ಹೊಸದಿಗಂತ ಡಿಜಿಟಲ್ ಡೆಸ್ಕ್
ಹಿಂದೂ ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಭರಣಿಯು ಎರಡನೇ ನಕ್ಷತ್ರ ವಾಗಿದೆ. ಶುಕ್ರ ಗ್ರಹವು ಭರಣಿ ನಕ್ಷತ್ರವನ್ನು ಸಂಕೇತಿಸುತ್ತದೆ. ಸಾವಿನ ದೇವತೆಯಾದ ಯಮನು ಭರಣಿ ನಕ್ಷತ್ರವನ್ನು ಆಳುತ್ತಾನೆ. ಭರಣಿ ಎಂದರೆ ಪೋಷಿಸುವವನು ಎಂದರ್ಥ. ಈ ರಾಶಿಯವರು ನಾಯಕತ್ವ ಗುಣಗಳನ್ನು ಹೊಂದಿದವರು. ಹಾಗೂ ಅದ್ಭುತ ಚೈತನ್ಯವನ್ನು ಹೊಂದಿರುತ್ತಾರೆ. ಅಲ್ಲದೇ ಯಾವುದೇ ವಿಚಾರದ ಕುರಿತಾಗಿ ಧನಾತ್ಮಕ ಮತ್ತು ಋಣಾತ್ಮಕ ಚಿಂತನೆಗಳನ್ನು ನಡೆಸಿ ಮುಂದಡಿ ಇಡುತ್ತಾರೆ.
ಆದರೆ, ಈ ನಕ್ಷತ್ರದಲ್ಲಿ ಜನಿಸಿದ ವ್ಯಕ್ತಿಗಳಿಗೆ ತೊಡಕಾಗುವ ವಿಚಾರವೆಂದರೆ, ತಮ್ಮ ಜೀವನ ಹಾಗೂ ನಿರ್ಧಾರಗಳನ್ನು ಕೈಗೊಳ್ಳುವ ವಿಷಯದಲ್ಲಿ ಹೆಚ್ಚಿನ ಗೊಂದಲ ಭಾವನೆಗಳನ್ನು ಹೊಂದಿರುತ್ತಾರೆ. ಇನ್ನೊಂದು ವಿಚಾರವೆಂದರೆ ಈ ರಾಶಿಯವರಿಗೆ ಹಠ ಜಾಸ್ತಿ. ಕಲಿಕೆಯ ವಿಷಯದಲ್ಲಿ ಈ ನಕ್ಷತ್ರದವರು ಉಳಿದ ನಕ್ಷತ್ರದವರಿಗಿಂತ ಹೆಚ್ಚಿನ ಆಸಕ್ತಿಯನ್ನು ಹೊಂದಿರುತ್ತಾರೆ. ಭರಣಿಯು ಹಲವಾರು ವಿಶೇಷತೆಗಳನ್ನು ಹೊಂದಿರುವ ನಕ್ಷತ್ರವಾಗಿದ್ದು, ಈ ಕುರಿತಾದ ಹೆಚ್ಚಿನ ಮಾಹಿತಿಗಾಗಿ ಕೆಳಗಿನ ವಿಡಿಯೋ ಗಮನಿಸಿ.