ನಮ್ಮ ಮಕ್ಕಳಿಗೆ ಯಾವ ಕೊರತೆಯೂ ಇರಬಾರದು, ಮಕ್ಕಳು ಬೆರಳು ತೋರಿಸಿದ್ದನ್ನೆಲ್ಲಾ ಕೊಡಿಸುವ ಪೋಷಕರು ನೀವಾ? ಹಾಗಿದ್ರೆ ಇದನ್ನು ಓದಲೇಬೇಕು.. ಮಕ್ಕಳ ಬಳಿ ಕಡಿಮೆ ಆಟಿಕೆ ಇದ್ದಷ್ಟು ಒಳ್ಳೆಯದು ಯಾಕೆ ನೋಡಿ..
- ಇರುವ ನಾಲ್ಕೇ ಆಟಿಕೆಗಳಲ್ಲಿ ವಿಭಿನ್ನವಾಗಿ, ಕ್ರಿಯಾತ್ಮಕವಾಗಿ ಆಟ ಆಡುವ ಅಭ್ಯಾಸ ಮಕ್ಕಳಿಗೆ ಬರುತ್ತದೆ.
- ತುಂಬಾ ಆಟಿಕೆಗಳನ್ನು ಕೊಟ್ಟರೆ ಬೇಗ ವಿಚಲಿತರಾಗುತ್ತಾರೆ,ಎಲ್ಲ ಆಟಿಕೆಗಳನ್ನು ಮುಟ್ಟಿ ಎಸೆಯುತ್ತಾರೆ.
- ಕೆಲವೇ ಆಟಿಕೆಗಳಿದ್ದರೆ ಅವುಗಳ ಮೇಲೆ ತಮ್ಮೆಲ್ಲಾ ಗಮನ ಹರಿಸುತ್ತಾರೆ. ತಮ್ಮ ಏಕಾಗ್ರತೆ ಈ ಆಟಿಕೆಗಳ ಮೇಲೇ ಇರುತ್ತದೆ.
- ನಾಲ್ಕು ಆಟಿಕೆಗಳಿಗೆ ಮಕ್ಕಳು ನೀಡುವ ಸಮಯವನ್ನು 15 ಆಟಿಕೆಗಳಿಗೆ ನೀಡೋದಿಲ್ಲ, ಈ ನಾಲ್ಕು ಆಟಿಕೆಗಳ ಜತೆ 10 ನಿಮಿಷ ಆಟ ಆಡಿದ್ರೆ, 14 ಆಟಿಕೆ ಜತೆ ಎರಡು ನಿಮಿಷವೂ ಆಡೋದಿಲ್ಲ.
- ಇರುವ ನಾಲ್ಕು ಗೊಂಬೆಗಳನ್ನು ಶುಚಿಯಾಗಿ ಇಟ್ಟುಕೊಳ್ಳೋದು, ಕಾಳಜಿ ವಹಿಸೋದು ಮಾಡುತ್ತಾರೆ.
- ಕಡಿಮೆ ಗೊಂಬೆಗಳು ಇರುವಾಗ ಮೆಂಟಲ್ ಪ್ರೆಶರ್ ಕಡಿಮೆ ಇರುತ್ತದೆ. ಯಾವ ಆಟಿಕೆ ಜತೆ ಆಡಲಿ ಅನ್ನೋ ಟೆನ್‌ಶನ್ ಇರೋದಿಲ್ಲ.
