ಮಕ್ಕಳಿಂದ ದೊಡ್ಡವರವರೆಗೂ ಮೂಗೊಳಗೆ ಕೈ ಹಾಕಿ ಕೊಳೆ ತೆಗೆಯುವ ಅಭ್ಯಾಸ ಇದ್ದೇ ಇರುತ್ತದೆ. ಇದು ಸಾಮಾನ್ಯವಾಗಿ ಎಲ್ಲರೂ ಮಾಡುವಂಥದ್ದು. ಆದರೆ ಇದೇ ಅಭ್ಯಾಸವಾಗಿ ಹೋದರೆ ಗಂಭೀರ ಸಮಸ್ಯೆಗಳು ಎದುರಾಗುತ್ತವೆ. ಯಾವ ಸಮಸ್ಯೆಗಳು ನೋಡಿ..
- ಮೂಗಿಗೆ ಕೈ ಹಾಕೋದ್ರಿಂದ ಕೈ ಮೇಲೆ ಇರುವ ಬ್ಯಾಕ್ಟೀರಿಯಾ ಹಾಗೂ ಜರ್ಮ್ಸ್ ಮೂಗಿನ ಒಳ ಸೇರಿ ಅನಾರೋಗ್ಯ ಉಂಟಾಗುತ್ತದೆ.
- ಪದೇ ಪದೆ ಮೂಗಿಗೆ ಕೈ ಹಾಕೋ ಕೆಟ್ಟ ಅಭ್ಯಾಸಿಂದ ಶಾಶ್ವತವಾಗಿ ಮೂಗಿಗೆ ಹಾನಿಯಾಗುತ್ತದೆ. ಇದರಿಂದ ಮೂಗಿನಲ್ಲಿ ರಕ್ತ ಬರಬಹುದು.
- ಮೂಗಿನ ಕೊಳೆಯನ್ನು ತಿನ್ನುವ ಅಭ್ಯಾಸ ಕೆಲವರಿಗೆ ಇರುತ್ತದೆ. ಆದರೆ ಇದೂ ಕೂಡ ಒಳ್ಳೆಯದಲ್ಲ. ಮೂಗಿಗೆ ಯಾವುದೇ ಬ್ಯಾಕ್ಟೀರಿಯಾ ಹೋಗದಂತೆ ತಡೆಗಟ್ಟಲು ನಮ್ಮ ದೇಹ ಮ್ಯೂಕಸ್ ಉತ್ಪಾದನೆ ಮಾಡುತ್ತದೆ. ಆ ಮ್ಯೂಕಸ್ ಒಣಗಿ ಮೂಗಿನ ಕಸ ಎನಿಸಿಕೊಳ್ಳುತ್ತದೆ. ಬ್ಯಾಕ್ಟೀರಿಯಾ ಹಿಡಿದು ಇಟ್ಟುಕೊಂಡಿರುವ ಕಸವನ್ನು ತಿಂದರೆ ಮತ್ತೆ ಬ್ಯಾಕ್ಟೀರಿಯಾ ಹೊಟ್ಟೆಗೆ ಹೋಗುತ್ತದೆ.
- ಮೂಗಿನ ರಂಧ್ರಗಳಿಂದ ಕೂದಲು ಕಿತ್ತುಬಂದು, ಗಾಯಗಳಾಗಿ ಕಡಿತ ಬರಬಹುದು.
- ಮೂಗಿನ ಒಳಪದರ ಹಾನಿಯಾಗಿ ಬ್ಯಾಕ್ಟೀರಿಯಾಗಳು ಮೆದುಳಿಗೆ ತಲುಪುತ್ತವೆ. ಇದು ಆಲ್ಝೈಮರ್ಸ್ ಹಾಗೂ ಕಿವುಡುತನಕ್ಕೆ ಕಾರಣವಾಗಬಹುದು.
- ನ್ಯುಮೋನಿಯಾ ಹಾಗೂ ಮೂಳೆ ರೋಗಗಳಿಗೆ ಆಹ್ವಾನ ನೀಡಿದಂತೆ ಆಗುತ್ತದೆ.
- ಮೂಗಿಗೆ ಕೈಹಾಕಿದ ನಂತರ ಕೈ ತೊಳೆಯದೇ ಕಣ್ಣು, ಬಾಯಿ ಮುಟ್ಟಿದರೆ ಬ್ಯಾಕ್ಟೀರಿಯಾ ದೇಹದ ಒಳಗೆ ಹೋಗುತ್ತದೆ.