ಮನೆಯಲ್ಲೇ ರೆಸ್ಟೋರೆಂಟ್ ರುಚಿಯ ಸ್ನ್ಯಾಕ್ಸ್ ಸವಿಯಬೇಕೆಂದರೆ ಫಿಶ್ ಫಿಂಗರ್ ಚಿಪ್ಸ್ ಬೆಸ್ಟ್. ಗರಿಗರಿಯಾದ ಫಿಶ್ ಫಿಂಗರ್ಸ್ ಜೊತೆ ಕ್ರಿಸ್ಪಿ ಫ್ರೆಂಚ್ ಫ್ರೈಸ್ ಇದ್ದರೆ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೂ ಎಲ್ಲರಿಗೂ ಇಷ್ಟವಾಗುತ್ತದೆ. ಕೆಲವೇ ಪದಾರ್ಥಗಳಲ್ಲಿ ಸುಲಭವಾಗಿ ತಯಾರಿಸಬಹುದಾದ ಈ ರೆಸಿಪಿ ಸಂಜೆ ತಿಂಡಿಗೆ ಅಥವಾ ಪಾರ್ಟಿಗೆ ಪರ್ಫೆಕ್ಟ್.
ಬೇಕಾಗುವ ಸಾಮಗ್ರಿಗಳು
ಬೋನ್ಲೆಸ್ ಮೀನು – 250 ಗ್ರಾಂ
ಆಲೂಗಡ್ಡೆ – 2
ನಿಂಬೆ ರಸ – 1 ಚಮಚ
ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ – 1 ಚಮಚ
ಖಾರದ ಪುಡಿ – ½ ಚಮಚ
ಅರಿಶಿನ – ಚಿಟಿಕೆ
ಗರಂ ಮಸಾಲೆ – ½ ಚಮಚ
ಕಾರ್ನ್ ಫ್ಲೋರ್ – 2 ಚಮಚ
ಮೈದಾ – 1 ಚಮಚ
ಮೊಟ್ಟೆ – 1
ಬ್ರೆಡ್ ಕ್ರಂಬ್ಸ್ – ಅಗತ್ಯಕ್ಕೆ ತಕ್ಕಷ್ಟು
ಉಪ್ಪು – ರುಚಿಗೆ ತಕ್ಕಷ್ಟು
ಎಣ್ಣೆ – ಕರಿಯಲು
ಮಾಡುವ ವಿಧಾನ
ಮೀನನ್ನು ಉದ್ದನೆಯ ಫಿಂಗರ್ ಆಕಾರದಲ್ಲಿ ಕತ್ತರಿಸಿ. ಅದಕ್ಕೆ ನಿಂಬೆ ರಸ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಖಾರದ ಪುಡಿ, ಅರಿಶಿನ, ಗರಂ ಮಸಾಲೆ ಮತ್ತು ಉಪ್ಪು ಸೇರಿಸಿ ಚೆನ್ನಾಗಿ ಕಲಸಿ 15 ನಿಮಿಷ ಮ್ಯಾರಿನೇಟ್ ಮಾಡಿ.
ಮೊಟ್ಟೆಯನ್ನು ಚೆನ್ನಾಗಿ ಬೀಟ್ ಮಾಡಿ. ಮ್ಯಾರಿನೇಟ್ ಮಾಡಿದ ಮೀನಿನ ತುಂಡುಗಳನ್ನು ಮೊದಲು ಮೊಟ್ಟೆಯಲ್ಲಿ ಅದ್ದಿ, ಬಳಿಕ ಬ್ರೆಡ್ ಕ್ರಂಬ್ಸ್ನಲ್ಲಿ ಚೆನ್ನಾಗಿ ಲೇಪಿಸಿ. ನಂತರ ಬಿಸಿ ಎಣ್ಣೆಯಲ್ಲಿ ಮಧ್ಯಮ ಉರಿಯಲ್ಲಿ ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಕರಿಯಿರಿ.
ಆಲೂಗಡ್ಡೆಯನ್ನು ಉದ್ದನೆಯ ತುಂಡುಗಳಾಗಿ ಕತ್ತರಿಸಿ, ಉಪ್ಪು ಹಾಕಿದ ನೀರಿನಲ್ಲಿ 5 ನಿಮಿಷ ಕುದಿಸಿ. ನೀರು ಒಣಗಿದ ಬಳಿಕ ಬಿಸಿ ಎಣ್ಣೆಯಲ್ಲಿ ಗರಿಗರಿಯಾಗುವವರೆಗೆ ಡೀಪ್ ಫ್ರೈ ಮಾಡಿ.
ಟೊಮೇಟೊ ಕೆಚಪ್, ಮೇಯೊನೇಸ್ ಅಥವಾ ಮಿಂಟ್ ಡಿಪ್ ಜೊತೆ ಬಿಸಿ ಬಿಸಿಯಾಗಿ ಸರ್ವ್ ಮಾಡಿದರೆ ಫಿಶ್ ಫಿಂಗರ್ ಚಿಪ್ಸ್ ಇನ್ನಷ್ಟು ರುಚಿಯಾಗಿರುತ್ತದೆ. ಮನೆಯಲ್ಲೇ ಸುಲಭವಾಗಿ ರೆಸ್ಟೋರೆಂಟ್ ಸ್ಟೈಲ್ ಸ್ನ್ಯಾಕ್ಸ್ ಸವಿಯಬಹುದು.
