“ನಾಳೆಯಿಂದ ಡಯಟ್ ಶುರು”, “ಸೋಮವಾರದಿಂದ ಜಿಮ್ ಪಕ್ಕಾ” — ಈ ಮಾತುಗಳು ಬಹುತೇಕ ಎಲ್ಲರ ಜೀವನದಲ್ಲೂ ಬರುತ್ತವೆ. ಫಿಟ್ನೆಸ್ ಆರಂಭಿಸೋ ಆಸೆ ಇರುತ್ತದೆ, ಆದರೆ ಅದನ್ನು ಮುಂದೂಡುವ ಹವ್ಯಾಸವೇ ದೊಡ್ಡ ಅಡ್ಡಿಯಾಗುತ್ತದೆ. ದಿನಗಳು ಕಳೆಯುತ್ತವೆ, ಆದರೆ ಆರಂಭ ಮಾತ್ರ ಆಗೋದಿಲ್ಲ. ಈ ‘ನಾಳೆಯಿಂದ’ ಅನ್ನೋ ಚಕ್ರದಿಂದ ಹೊರಬರೋದು ತುಂಬಾ ಮುಖ್ಯ.
ಪರಿಪೂರ್ಣ ಸಮಯಕ್ಕಾಗಿ ಕಾಯ್ಬೇಡಿ
ಜಿಮ್ ಶುರು ಮಾಡೋಕೆ, ವಾಕ್ ಹೋಗೋಕೆ ಅಥವಾ ಹೆಲ್ತಿ ತಿನ್ನೋಕೆ ವಿಶೇಷ ದಿನ ಬೇಡ. “ಇವತ್ತೇ ಸಣ್ಣದಾಗಿ ಶುರು ಮಾಡ್ತೀನಿ” ಅನ್ನೋ ಮನಸ್ಥಿತಿ ಮುಖ್ಯ.
ದೊಡ್ಡ ಗುರಿ ಬೇಡ, ಸಣ್ಣ ಹೆಜ್ಜೆ ಸಾಕು
ಮೊದಲ ದಿನವೇ 2 ಗಂಟೆ ವರ್ಕೌಟ್ ಅಥವಾ ಸ್ಟ್ರಿಕ್ಟ್ ಡಯಟ್ ಪ್ಲಾನ್ ಮಾಡಿದ್ರೆ ಬೇಗ ಬಿಡೋ ಸಾಧ್ಯತೆ ಹೆಚ್ಚು. ದಿನಕ್ಕೆ 15 ನಿಮಿಷ ವಾಕ್ನಿಂದಲೇ ಆರಂಭಿಸಬಹುದು.
ಆಲೋಚನೆ ಕಡಿಮೆ, ಆಕ್ಷನ್ ಹೆಚ್ಚು
ಹೆಚ್ಚು ಪ್ಲಾನ್ ಮಾಡ್ತಾ ಕುಳಿತರೆ ಆರಂಭ ತಡವಾಗುತ್ತದೆ. ಶೂ ಹಾಕಿ ಹೊರಗೆ ನಡೆಯೋದು — ಇದೇ ಮೊದಲ ಗೆಲುವು.
ಇದನ್ನೂ ಓದಿ:
ಮಿಸ್ ಆದ್ರೂ ಮತ್ತೆ ಶುರು ಮಾಡಿ
ಒಂದು ದಿನ ಬ್ರೇಕ್ ಆಯ್ತು ಅಂದ್ರೆ “ಮತ್ತೆ ನಾಳೆಯಿಂದ” ಅಂತ ಬಿಡ್ಬೇಡಿ. ಸಾಧ್ಯವಾದ ಕ್ಷಣದಿಂದ ಮತ್ತೆ ಮುಂದುವರಿಸಿ.
ನಿಮ್ಮ ಕಾರಣ ನೆನಪಿರಲಿ
ಫಿಟ್ ಆಗ್ಬೇಕು ಅನ್ನೋ ನಿಮ್ಮ ನಿಜವಾದ ಕಾರಣ ಏನು? ಆರೋಗ್ಯ, ಆತ್ಮವಿಶ್ವಾಸ ಅಥವಾ ಎನರ್ಜಿ — ಅದನ್ನು ನೆನಪಿಸಿಕೊಂಡ್ರೆ ಮುಂದೂಡುವ ಅಭ್ಯಾಸ ಕಡಿಮೆಯಾಗುತ್ತದೆ.
ಫಿಟ್ನೆಸ್ನಲ್ಲಿ ದೊಡ್ಡ ಬದಲಾವಣೆ ಒಂದು ದಿನದಲ್ಲಿ ಆಗೋದಿಲ್ಲ… ಆದರೆ ಆರಂಭ ಮಾತ್ರ ಒಂದು ಕ್ಷಣದಲ್ಲಿ ಆಗುತ್ತದೆ. ಆ ಕ್ಷಣ ‘ನಾಳೆ’ ಅಲ್ಲ, ‘ಇವತ್ತು’ ಆಗಿರಲಿ.
