ಬೇಸಿಗೆಯಲ್ಲಿ ದೇಹಕ್ಕೆ ತಂಪು ನೀಡುವ ಜೊತೆಗೆ ಸಿಹಿ ರುಚಿಯಿಂದ ಮನಸ್ಸನ್ನೂ ಫ್ರೆಶ್ ಮಾಡುವ ಪಾನೀಯಗಳಲ್ಲಿ ಗುಲ್ಕನ್ ಮಿಲ್ಕ್ ಶೇಕ್ ಒಂದು. ಗುಲಾಬಿಯ ಸುವಾಸನೆ, ತಣ್ಣನೆಯ ಹಾಲು ಮತ್ತು ಐಸ್ ಕ್ರೀಮ್ ಸೇರಿ ಈ ಡ್ರಿಂಕ್ಗೆ ವಿಶೇಷ ರುಚಿ ನೀಡುತ್ತದೆ. ಕೆಲವೇ ನಿಮಿಷಗಳಲ್ಲಿ ಮನೆಯಲ್ಲೇ ಸುಲಭವಾಗಿ ಇದನ್ನು ತಯಾರಿಸಬಹುದು.
ಬೇಕಾಗುವ ಪದಾರ್ಥಗಳು
ತಣ್ಣನೆಯ ಹಾಲು – 2 ಕಪ್
ಗುಲ್ಕನ್ – 2 ಚಮಚ
ರೋಸ್ ಸಿರಪ್ – 1 ರಿಂದ 2 ಚಮಚ
ವೆನಿಲ್ಲಾ ಐಸ್ ಕ್ರೀಮ್ – 1 ಅಥವಾ 2 ಸ್ಕೂಪ್
ಐಸ್ ತುಂಡುಗಳು – 4 ರಿಂದ 5
ಸಕ್ಕರೆ – ಬೇಕಿದ್ದರೆ ಮಾತ್ರ
ಮಾಡುವ ವಿಧಾನ
ಮೊದಲು ಮಿಕ್ಸಿ ಜಾರಿಗೆ ತಣ್ಣನೆಯ ಹಾಲು ಹಾಕಿ. ನಂತರ ಅದಕ್ಕೆ ಗುಲ್ಕನ್, ರೋಸ್ ಸಿರಪ್ ಮತ್ತು ವೆನಿಲ್ಲಾ ಐಸ್ ಕ್ರೀಮ್ ಸೇರಿಸಿ. ಬಳಿಕ ಐಸ್ ತುಂಡುಗಳನ್ನು ಹಾಕಿ ಎಲ್ಲವನ್ನೂ ನೊರೆ ಬರುವವರೆಗೆ ಚೆನ್ನಾಗಿ ರುಬ್ಬಿಕೊಳ್ಳಿ.
ಸಿದ್ಧವಾದ ಮಿಲ್ಕ್ ಶೇಕ್ ಅನ್ನು ಗ್ಲಾಸ್ಗೆ ಸುರಿದು ಮೇಲೆ ಸ್ವಲ್ಪ ಗುಲ್ಕನ್ ಅಥವಾ ಡ್ರೈ ಫ್ರೂಟ್ಸ್ ಹಾಕಿದರೆ ರುಚಿ ಮತ್ತಷ್ಟು ಹೆಚ್ಚುತ್ತದೆ. ತಕ್ಷಣ ತಂಪಾಗಿಯೇ ಸವಿಯಿರಿ.
