ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ದೇಹದ ತೂಕ ಇಳಿಸಿಕೊಳ್ಳಲು ಅನೇಕ ಮಂದಿ ವಿವಿಧ ರೀತಿಯ ಪಾನೀಯ ಕುಡಿಯಲು ಪ್ರಯತ್ನಿಸುತ್ತಾರೆ. ಇದರ ಜೊತೆಗೆ ಡಯಟ್‌ ಅನ್ನು ಅನುಸರಿಸುತ್ತಾರೆ. ಅದರೆ ಮುಖ್ಯವಾಗಿ ದೇಹದ ಬೊಜ್ಜು ಕರಗಬೇಕು. ಹಾಗಾಗಿ ದೇಹದ ತೂಕ ಇಳಿಸಿಕೊಳ್ಳಲು ಈ ಸರಳ ಪಾನೀಯ ಟ್ರೈ ಮಾಡಿ.
ಬೇಕಾಗುವ ಸಾಮಾಗ್ರಿಗಳು:
* ಜೇನು
* ಚಕ್ಕೆ ಪುಡಿ
* ನೀರು
ಮಾಡುವ ವಿಧಾನ:
* ಒಂದು ಕಪ್ ನೀರನ್ನು ಬಿಸಿ ಮಾಡಿ.
* ನೀರು ಬಿಸಿಯಾಗುತ್ತಿದ್ದಂತೆ ಅದಕ್ಕೆ ಚಕ್ಕೆ ಹಾಕಿ ಪಾತ್ರೆಯ ಬಾಯಿ ಮುಚ್ಚಿ, ಉರಿಯಿಂದ ಕೆಳಗಿಳಿಸಿ.
* ನೀರು ಬಿಸಿ ಆರಿ, ಕುಡಿಯುವ ಹದಕ್ಕೆ ಬಂದಾಗ ಜೇನನ್ನು ಸೇರಿಸಿ.
* ಅರ್ಧ ಲೋಟ ಚಕ್ಕೆ ಪಾನೀಯವನ್ನು ಮಲಗುವ ಮುಂಚೆ ಕುಡಿಯಿರಿ. ಮತ್ತು ಮರುದಿನ ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಕುಡಿಯಿರಿ.
ಇದನ್ನು ಪ್ರತಿನಿತ್ಯ ಮಾಡುವುದರಿಂದ ದೇಹದ ಬೊಜ್ಜು ಕರಗುತ್ತದಲ್ಲದೇ ದೇಹದ ತೂಕ ಕೂಡ ಇಳಿಯುತ್ತದೆ.
