ಪೊಲೀಸ್ ದಾಳಿ ಭೀತಿ: ನಾಲ್ಕನೇ ಮಹಡಿಯಿಂದ ಹಾರಿ ನೈಜೀರಿಯಾ ಮಹಿಳೆ ಸಾ*ವು

ಹೊಸದಿಗಂತ ಡಿಜಿಟಲ್ ಡೆಸ್ಕ್:

ಉತ್ತರ ದೆಹಲಿಯ ಸ್ವರೂಪ್ ನಗರ ಪ್ರದೇಶದಲ್ಲಿ ಮಾದಕವಸ್ತು ವಿರೋಧಿ ಕಾರ್ಯಾಚರಣೆಯ ವೇಳೆ ನೈಜೀರಿಯಾ ಮೂಲದ ಮಹಿಳೆಯೊಬ್ಬರು ನಾಲ್ಕನೇ ಮಹಡಿಯ ಅಪಾರ್ಟ್‌ಮೆಂಟ್‌ನಿಂದ ಕೆಳಗೆ ಹಾರಿ ಸಾವನ್ನಪ್ಪಿದ ಘಟನೆ ಬೆಳಕಿಗೆ ಬಂದಿದೆ.

ದಾಳಿ ವೇಳೆ ನಡೆದ ದುರಂತ

ಸ್ಟೆಲ್ಲಾ ಪಯಸ್ ಎಂಬ ಮಹಿಳೆ ವಾಸಿಸುತ್ತಿದ್ದ ಫ್ಲಾಟ್ ಮೇಲೆ ಮಾದಕವಸ್ತು ನಿಯಂತ್ರಣಕ್ಕೆ ಸಂಬಂಧಿಸಿದ ತನಿಖೆಯ ಭಾಗವಾಗಿ ದಾಳಿ ನಡೆಸಲಾಗಿತ್ತು. ಈ ವೇಳೆ ಮಹಿಳೆ ಬಾಲ್ಕನಿಯಿಂದ ಜಿಗಿದಿದ್ದು, ಗಂಭೀರ ಗಾಯಗೊಂಡ ಅವರನ್ನು ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ.

ಡ್ರಗ್ಸ್ ತಯಾರಿ ಶಂಕೆ

ಫ್ಲಾಟ್‌ನ ಪರಿಶೀಲನೆ ವೇಳೆ ಹಲವು ರಾಸಾಯನಿಕ ಪದಾರ್ಥಗಳು, ಪೈಪ್‌ಗಳು ಮತ್ತು ತೂಕ ಅಳೆಯುವ ಉಪಕರಣಗಳು ಪತ್ತೆಯಾಗಿವೆ. ಪ್ರಾಥಮಿಕ ತನಿಖೆಯಲ್ಲಿ ಈ ಸ್ಥಳವನ್ನು ಮೆಥಾಂಫೆಟಮೈನ್ ಮಾದಕವಸ್ತು ತಯಾರಿಕೆಗೆ ಬಳಸಲಾಗುತ್ತಿತ್ತು ಎಂಬ ಶಂಕೆ ವ್ಯಕ್ತವಾಗಿದೆ.