ಹೊಸದಿಗಂತ ಡಿಜಿಟಲ್ ಡೆಸ್ಕ್
ಜಪಾನ್ನ ದೊಡ್ಡ ಪ್ರದೇಶಗಳಲ್ಲಿ ಭಾರೀ ಹಿಮದಿಂದಾಗಿ 17 ಮಂದಿ ಸಾವನ್ನಪ್ಪಿದ್ದಾರೆ ಮತ್ತು 90 ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ. ನೂರಾರು ಮನೆಗಳು ವಿದ್ಯುತ್ ಇಲ್ಲದೆ ಸಂಕಷ್ಟಕ್ಕೆ ಸಿಲುಕಿವೆ ಎಂದು ವಿಪತ್ತು ನಿರ್ವಹಣಾ ಅಧಿಕಾರಿಗಳು ಸೋಮವಾರ ತಿಳಿಸಿದ್ದಾರೆ.
ಪ್ರಬಲ ಚಳಿಗಾಲದ ಮಾರುತಗಳು ಕಳೆದ ಒಂದು ವಾರದಿಂದ ಉತ್ತರ ಪ್ರದೇಶಗಳಲ್ಲಿ ಭಾರೀ ಹಿಮವನ್ನು ಸುರಿದಿವೆ, ಹೆದ್ದಾರಿಗಳಲ್ಲಿ ನೂರಾರು ವಾಹನಗಳು ಸಿಕ್ಕಿಹಾಕಿಕೊಂಡಿವೆ. ಇದರಿಂದ ಪರಿಹಾರ ವಿತರಣಾ ಸೇವೆಗಳು ವಿಳಂಬವಾಗಿವೆ. ಶನಿವಾರದ ವೇಳೆಗೆ 11 ಸಾವುಗಳು ಸಂಭವಿಸಿದವು.ಸೋಮವಾರ ಬೆಳಿಗ್ಗೆ ಸತ್ತವರ ಸಂಖ್ಯೆಯನ್ನು 17 ಕ್ಕೆ ಏರಿಕೆಯಾಗಿದ್ದು ಗಾಯಗೊಂಡವರ ಸಂಖ್ಯೆಯನ್ನು 93 ಕ್ಕೆ ತಲುಪಿದೆ. ಮೇಲ್ಛಾವಣಿಗಳಿಂದ ಹಿಮವನ್ನು ತೆಗೆಯುವಾಗ ಅವರಲ್ಲಿ ಹಲವರು ಸಿಕ್ಕಿಬಿದ್ದಿದ್ದು ಪತ್ತೆಯಾಗಿದೆ. ಛಾವಣಿಯ ಮೇಲೆ ಜಾರುವ ದಟ್ಟವಾದ ಹಿಮದ ರಾಶಿಗಳ ಕೆಳಗೆ ಹಲವರು ಹೂತುಹೋಗಿದ್ದರು.
ನಿವಾಸಿಗಳು ಹಿಮ ತೆಗೆಯುವ ಚಟುವಟಿಕೆಯ ಸಮಯದಲ್ಲಿ ಎಚ್ಚರಿಕೆಯನ್ನು ವಹಿಸಲು ಮತ್ತು ಏಕಾಂಗಿಯಾಗಿ ಕೆಲಸ ಮಾಡದಂತೆ ಹಿಮ ಪೀಡಿತ ಪ್ರದೇಶಗಳಲ್ಲಿನ ಮುನ್ಸಿಪಲ್ ಕಚೇರಿಗಳು ಸೂಚಿಸಿವೆ.
ಈ ಸುದ್ದಿಯನ್ನು ಇತರರ ಜೊತೆಗೂ ಹಂಚಿಕೊಳ್ಳಿ