ಕೇಕ್ ತಿನ್ಬೇಕು, ಆದರೆ ಒವನ್ ಇಲ್ಲ, ಸಮಯವೂ ಕಡಿಮೆ ಇದೆ ಅಂದಾಗ… ಓರಿಯೋ ಮಗ್ ಕೇಕ್ ಸೂಪರ್ ಸೊಲ್ಯೂಷನ್. ಕೇವಲ ಕೆಲವು ಪದಾರ್ಥಗಳು, ಒಂದು ಮಗ್ ಮತ್ತು ಮೈಕ್ರೋವೇವ್ ಸಾಕು. ಮಕ್ಕಳಿಗೂ ದೊಡ್ಡವರಿಗೂ ಇಷ್ಟವಾಗುವ ಈ ಕೇಕ್ ರುಚಿಯಲ್ಲಿ ಚಾಕ್ಲೇಟ್ ಕೇಕ್ಗೆ ಕಡಿಮೆಯೇ ಇಲ್ಲ.
ಬೇಕಾಗುವ ಸಾಮಗ್ರಿಗಳು
ಓರಿಯೋ ಬಿಸ್ಕಟ್ – 4 ರಿಂದ 5
ಹಾಲು – 4 ಟೇಬಲ್ ಸ್ಪೂನ್
ಬೇಕಿಂಗ್ ಪೌಡರ್ – ಒಂದು ಚಿಟಿಕೆ
ಸಕ್ಕರೆ – 1 ಟೀ ಸ್ಪೂನ್ (ಐಚ್ಛಿಕ)
ಚಾಕ್ಲೇಟ್ ಚಿಪ್ಸ್ ಅಥವಾ ಓರಿಯೋ ಕ್ರಂಬ್ಸ್ – ಅಲಂಕಾರಕ್ಕೆ
ಮಾಡುವ ವಿಧಾನ
ಒಂದು ಮೈಕ್ರೋವೇವ್-ಸೇಫ್ ಮಗ್ ನಲ್ಲಿ ಓರಿಯೋ ಬಿಸ್ಕಟ್ಗಳನ್ನು ಹಾಕಿ ಚೆನ್ನಾಗಿ ಪುಡಿ ಮಾಡಿಕೊಳ್ಳಿ. ಇದಕ್ಕೆ ಹಾಲು ಸೇರಿಸಿ ಗಂಟುಗಳಿಲ್ಲದಂತೆ ಮೃದುವಾಗಿ ಕಲಸಿ. ಈಗ ಬೇಕಿಂಗ್ ಪೌಡರ್ ಒಂದು ಚಿಟಿಕೆ ಸೇರಿಸಿ ಮತ್ತೆ ಚೆನ್ನಾಗಿ ಮಿಶ್ರಣ ಮಾಡಿ.
ಮಗ್ಗನ್ನು ಮೈಕ್ರೋವೇವ್ನಲ್ಲಿ 1 ನಿಮಿಷ 30 ಸೆಕೆಂಡ್ಗಳಿಂದ 2 ನಿಮಿಷಗಳವರೆಗೆ ಬೇಯಿಸಿ. (ಮೈಕ್ರೋವೇವ್ ಪವರ್ ಪ್ರಕಾರ ಸಮಯ ಸ್ವಲ್ಪ ವ್ಯತ್ಯಾಸವಾಗಬಹುದು.) ಮಧ್ಯೆ ಒಮ್ಮೆ ಚೆಕ್ ಮಾಡಬಹುದು. ಮೇಲ್ಮೈ ಸೆಟ್ ಆಗಿ ಟೂತ್ಪಿಕ್ ಹಾಕಿದಾಗ ಸ್ವಚ್ಛವಾಗಿ ಬಂದರೆ ಕೇಕ್ ರೆಡಿ.
