ಸೋಲು ತಪ್ಪಿಸಿಕೊಂಡ ಇಂಗ್ಲೆಂಡ್ : ಪಂದ್ಯ ಡ್ರಾನಲ್ಲಿ ಅಂತ್ಯ

ಹೊಸದಿಗಂತ ಡಿಜಿಟಲ್ ಡೆಸ್ಕ್:

ಆ್ಯಶಸ್​ ಸರಣಿಯ ನಾಲ್ಕನೇ ಪಂದ್ಯವು ಡ್ರಾನಲ್ಲಿ ಅಂತ್ಯಗೊಂಡಿದೆ. 5 ಪಂದ್ಯಗಳ ಸರಣಿಯಲ್ಲಿ ಈಗಾಗಲೇ 3-0 ಮುನ್ನಡೆಯೊಂದಿಗೆ ಟ್ರೋಫಿಯನ್ನು ತನ್ನಲ್ಲೇ ಉಳಿಸಿಕೊಂಡಿರುವ ಆಸೀಸ್, ಕೊನೆಯ ಎರಡು ಓವರ್​ಗಳಲ್ಲಿ ಒಂದು ವಿಕೆಟ್​ ಪಡೆಯಲಾಗದೆ​ ಪಂದ್ಯ ಗೆಲ್ಲುವಲ್ಲಿ ವಿಫಲವಾಯಿತು. 388 ರನ್​ಗಳ ಗೆಲುವಿನ ಗುರಿ ಪಡೆದಿದ್ದ ರೂಟ್​ ಪಡೆ ನಾಲ್ಕನೇ ದಿನದಾಟದ ಅಂತ್ಯಕ್ಕೆ ವಿಕೆಟ್​ ನಷ್ಟವಿಲ್ಲದೆ 30 ರನ್​ ಗಳಿಸಿತ್ತು. ಆದರೆ, ಇಂದು ಬೆಳಗ್ಗೆ ದಿಢೀರ್​ ಕುಸಿತ ಕಂಡು 100 ರನ್​ ಗಳಿಸುವಷ್ಟರಲ್ಲಿ 3 ವಿಕೆಟ್​ ಕಳೆದುಕೊಂಡು ಸೋಲಿನತ್ತ ಮುಖಮಾಡಿತ್ತು.
ಈ ಸಂದರ್ಭ ತಂಡಕ್ಕೆ ನಾಯಕ ಜೋ ರೂಟ್​ (24) ಹಾಗೂ ಆಲ್​ರೌಂಡರ್​ ಬೆನ್​ ಸ್ಟೋಕ್ಸ್(60)​ ಜೊತೆಗೂಡಿ ಆಟವಾಡಿದರು. ಅರ್ಧಶತಕದ ಆಡವಾಡಿದ ಸ್ಟೋಕ್ಸ್(60)​ ನಾಯಕನ ವಿಕೆಟ್​ ಪತನದ ಬಳಿಕ ಜಾನಿ ಬೈರ್​ಸ್ಟೋ (41) ಇಂಗ್ಲೆಂಡ್​ಗೆ ನೆರವಾದರು.
ಆದರೆ, ಇವರಿಬ್ಬರು ಔಟ್​ ಆದ ಬಳಿಕ ವಿಕೆಟ್​ ಕೀಪರ್​ ಬ್ಯಾಟರ್​ ಜೋಸ್​ ಬಟ್ಲರ್ 11, ವುಡ್​ 0 ಹಾಗೂ ಜಾಕ್​ ಲೀಚ್​ 26 ರನ್​ಗೆ ಪೆವಿಲಿಯನ್‌ಗೆ ಮರಳಿದ್ದು ಇಂಗ್ಲೆಂಡ್​ ಪಾಳೆಯದಲ್ಲಿ ಸೋಲಿನ ಆತಂಕ ಮೂಡಿಸಿತ್ತು. ಆದರೆ, ಅಂತಿಮವಾಗಿ ಸ್ಟುವರ್ಟ್​ ಬ್ರಾಡ್​ 35 ಎಸೆತಗಳಲ್ಲಿ 8 ಹಾಗೂ ಜೇಮ್ಸ್​ ಎಂಡರ್ಸನ್​ 6 ಬಾಲ್​ ಎಂದುರಿಸಿ ಔಟಾಗದೆ ಉಳಿದುಕೊಂಡು ಸೋಲಿನಿಂದ ಬಚಾವ್​ ಮಾಡಿದೆ. ಎರಡೂ ಇನ್ನಿಂಗ್ಸ್​ಗಳಲ್ಲಿ ಶತಕ(137, 101) ಬಾರಿಸಿ ಮಿಂಚಿದ ಉಸ್ಮಾನ್ ಖವಾಜಾ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು. ಸರಣಿಯ ಅಂತಿಮ ಪಂದ್ಯವು ಜ.14ರಿಂದ ಹೋಬಾರ್ಡ್​ನಲ್ಲಿ ನಡೆಯಲಿದೆ.