ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಇನ್ಮುಂದೆ ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಇ-ಬೈಕ್ ಟ್ಯಾಕ್ಸಿ ಸೇವೆ ಲಭ್ಯವಾಗಲಿದೆ.
ಹೌದು, ಇ-ಬೈಕ್ ಟ್ಯಾಕ್ಸಿ ಸೇವೆಗಳಿಗೆ ಸರ್ಕಾರ ಗ್ರೀನ್ ಸಿಗ್ನಲ್ ನೀಡಿದ್ದು ಶೀಘ್ರವೇ ಟ್ಯಾಕ್ಸಿಗಳು ರಸ್ತೆಗಿಳಿಯಲಿವೆ.
ವಿಕೆಡ್ ರೈಡ್, ಬೌನ್ಸ್ ಖಾಸಗಿ ಸಂಸ್ಥೆಗಳಿಗೆ ಸಾರಿಗೆ ಇಲಾಖೆ ಪರವಾನಗಿ ನೀಡಿವೆ. ಇ-ಬೈಕ್ ಟ್ಯಾಕ್ಸಿಗಳಿಗೆ ಮೊದಲ ಐದು ಕಿಲೋಮೀಟರ್‌ಗೆ 25 ರೂಪಾಯಿ ನಿಗದಿ ಮಾಡಲಾಗಿದೆ. ತದನಂತರ 10 ಕಿಮೀ ಪ್ರಯಾಣಕ್ಕೆ 50 ರೂಪಾಯಿ ದರ ವಿಧಿಸಬೇಕಿದೆ. ಸದ್ಯಕ್ಕೆ 100 ಇ-ಬೈಕ್ ಟ್ಯಾಕ್ಸಿ ನಿರ್ವಹಣೆಗೆ ಅನುಮತಿ ದೊರಕಿದ್ದು, ಮುಂದಿನ ಐದು ವರ್ಷದ ವರೆಗೆ ಪರವಾನಗಿ ಇರಲಿದೆ. ಸಾರ್ವಜನಿಕರಿಗೆ ಮೆಟ್ರೊಗೆ ತೆರಳಲು ಇ-ಬೈಕ್ ಅತಿ ಸುಲಭವಾದ ಆಯ್ಕೆಯಾಗಲಿದೆ.
15 ವರ್ಷ ದಾಟಿದ ಯಾರಾದರೂ ಇ-ಬೈಕ್ ಬಾಡಿಗೆ ಪಡೆಯುವುದು, ಚಾಲಕ ಹಾಗೂ ಹಿಂಬದಿ ಸವಾರನಿಗೆ ಸೂಚಿಸಿದ ಬಣ್ಣದ ಹೆಲ್ಮೆಟ್ ಕಡ್ಡಾಯವಾಗಿದೆ. ಸರ್ಕಾರದ ಈ ನಡೆಗೆ ಆಟೋ ಚಾಲಕರು ಬೇಸತ್ತಿದ್ದು, ತಮ್ಮ ದುಡಿಮೆಗೆ ಇದರಿಂದ ಅನ್ಯಾಯವಾಗುತ್ತದೆ ಎನ್ನುತ್ತಿದ್ದಾರೆ. ಬೆಂಗಳೂರಿನಲ್ಲಿ ಡಿ.29 ಕ್ಕೆ ಆಟೋ ಚಾಲಕರು ಭಾರೀ ಪ್ರತಿಭಟನೆ ಹಮ್ಮಿಕೊಂಡಿದ್ದಾರೆ.
