಗ್ಯಕರ ಲೈಫ್‌ಸ್ಟೈಲ್ ಇರುವುದು ತುಂಬಾನೇ ಮುಖ್ಯ. ಉತ್ತಮ ಆಹಾರ, ವ್ಯಾಯಾಮ ಹಾಗೂ ಧ್ಯಾನ ಇರಲಿ.
- ಜನರೊಂದಿಗೆ ಮಾತನಾಡಿ, ಅನಿಸಿದ್ದನ್ನು ಹೇಳಿಕೊಳ್ಳಿ. ಮಾತನಾಡುವುದರಿಂದ ಎಷ್ಟೋ ಸಮಸ್ಯೆಗೆ ಪರಿಹಾರ ಸಿಗುವುದು.
- ಇತರರನ್ನು ಹೊಗಳಿ, ಮನಸ್ಸಿಗೆ ಇಷ್ಟವಾದರೆ ತಕ್ಷಣ ಹೊಗಳಿ, ಇದರಿಂದ ಅವರ ದಿನವೂ ಚೆನ್ನಾಗಿರುತ್ತದೆ ಹಾಗೆ ನಿಮ್ಮದೂ ಕೂಡ.
- ದಿನದಲ್ಲಿ ಒಂದು ಬಾರಿಯಾದರೂ ಯಾರಿಗಾದರೂ ಸಹಾಯ ಮಾಡಿ. ಇದು ನಿಮ್ಮ ಮನಸ್ಸಿಗೆ ಖುಷಿ ನೀಡುತ್ತದೆ.
- ಯಾರ ಮೇಲಾದರೂ ಸಿಟ್ಟು ಬಂದರೆ, ಮಾತನಾಡುವ ಮುನ್ನ ನೀವು ಅವರ ಜಾಗದಲ್ಲಿ ನಿಂತು ಒಮ್ಮೆ ಆಲೋಚಿಸಿ.
