ಅಡುಗೆ ಮಾಡುವುದು, ಅಡುಗೆ ಮನೆ ನಿಭಾಯಿಸುವುದು ಒಂದು ಕಲೆ. ಅಡುಗೆ ಮನೆ ಶುಚಿಯಾಗಿಲ್ಲ ಎಂದರೆ ಇಡೀ ಮನೆಯೇ ಶುಚಿಯಾಗಿಲ್ಲ ಎಂದು ಅರ್ಥ. ಅಡುಗೆ ಮನೆಯಲ್ಲಿ ಕೆಲವೊಂದು ಸರಳ ಸಮಸ್ಯೆ ಎದುರಾಗುತ್ತದೆ. ಅದಕ್ಕೆ ಸಮಾಧಾನ ಇಲ್ಲಿದೆ… ನಿಮಗಾಗಿ ಹತ್ತು ಟಿಪ್ಸ್..
- ಟೀ ಕುದಿಯಲು ಇಟ್ಟು ಹೋದಾಗ ಟೀ ಉಕ್ಕಿಹೋಗಬಾರದೆಂದರೆ ಟೀ ಪಾತ್ರೆಯೊಳಗೆ ಸ್ಪೂನ್ ಹಾಕಿ, ಇಲ್ಲವೇ ಮರದ ಚಮಚ ಪಾತ್ರೆ ಅಡ್ಡ ಇಡಿ, ಹಾಲು ಕಾಯಿಸುವಾಗಲೂ ಇದು ಅನ್ವಯವಾಗುತ್ತದೆ.
- ಅಡುಗೆ ಮಾಡುವಾಗ ಟೊಮ್ಯಾಟೊ ಬೇಗ ಬೇಯಲು ಟೊಮ್ಯಾಟೊ ನಂತರ ಅರಿಶಿಣ ಹಾಕಿ ದೊಡ್ಡ ಉರಿಯಲ್ಲಿ ಆಡಿಸಿ.
- ರಾಗಿ ಮುದ್ದೆ ಅಥವಾ ಉಪ್ಪಿಟ್ಟು ಮಾಡುವಾಗ ನೀರು ಕಡಿಮೆಯಾಯ್ತು ಎಂದು ತಣ್ಣೀರನ್ನು ಹಾಕದಿರಿ, ಇದಕ್ಕೆ ಬಿಸಿನೀರನ್ನೇ ಹಾಕಬೇಕು.
- ನಿಂಬೆಹಣ್ಣಿನ ಜ್ಯೂಸ್ ಕಹಿಯಾಗುತ್ತಿದೆ ಎಂದರೆ ಕೈಯಿಂದ ನಿಂಬೆಹಣ್ಣು ಹಿಂಡಬೇಡಿ, ಮಶೀನ್ನಿಂದ ಹಿಂಡಿ.
- ನಾನ್ವೆಜ್ ಅಡುಗೆ ಮಾಡುವಾಗ ಉಪ್ಪು ಹಾಗೂ ಅರಿಶಿಣ ಹಾಕಿ, ಎಣ್ಣೆಯಲ್ಲಿ ಚಿಕನ್ ಅಥವಾ ಮಟನ್ ಚೆನ್ನಾಗಿ ಹುರಿದುಕೊಂಡು ನಂತರ ಉಳಿದ ಮಸಾಲಾ ಹಾಕಿ, ಇದು ವಾಸನೆ ಬರುವುದನ್ನು ತಪ್ಪಿಸುತ್ತದೆ.
- ಎಗ್ ಬುರ್ಜಿ ಮಾಡುವಾಗ ಮೊಟ್ಟೆ ದಪ್ಪ ಪೀಸ್ ಸಿಗಬೇಕಾದರೆ ಮೊಟ್ಟೆ ಹೊಡೆದು ಸಣ್ಣ ಉರಿಯಲ್ಲಿ ಬಿಟ್ಟು ಆಗಾಗ ಮಾತ್ರ ಕೈ ಆಡಿಸಿ.
- ಉದುರುದುರಾದ ಅನ್ನ ಆಗಬೇಕೆಂದರೆ ಕುಕ್ಕರ್ ವಿಶಲ್ ಹಾಕುವ ಮುನ್ನ ನಿಂಬೆರಸ ಅಥವಾ ಕೊಬ್ಬರಿ ಎಣ್ಣೆ ಹನಿ ಹಾಕಿ.
- ಸಕ್ಕರೆಯಲ್ಲಿ ಹುಳ, ಇರುವೆ ಬರಬಾರದು ಎಂದರೆ ಏಲಕ್ಕಿ ಹಾಕಿ ಇಡಿ
- ಕಪ್ಪಾದ ಸ್ಟೀಲ್ ಪಾತ್ರೆ ಅಥವಾ ಗ್ಯಾಸ್ಸ್ಟೊವ್ನ ಮಧ್ಯಭಾಗ ಕಪ್ಪಗಿದ್ದರೆ ಅದಕ್ಕೆ ಈನೋ ಹಾಗೂ ನಿಂಬೆರಸ ಹಾಕಿ ಐದು ನಿಮಿಷ ಬಿಟ್ಟು ತೊಳೆಯಿರಿ.
- ಕುಕ್ಕರ್ ಸರಿಯಿಲ್ಲದೆ ನೀರು ಹೊರಬರುತ್ತಿದ್ದರೆ, ಆಹಾರದ ಜೊತೆ ಒಂದು ಸ್ಪೂನ್ ಹಾಕಿಡಿ