ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಗೂಗಲ್ ಇಂದು ಅಪ್ರತಿಮ ಅಮೆರಿಕನ್ ಡ್ಯಾನ್ಸರ್ ಮತ್ತು ನೃತ್ಯ ಸಂಯೋಜಕ ವಿಲ್ಲಿ ನಿಂಜಾ ಅವರ 62ನೇ ಹುಟ್ಟುಹಬ್ಬವನ್ನು ಡೂಡಲ್ ವಿಡಿಯೋ ಮೂಲಕ ಆಚರಿಸುತ್ತಿದೆ. ವಿಲ್ಲಿ ನಿಂಜಾ ಅವರು ‘ವೋಗ್ಯಿಂಗ್‌ನ ಗಾಡ್‌ಫಾದರ್’ ಎಂದು ಗುರುತಿಸಲ್ಪಟ್ಟ ವಿಶಿಷ್ಟ ವ್ಯಕ್ತಿತ್ವ. ವಿಲ್ಲಿ ನಿಂಜಾ ಅವರು ಪ್ಯಾರಿಸ್ ಈಸ್ ಬರ್ನಿಂಗ್ ಎಂಬ ಸಾಕ್ಷ್ಯಚಿತ್ರದಲ್ಲಿ ಕಾಣಿಸಿಕೊಂಡಿದ್ದಕ್ಕಾಗಿ ಹೆಚ್ಚು ಪ್ರಸಿದ್ಧಿಯಾಗಿದ್ದಾರೆ.
ಕಲಾವಿದ ವಿಲ್ಲಿ 1980 ಮತ್ತು 90ರ ದಶಕದಲ್ಲಿ ಐಕಾನಿಕ್ ಹೌಸ್ ಆಫ್ ನಿಂಜಾ ಒಳಗೊಂಡ ಸಾಕ್ಷ್ಯಚಿತ್ರ ಪ್ಯಾರಿಸ್ ಈಸ್ ಬರ್ನಿಂಗ್, ನ್ಯೂಫೆಸ್ಟ್ ನ್ಯೂಯಾರ್ಕ್ LGBT ಚಲನಚಿತ್ರೋತ್ಸವದಲ್ಲಿ ಬಿಡುಗಡೆಯಾಯಿತು. ಅವರು ರಚಿಸಿದ ಸಾಕ್ಷ್ಯಚಿತ್ರ ‘ದಿ ಐಕಾನಿಕ್ ಹೌಸ್ ಆಫ್ ನಿಂಜಾ’ ಇಂದಿಗೂ ಜೀವಂತವಾಗಿದೆ. ಗೂಗಲ್‌ನ ವಿಡಿಯೋ ಡೂಡಲ್‌ನಲ್ಲಿ ಹೌಸ್ ಆಫ್ ನಿಂಜಾ ಸದಸ್ಯರಾದ ಆರ್ಚೀ ಬರ್ನೆಟ್ ನಿಂಜಾ, ಜೇವಿಯರ್ ಮ್ಯಾಡ್ರಿಡ್ ನಿಂಜಾ, ಕಿಕಿ ನಿಂಜಾ, ಮತ್ತು ಅಕಿಕೊ ಟೊಕುವೊಕಾ ಅಕಾ ಕಿಟ್ಟಿ ನಿಂಜಾ ಅವರ ಡ್ಯಾನ್ಸ್ಗಳನ್ನು ನೋಡಬಹುದು.
ವಿಲ್ಲಿ ನಿಂಜಾ 1961 ರಲ್ಲಿ ಜನಿಸಿದರು ಮತ್ತು ಕ್ವೀನ್ಸ್‌ನ ಫ್ಲಶಿಂಗ್‌ನಲ್ಲಿ ಬೆಳೆದರು. ಪೊಲೊ ಥಿಯೇಟರ್‌ನಲ್ಲಿ ಬ್ಯಾಲೆ ಪ್ರದರ್ಶನಕ್ಕೆ ಕರೆದೊಯ್ಯುವ ಮೂಲಕ ಅವರ ತಾಯಿ ನೃತ್ಯದಲ್ಲಿ ಅವರ ಆಸಕ್ತಿಯನ್ನು ಪ್ರೋತ್ಸಾಹಿಸಿದರು.
ತನ್ನ ಮಗನಿಗೆ ದುಬಾರಿ ನೃತ್ಯ ಪಾಠಗಳನ್ನು ನೀಡಲು ಆಕೆಗೆ ಸಾಧ್ಯವಾಗದಿದ್ದರೂ, ವಿಲ್ಲಿ ತನ್ನದೇ ಆದ ನೃತ್ಯ ಚಲನೆಗಳನ್ನು ರಚಿಸಿದರು. ನಂತರ ಅವರನ್ನು ಫೇಮಸ್ ಮಾಡಿತು. ವಿಲ್ಲಿ ಅವರು ವೋಗ್ಯಿಂಗ್ ಕಲೆಯನ್ನು ಕರಗತ ಮಾಡಿಕೊಂಡಿದ್ದಾರೆ. ಇದು ಫ್ಯಾಷನ್ ಭಂಗಿಗಳನ್ನು ಸಂಕೀರ್ಣವಾದ, ಮೈಮ್ ಮತ್ತು ಸಮರ ಕಲೆಗಳಂತಹ ಚಲನೆಗಳೊಂದಿಗೆ ಸಂಯೋಜಿಸುವ ನೃತ್ಯದ ಒಂದು ಶೈಲಿಯಾಗಿದೆ.
ವಿಲ್ಲಿ 1982 ರಲ್ಲಿ ಹೌಸ್ ಆಫ್ ನಿಂಜಾ ಎಂಬ ತನ್ನದೇ ಆದ ಸಾಕ್ಷ್ಯಚಿತ್ರವನ್ನು ರಚಿಸಿದರು. ಪ್ರಸಿದ್ಧಿ ಪಡೆದ ನಂತರವೂ ಅವರ ಸಮುದಾಯಕ್ಕೆ ಬೆಂಬಲ ಮತ್ತು ಮಾರ್ಗದರ್ಶನಗಳನ್ನು ನೀಡುವುದನ್ನು ಅವರು ಮುಂದುವರೆಸಿದರು.
90 ರ ದಶಕದಲ್ಲಿ ಸ್ಟಾರ್‌ಡಮ್ ಅನ್ನು ಗಳಿಸಿದ ವಿಲ್ಲಿ ಪ್ರಪಂಚದಾದ್ಯಂತ ಚಲನಚಿತ್ರಗಳು, ಸಂಗೀತ ವಿಡಿಯೋಗಳು ಮತ್ತು ಐಷಾರಾಮಿ ರನ್‌ವೇ ಪ್ರದರ್ಶನಗಳಲ್ಲಿ ತಮ್ಮ ಪ್ರತಿಭೆಯನ್ನು ತೋರಿದರು. ಅವರ ನಡೆಗಳು ಮಡೋನಾರಿಂದ ಹಿಡಿದು ಜೀನ್-ಪಾಲ್ ಗಾಲ್ಟಿಯರ್ವರೆಗಿನ ಪ್ರಸಿದ್ಧ ವ್ಯಕ್ತಿಗಳಿಗೆ ಸ್ಫೂರ್ತಿದಾಯಕವಾಗಿವೆ.
ವಿಲ್ಲಿ ಅವರು 1990 ರ ಸಾಕ್ಷ್ಯಚಿತ್ರ ಪ್ಯಾರಿಸ್ ಈಸ್ ಬರ್ನಿಂಗ್ನಲ್ಲಿ ಪ್ರಮುಖವಾಗಿ ಕಾಣಿಸಿಕೊಂಡರು. ಅಲ್ಲಿ ಅವರ ವಿಶಿಷ್ಟ ನೃತ್ಯ ಶೈಲಿಯನ್ನು ದೊಡ್ಡ ಪರದೆಯ ಮೇಲೆ ತೋರಿಸಲಾಯಿತು. ಚಿತ್ರವು ದೊಡ್ಡ ಯಶಸ್ಸನ್ನು ಕಂಡಿತು.
