ದೀರ್ಘಕಾಲದವರೆಗೆ ಒಂದೇ ಕಡೆ ಕುಳಿತುಕೊಂಡು ಕೆಲಸ ಮಾಡುವುದು ಇಂದಿನ ಜಡ ಜೀವನಶೈಲಿಯಲ್ಲಿ ದೀರ್ಘಕಾಲದ ಬೆನ್ನು ನೋವಿಗೆ ಪ್ರಮುಖ ಕಾರಣವಾಗಿದೆ. ಗಂಟೆಗಟ್ಟಲೆ ಒಂದೆ ಕಡೆ ಕುಳಿತಾಗ, ಅದು ನಿಲ್ಲುವುದಕ್ಕಿಂತಲೂ ಶೇಕಡಾ 40 ರಷ್ಟು ಹೆಚ್ಚು ಒತ್ತಡವನ್ನು ಕೆಳಗಿನ ಬೆನ್ನುಮೂಳೆಯ ಡಿಸ್ಕ್ಗಳು ಮತ್ತು ಸುತ್ತಮುತ್ತಲಿನ ಸ್ನಾಯುಗಳ ಮೇಲೆ ಹೇರುತ್ತದೆ. ಸಮಯ ಕಳೆದಂತೆ ಈ ನಿರಂತರ ಒತ್ತಡವು ತಪ್ಪು ದೈಹಿಕ ಭಂಗಿ, ನರಗಳ ಕುಗ್ಗುವಿಕೆ ಮತ್ತು ಸ್ನಾಯುಗಳ ಆಯಾಸಕ್ಕೆ ದಾರಿ ಮಾಡಿಕೊಡುತ್ತದೆ. ದೀರ್ಘಕಾಲದ ಕೆಲಸದ ಅವಧಿಯಲ್ಲಿ ದೇಹವು ನೀಡುವ ಆರಂಭಿಕ ದೈಹಿಕ ಎಚ್ಚರಿಕೆಗಳನ್ನು ಗುರುತಿಸುವುದು ಬೆನ್ನುಮೂಳೆಯ ಶಾಶ್ವತ ಹಾನಿ ಹಾಗೂ ಸ್ಲಿಪ್ಡ್ ಡಿಸ್ಕ್ ಅಥವಾ ಸಯಾಟಿಕಾದಂತಹ ಗಂಭೀರ ಸಮಸ್ಯೆಗಳನ್ನು ತಡೆಗಟ್ಟಲು ಅತ್ಯಗತ್ಯವಾಗಿದೆ.
ನಿರಂತರ ಕುಳಿತೇ ಕೆಲಸ ಮಾಡುವುದರಿಂದ ಕಾಡುವ ನೋವುಗಳು:
ದೀರ್ಘಕಾಲ ಕುಳಿತು ಎದ್ದ ತಕ್ಷಣ ಬೆನ್ನು ನೇರ ಮಾಡಲು ಕಷ್ಟವಾಗುವುದು ಮತ್ತು ಕೆಳಬೆನ್ನಿನ ಸ್ನಾಯುಗಳು ಬಿಗಿದುಕೊಂಡ ಅನುಭವವಾಗುತ್ತದೆ.
ಕುಳಿತು ಕೆಲಸ ಮಾಡುವಾಗ ಸೊಂಟ ಹಾಗೂ ಪೃಷ್ಠದ (buttocks) ಭಾಗದಲ್ಲಿ ನಿರಂತರವಾಗಿ ಒಂದು ರೀತಿಯ ಮಂದವಾದ ನೋವು ಅಥವಾ ಭಾರವಾದ ಅನುಭವ ಇರುತ್ತದೆ.
ಕಂಪ್ಯೂಟರ್ ಅಥವಾ ಲ್ಯಾಪ್ಟಾಪ್ ಕಡೆಗೆ ತಲೆ ಬಾಗಿಸಿ ಕುಳಿತುಕೊಳ್ಳುವುದರಿಂದ ಬೆನ್ನಿನ ಮೇಲ್ಭಾಗ ಮತ್ತು ಕುತ್ತಿಗೆಯ ಸ್ನಾಯುಗಳ ಮೇಲಿನ ಒತ್ತಡ ಹೆಚ್ಚಾಗಿ ನೋವು ಕಾಣಿಸಿಕೊಳ್ಳುತ್ತದೆ.
ನಿರಂತರ ಕುಳಿತುಕೊಳ್ಳುವಿಕೆಯಿಂದ ಬೆನ್ನುಮೂಳೆಯ ಡಿಸ್ಕ್ಗಳು ಕುಗ್ಗಿ ನರಗಳ ಮೇಲೆ ಒತ್ತಡ ಹೇರುವುದರಿಂದ ಕಾಲಿನ ಪಾದ ಅಥವಾ ಬೆರಳುಗಳಲ್ಲಿ ಮರಗಟ್ಟುವಿಕೆ ಅಥವಾ ಸೂಜಿ ಚುಚ್ಚಿದಂತಹ ಅನುಭವ ಉಂಟಾಗಬಹುದು.
ದೀರ್ಘಕಾಲ ಕುಳಿತು ಒಮ್ಮೆಲೇ ಎದ್ದು ನಿಂತಾಗ ಅಥವಾ ನಡೆಯಲು ಹೋದಾಗ ಬೆನ್ನಿನಲ್ಲಿ ತೀಕ್ಷ್ಣವಾದ ನೋವು ಕಾಣಿಸಿಕೊಳ್ಳಬಹುದು.
ಖಾಯಂ
