ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಹಾಲಿವುಡ್ ಕ್ವಾಂಟಿಕೋ ಸಿನಿಮಾದಲ್ಲಿ ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಜೊತೆ ಸಹನಟಿಯಾಗಿದ್ದ ಆ್ಯನ್ನೆ ಹೆಚೆ(53) ಚಲಾಯಿಸುತ್ತಿದ್ದ ಕಾರಿಗೆ ಅಪಘಾತವಾಗಿದ್ದು, ಈ ವೇಳೆ ಬೆಂಕಿ ಹೊತ್ತಿಕೊಂಡ ಕಾರಣ ನಟಿ ದೇಹದ ಮೇಲೆ ತೀವ್ರ ಸುಟ್ಟ ಗಾಯಗಳಾಗಿದ್ದು, ಸ್ಥಿತಿ ಗಂಭೀರವಾಗಿದೆ.
ಆ್ಯನ್ನೆಶುಕ್ರವಾರ ನೀಲಿ ಬಣ್ಣದ ಮಿನಿ ಕೂಪರ್ ಕಾರನ್ನು ಓಡಿಸುತ್ತಿದ್ದು, ಮೊದಲು ವಾಷಿಂಗ್ಟನ್ ನ ಲಾಸ್ ಏಂಜಲೀಸ್ನ ಅಪಾರ್ಟ್ಮೆಂಟ್ ಸಂಕೀರ್ಣದ ಗ್ಯಾರೇಜ್ಗೂ ಡಿಕ್ಕಿ ಹೊಡೆದಿದ್ದು, ಅಲ್ಲಿಂದ ತಪ್ಪಿಸಿಕೊಂಡು ಹೋಗಿ ಮುಂದೆ ಕ್ಯಾಲಿಫೋರ್ನಿಯಾದ ಮಾರ್ ವಿಸ್ಟಾ ಮನೆಗೆ ಡಿಕ್ಕಿ ಹೊಡೆದಿದ್ದಾರೆ. ಆಗ ಕಾರಿನಲ್ಲಿ ಬೆಂಕಿ ಕಾಣಿಸಿಕೊಂಡಿದೆ.
ಆದಾಗಲೇ ದೇಹದ ತುಂಬಾ ಸುಟ್ಟ ಗಾಯಗಳಾಗಿದ್ದ ನಟಿಯನ್ನು ಸ್ಥಳೀಯರು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಆ ವೇಳೆ ಆ್ಯನ್ನೆ ಅವರಿಗೆ ಪ್ರಜ್ಞೆ ಇದ್ದು ಉಸಿರಾಡುತ್ತಿದ್ದರು ಎಂದು ಪ್ರತ್ಯಕ್ಷದರ್ಶಿಗಳು ಮಾಧ್ಯಮಗಳಿಗೆ ತಿಳಿಸಿದ್ದಾರೆ.
ಆ್ಯನ್ನೆ ಹೆಚೆ ಇತ್ತೀಚೆಗೆ ದಿ ಬ್ರೇವ್, ಕ್ವಾಂಟಿಕೋ ಮತ್ತು ಶಿಕಾಗೊ ಪಿ.ಡಿ. ಟೆಲಿವಿಷನ್ ಸಿರೀಸ್ನಲ್ಲಿ ಅಭಿನಯಿಸಿದ್ದರು. ಪ್ರಿಯಾಂಕಾ ಚೋಪ್ರಾ ಅಭಿನಯದ ಕ್ವಾಂಟಿಕೋದಲ್ಲಿ ಆ್ಯನ್ನೆ, ಸುಸಾನ್ ಲ್ಯಾಂಗ್ಡನ್ ಪಾತ್ರವನ್ನು ನಿರ್ವಹಿಸಿದ್ದರು.