ಆರಾಮಾಗಿ ಮಲಗಿರ್ತೀರಿ, ಕನಸಿನಲ್ಲಿ ಅಮ್ಮ, ಅಪ್ಪ, ಅಣ್ಣ, ಅಕ್ಕ, ತಂಗಿ, ತಮ್ಮ ಅಥವಾ ಬಾಯ್ಫ್ರೆಂಡ್, ಗಂಡ ಮಗುವೋ ತೀರಿಕೊಂಡಂಥ ಕೆಟ್ಟ ಕನಸು ಬೀಳುತ್ತದೆ. ಬೆಳಗ್ಗೆ ಎದ್ದು ಅವರಿಗೆ ಕರೆ ಮಾಡಿ ಮಾತನಾಡಿ ಸಮಾಧಾನ ಮಾಡ್ಕೋತಿರಿ. ಈ ರೀತಿ ಕನಸ್ಸು ಬಿದ್ರೆ ಅವರಿಗೆ ಆಯಸ್ಸು ಜಾಸ್ತಿ ಬಿಡು ಅಂದುಕೊಳ್ತೀರಿ. ಹೀಗಂದ್ರೆ ಏನರ್ಥ? ಯಾಕೆ ಇಂಥ ಕನಸು ಬೀಳುತ್ತದೆ?
ಗಾಬರಿಯಾಗಬೇಡಿ, ಕನಸಿನಲ್ಲಿ ನಿಮ್ಮ ಪ್ರೀತಿಪಾತ್ರರು ಸಾಯುವುದಕ್ಕೂ, ನಿಜ ಜೀವನದಲ್ಲಿ ಹಾಗೆಯೇ ಆಗುತ್ತದೆ ಎಂದರ್ಥವಲ್ಲ. ಆದರೆ ಇದೆರಡಕ್ಕೂ ಸಂಬಂಧ ಇದ್ದೇ ಇದೆ. ನಿಮ್ಮ ಜೀವನದ ಬಹುದೊಡ್ಡ ಬದಲಾವಣೆಗಳಾಗುವ ಸಮಯದಲ್ಲಿ ಇಂಥ ಕನಸುಗಳು ಬೀಳುತ್ತವಂತೆ, ಬ್ರೇಕಪ್, ಸ್ನೇಹದಲ್ಲಿ ಬೇಸರ, ತಂದೆ ತಾಯಿಯಿಂದ ದೂರ ಹೋಗುವ ಸಂದರ್ಭ, ಕೆಲಸದಲ್ಲಿ ಬದಲಾವಣೆ ಹೀಗೆ. ಇಂಥ ಸಂದರ್ಭಗಳಲ್ಲಿ ಆತಂಕ ತುಂಬಿದ ಕನಸುಗಳು ಬೀಳುತ್ತವೆ.
ಇನ್ನು ಕೆಲವರು ಕನಸಿನಲ್ಲಿ ಸತ್ತಂತೆ ಕಾಣಸಿಗುವ ವ್ಯಕ್ತಿಗೆ ನಿಜಜೀವನದಲ್ಲಿ ಆಯಸ್ಸು ಹೆಚ್ಚಾಗುತ್ತದೆ ಎಂದೂ ಹೇಳಲಾಗುತ್ತದೆ. ಎಷ್ಟೇ ಆದ್ರೂ ಕನಸುಗಳಷ್ಟೇ ಅಲ್ವಾ? ಜಾಸ್ತಿ ತಲೆಕೆಡಿಸಿಕೊಳ್ಳಬೇಡಿ. ಸಮಾಧಾನ ಆಗದೇ ಹೋದರೆ ದೇವಸ್ಥಾನಕ್ಕೋ, ನೆಮ್ಮದಿಯ ತಾಣಕ್ಕೋ ಭೇಟಿ ನೀಡಿ.
