ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಭಾರತದ ವಾರೆನ್ ಬಫೆಟ್ ಖ್ಯಾತಿಯ ಷೇರುಮಾರುಕಟ್ಟೆಯ ದಿಗ್ಗಜ ರಾಕೇಶ್ ಜುಂಜುನ್ ವಾಲಾ ಅವರ ಅಕಾಲಿಕ ಮರಣವು ದೇಶದ ಹೂಡಿಕೆ ಮಾರುಕಟ್ಟೆಗೆ ಒಂದು ಆಘಾತವೇ ಸರಿ. ಮೂತ್ರಪಿಂಡದ ಖಾಯಿಲೆಯಿಂದ ಬಳಲುತ್ತಿದ್ದ ಅವರು ತಮ್ಮ 62ನೇ ವಯಸ್ಸಿನಲ್ಲಿ ನಿಧರಾಗಿದ್ದಾರೆ. ಅವರ ಮರಣಾನಂತರ ಸುಮಾರು 32 ಟಾಪ್ ಕಂಪನಿಗಳಲ್ಲಿದ್ದ ಅವರ ಒಟ್ಟೂ ಷೇರ್ ಹೋಲ್ಡಿಂಗ್ ನ ಮೊತ್ತ 32,000ಕೋಟಿ ರೂ. ಈ ಹಿನ್ನೆಲೆಯಲ್ಲಿ ʼಬಿಗ್ ಬುಲ್ʼ ಎಲ್ಲೆಲ್ಲಿ ಎಷ್ಟೆಷ್ಟು ಹೂಡಿಕೆ ಮಾಡಿದ್ದರು ಎಂಬುದರ ಕುರಿತಾದ ಚಿಕ್ಕ ಮಾಹಿತಿ ಇಲ್ಲಿದೆ.
ಜುಂಜುನ್ವಾಲಾ ಅವರು 1986 ರಲ್ಲಿ ಟಾಟಾ ಟೀ ಷೇರುಗಳಲ್ಲಿ ತಮ್ಮ ಮೊದಲ ಲಾಭವನ್ನು ಗಳಿಸಿದರು. 43ರೂಪಾಯಿಗೆ ಖರೀದಿಸಿದ್ದ ಅವರು ಮೂರು ತಿಂಗಳಲ್ಲೇ 143 ರೂ.ಗೆ ಜಿಗಿದು ಲಾಭ ಗಳಿಸಿದ್ದರು. ಆಗ ಸೆನ್ಸೆಕ್ಸ್ 150 ಅಂಶಗಳಲ್ಲಿತ್ತು. ಈಗ, ಅವರ ದೊಡ್ಡ ಹೂಡಿಕೆಯು ಟಾಟಾ ಸಮೂಹ ಕಂಪನಿಯಾದ ಟೈಟಾನ್ನಲ್ಲಿದೆ.
ಜುಂಜುನ್ ವಾಲಾ ಹೋಲ್ಡಿಂಗ್ ಗಳ ವಲಯವಾರು ಹಂಚಿಕೆ
ಅವರು ಸುಮಾರು 32 ಕಂಪನಿಗಳಲ್ಲಿ ಷೇರುಗಳನ್ನು ಹೊಂದಿದ್ದಾರೆ. ಅವರ ಹೂಡಿಕೆಯ ವಲವಾರು ಚಿತ್ರಣವನ್ನು ನೋಡುವುದಾದರೆ ಅವರು ತಮ್ಮ ಒಟ್ಟಾರೆ ಹೂಡಿಕೆಯ 13% ದಷ್ಟನ್ನು ನಿರ್ಮಾಣ ಮತ್ತು ಗುತ್ತಿಗೆಯಲ್ಲಿ (ರಿಯಲ್ ಎಸ್ಟೇಟ್) ಹೊಂದಿದ್ದಾರೆ. ಇದನ್ನು ಹೊರತು ಪಡಿಸಿ ಹಣಕಾಸು ವಲಯದಲ್ಲಿ 6%, ಔಷಧೀಯ ಕ್ಷೇತ್ರದಲ್ಲಿ 6%, ಖಾಸಗಿ ವಲಯದ ಬ್ಯಾಂಕ್ಗಳಲ್ಲಿ 6%, ಕೀಟನಾಶಕ ಮತ್ತು ಕೃಷಿ ರಾಸಾಯನಿಕಗಳ ಮೇಲೆ 3%, ಆಸ್ಪತ್ರೆಗಳು ಮತ್ತು ವೈದ್ಯಕೀಯ ಸೇವೆಗಳು 3%, ಸಾಫ್ಟ್ವೇರ್ಗಳ ಮೇಲೆ 3% ಮತ್ತು ಮೂಲಸೌಕರ್ಯ ವಲಯದಲ್ಲಿ 3% ದಷ್ಟಿದೆ.
ಜುಂಜುನ್ವಾಲಾ ಅವರ ಬಂಡವಾಳವು ಖಾದ್ಯ ತೈಲಗಳು, ಪಾದರಕ್ಷೆಗಳು, ಸಿಮೆಂಟ್, ಅಲ್ಯೂಮಿನಿಯಂ, ಪ್ಯಾಕೇಜಿಂಗ್, ಹಣಕಾಸು (ವಸತಿ), ಸಾರ್ವಜನಿಕ ವಲಯದ ಬ್ಯಾಂಕ್ಗಳು, ಮಾಧ್ಯಮ ಮತ್ತು ಮನರಂಜನೆ, ಹೋಟೆಲ್ಗಳ ಉದ್ಯಮಗಳು ಮತ್ತು ದೂರಸಂಪರ್ಕ ಕ್ಷೇತ್ರಗಳನ್ನು ಒಳಗೊಂಡಿದೆ.
ಎಲ್ಲೆಲ್ಲಿ ಎಷ್ಟು ಪರ್ಸೆಂಟ್ ಹೂಡಿದ್ದಾರೆ ರಾಕೇಶ್ ?
ವರದಿಗಳ ಪ್ರಕಾರ ಜುಂಜುನ್ವಾಲಾ ಆಪ್ಟೆಕ್ನಲ್ಲಿ 23.37 ಶೇಕಡಾ ಪಾಲನ್ನು ಹೊಂದಿದ್ದರು. ಇದಲ್ಲದೇ ಸ್ಟಾರ್ ಹೆಲ್ತ್ ಮತ್ತು ಅಲೈಡ್ ವಿಮಾ ಕಂಪನಿಯಲ್ಲಿ ಶೇ.17.49, ಮೆಟ್ರೋ ಬ್ರಾಂಡ್ಗಳಲ್ಲಿ ಶೇ.14.43, ಎನ್ಸಿಸಿಯಲ್ಲಿ ಶೇ.12.62, ನಜಾರಾ ಟೆಕ್ನಾಲಜೀಸ್ನಲ್ಲಿ ಶೇ.10.03, ರಾಲಿಸ್ ಇಂಡಿಯಾದಲ್ಲಿ ಶೇ.9.81, ಬಿಲ್ಕೇರ್ನಲ್ಲಿ ಶೇ.8.48,ಆಗ್ರೋ ಟೆಕ್ ಫುಡ್ಸ್ನಲ್ಲಿ 8.22, ಶೇ, ವ್ಯಾ ಟೆಕ್ ವಾಬಾಗ್ ಲಿಮಿಟೆಡ್ ಶೇ 8.04, ಮತ್ತು ಜಿಯೋಜಿತ್ ಫೈನಾನ್ಷಿಯಲ್ ಸರ್ವೀಸಸ್ನಲ್ಲಿ ಶೇ 7.54 ರಷ್ಟು ಪಾಲನ್ನು
ಹೊಂದಿದ್ದಾರೆ.
ಅವರು ಟೈಟಾನ್, ಫೋರ್ಟಿಸ್ ಹೆಲ್ತ್ಕೇರ್, ಕ್ರಿಸಿಲ್, ಜುಬಿಲಂಟ್ ಫಾರ್ಮೋವಾ, ಜುಬಿಲಂಟ್ ಇಂಗ್ರೆವಿಯಾ, ಆಟೋಲೈನ್ ಇಂಡಸ್ಟ್ರೀಸ್, ಅನಂತ್ ರಾಜ್, ಕರೂರ್ ವೈಶ್ಯ ಬ್ಯಾಂಕ್, ದಿಶ್ಟ್ರಾಮ್ ಕಾರ್ಬೋಜೆಮ್ ಅಮ್ಸಿಸ್, ಇಂಡಿಯನ್ ಹೋಟೆಲ್ಸ್ ಕಂಪನಿ, ಫೆಡರಲ್ ಬ್ಯಾಂಕ್, ವೊಕ್ಹಾರ್ಟ್, ಟಾಟಾ ಕಮ್ಯುನಿಕೇಷನ್ಸ್, ಟಾಟಾ ಮೋಟರ್ಸ್ ಮತ್ತು ಇಂಡಿಯಾಬುಲ್ಗಳಲ್ಲಿ 6.76 ಪ್ರತಿಶತದಿಂದ 1.08 ಪ್ರತಿಶತದಷ್ಟು ಹೂಡಿಕೆ ಮಾಡಿದ್ದಾರೆ.
ಬಿಗ್ಬುಲ್ ಹೂಡಿಕೆ ಮಾಡಿರುವ ಮೊತ್ತವೆಷ್ಟಿದೆ ?
ಒಟ್ಟೂ ಮೊತ್ತದ ಪರಿಭಾಷೆಯಲ್ಲಿ ನೋಡುವುದಾದರೆ ಟೈಟಾನ್ ಕಂಪನಿಯಲ್ಲಿ 11,086.94 ಕೋಟಿ ರೂ.ಗಳನ್ನು ಹೂಡಿಕೆ ಮಾಡಿದ್ದಾರೆ, ನಂತರ ಸ್ಟಾರ್ ಹೆಲ್ತ್ ಮತ್ತು ಅಲೈಡ್ ಇನ್ಶುರೆನ್ಸ್ ಕಂಪನಿಯಲ್ಲಿ ರೂ. 7,017.51 ಕೋಟಿ, ಮೆಟ್ರೋ ಬ್ರಾಂಡ್ಗಳಲ್ಲಿ ರೂ. 3,348.81 ಕೋಟಿ, ರೂ. 1,731 ರೂ. ಕ್ರಿಸಿಲ್ನಲ್ಲಿ 1,301.86 ಕೋಟಿ, ಫೋರ್ಟಿಸ್ ಹೆಲ್ತ್ಕೇರ್ನಲ್ಲಿ 898.91 ಕೋಟಿ, ಫೆಡರಲ್ ಬ್ಯಾಂಕ್ನಲ್ಲಿ 838.99 ಕೋಟಿ, ಕೆನರಾ ಬ್ಯಾಂಕ್ನಲ್ಲಿ 822.48 ಕೋಟಿ, ಇಂಡಿಯನ್ ಹೋಟೆಲ್ಸ್ ಕಂಪನಿ ಲಿಮಿಟೆಡ್ನಲ್ಲಿ 816.31 ಮತ್ತು ಎನ್ಸಿಸಿಯಲ್ಲಿ 505.25 ಕೋಟಿ ಹೂಡಿಕೆ ಮಾಡಿದ್ದಾರೆ.
ಇವೆಲ್ಲವನ್ನೂ ಹೊರತುಪಡಿಸಿ ರಾಕೇಶ್ ಜುಂಜುನ್ವಾಲಾ ಚಲನಚಿತ್ರ ನಿರ್ಮಾಪಕರೂ ಆಗಿದ್ದರು. ಅವರು ಇಂಗ್ಲಿಷ್-ವಿಂಗ್ಲಿಷ್, ಶಮಿತಾಭ್, ಮತ್ತು ಕಿ ಮತ್ತು ಕಾ ಮುಂತಾದ ಚಲನಚಿತ್ರಗಳನ್ನು ನಿರ್ಮಿಸಿದ್ದಾರೆ.