ಈಗಲೂ ಎಷ್ಟೋ ಮಂದಿಗೆ ಇಂಗ್ಲಿಷ್ ತುಂಬಾನೇ ಕಷ್ಟ. ಬರಿಯೋಕೆ ಸುಲಭ ಎನಿಸಿದರೂ ಮಾತನಾಡೋಕೆ ತುಂಬಾನೇ ಕಷ್ಟ ಎನಿಸುತ್ತದೆ. ಇಂಗ್ಲಿಷ್ ಕಲಿಯೋದು ಕಬ್ಬಿಣದ ಕಡಲೆಯೇನಲ್ಲ. ಆದರೆ ನಾವು ಅದನ್ನು ಹಾಗೆ ಮಾಡಿಕೊಂಡಿದ್ದೇವೆ ಅಷ್ಟೆ. ಇಂಗ್ಲಿಷ್ ಕಲಿಯೋಕೆ ಈಸಿ ಟಿಪ್ಸ್ ಇಲ್ಲಿದೆ..
- ಸಿಕ್ಕಿದ್ದನ್ನೆಲ್ಲಾ ಓದಿ, ಇಂಗ್ಲಿಷ್‌ನಲ್ಲಿ ಏನೇ ಕಾಣಿಸಿದರೂ ಅದನ್ನು ಓದೋಕೆ ಟ್ರೈ ಮಾಡಿ.
- ಅರ್ಥವಾಗದಿದ್ದರೂ, ಸ್ವಲ್ಪ ಅರ್ಥವಾದರೂ ಇಂಗ್ಲಿಷ್ ಲೇಖನಗಳನ್ನ ಓದಿ. ದಿನವೂ ಒಂದು ಲೇಖನ ಓದಿ ಸಾಕು.
- ಇಂಗ್ಲಿಷ್ ಸಿನಿಮಾ ಅಥವಾ ಸೀರೀಸ್ ನೋಡುವ ಅಭ್ಯಾಸ ಮಾಡಿ. ಸಬ್‌ಟೈಟಲ್ಸ್‌ಗಳ ಕಡೆ ಗಮನ ಕೊಡಿ. ಇಂಗ್ಲಿಷ್ ಜೊತೆಗೆ ಟ್ರೆಂಡ್ ಕೂಡ ತಿಳಿಯುತ್ತದೆ.
- ತಪ್ಪಾದರೂ ಪರವಾಗಿಲ್ಲ. ಇಂಗ್ಲಿಷ್‌ನಲ್ಲಿಯೇ ಮಾತನಾಡಿ, ತಪ್ಪಿನಿಂದ ಕಲಿಕೆ ಸಾಧ್ಯ.
- ದಿನಕ್ಕೆ ಐದು ಹೊಸ ಪದ ಕಲಿಯಿರಿ. ನಿನ್ನೆ ಕಲಿತ ಪದಗಳನ್ನು ರಿವೈಸ್ ಮಾಡಿ. ಅದನ್ನು ಮಾತನಾಡುವಾಗ ಬಳಕೆ ಮಾಡಿ.
- ಇಂಗ್ಲಿಷ್ ಕಲಿಯೋದಕ್ಕೆ ಓದಿರಲೇಬೇಕು ಎಂದೇನಿಲ್ಲ. ಎಷ್ಟೋ ಗಣ್ಯರು ಶಾಲೆ ಮೆಟ್ಟಿಲಷ್ಟೇ ಹತ್ತಿ ಸರಾಗವಾಗಿ ಇಂಗ್ಲಿಷ್ ಮಾತನಾಡುತ್ತಾರೆ. ಅಂತವರನ್ನು ನೋಡಿ ಕಲಿಯಿರಿ.
- ಗ್ರಾಮರ್ ನೂರಕ್ಕೆ ನೂರರಷ್ಟು ಸರಿಯಾಗಿಯೇ ಇರಬೇಕು ಅನ್ನೋದನ್ನು ಮನಸ್ಸಿನಿಂದ ತೆಗೆಯಿರಿ. ನೀವು ಮಾತನಾಡಿದ್ದು ಎದುರಿನವರಿಗೆ ಅರ್ಥವಾದರೆ ಸಾಕು.
- ಈಜು ಅರ್ಧಬರ್ಧ ಕಲಿತರೂ ಪರವಾಗಿಲ್ಲ ಒಮ್ಮೆ ನೀರಿಗೆ ಇಳಿಯಿರಿ. ಯಾವುದಾದರೂ ಫಾರೀನ್ ದೇಶಕ್ಕೆ ಹೋಗಿ ಬನ್ನಿ.
- ಇಂಗ್ಲಿಷ್ ಬಗ್ಗೆ ಮೊದಲು ಭಯ ಬಿಡಿ. ಇದೂ ಒಂದು ಭಾಷೆ ಅಷ್ಟೆ ಅನ್ನೋದನ್ನು ಮನಸ್ಸಿನಲ್ಲಿ ಗಟ್ಟಿಮಾಡಿಕೊಳ್ಳಿ.
