ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಇತ್ತೀಚೆಗೆ ಜಮ್ಮು ಮತ್ತು ಕಾಶ್ಮೀರಕ್ಕೆ ಭೇಟಿ ನೀಡಿದ್ದನ್ನು ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ನೆನಪಿಸಿಕೊಂಡರು.
ಫರಿದಾಬಾದ್‌ನಲ್ಲಿ ಚುನಾವಣಾ ರ‍್ಯಾಲಿಯನ್ನುದ್ದೇಶಿಸಿ ಮಾತನಾಡಿದ ಆದಿತ್ಯನಾಥ್, ಮುಸ್ಲಿಂ ಧರ್ಮಗುರು, ಮೌಲ್ವಿಯೊಬ್ಬರನ್ನು ಭೇಟಿಯಾದಾಗ ಅವರು “ರಾಮ್ ರಾಮ್” ಎಂದು ನಮಸ್ಕರಿಸಿದರು. ಜಮ್ಮು ಕಾಶ್ಮೀರದಲ್ಲಿ 370 ನೇ ವಿಧಿಯ ರದ್ದತಿಯು ಈ ಪ್ರದೇಶದಲ್ಲಿ ಹೇಗೆ ಪ್ರಮುಖ ಬದಲಾವಣೆಗಳನ್ನು ತಂದಿದೆ ಎಂಬುದಕ್ಕೆ ಇದು ಉದಾಹರಣೆ ಎಂದರು.
ನಾನು ಕಳೆದ ಎರಡು ದಿನಗಳಿಂದ ಜಮ್ಮು ಮತ್ತು ಕಾಶ್ಮೀರದಲ್ಲಿ ವಿಧಾನಸಭೆ ಚುನಾವಣೆಗೆ ಇದ್ದೆ. ಅಲ್ಲಿ ಮಳೆಯಾಗುತ್ತಿದೆ, ಆದ್ದರಿಂದ ನಾನು ನೇರವಾಗಿ ವಿಮಾನ ನಿಲ್ದಾಣದ ಒಳಗೆ ಹೋದೆ. ಒಬ್ಬ ವ್ಯಕ್ತಿ ‘ಯೋಗಿ ಸಾಹಬ್ ರಾಮ್ ರಾಮ್’ ಎಂದು ನನ್ನನ್ನು ಸ್ವಾಗತಿಸಿದರು. ನಂತರ, ಅವರು ಮೌಲ್ವಿ ಎಂದು ನಾನು ಅರಿತುಕೊಂಡೆ, ಮೌಲ್ವಿ ‘ರಾಮ್ ರಾಮ್’ ಎಂದು ಹೇಳಿದ್ದು ನನಗೆ ಆಶ್ಚರ್ಯವಾಯಿತು’ ಎಂದು ಆದಿತ್ಯನಾಥ್ ಹೇಳಿದರು.
ಇದು ಆರ್ಟಿಕಲ್ 370 ರದ್ದತಿ ಪರಿಣಾಮ. ಭಾರತದ ಸಾರ್ವಭೌಮತೆಗೆ ಸವಾಲು ಹಾಕುತ್ತಿದ್ದವರು ಈಗ ‘ರಾಮ್ ರಾಮ್’ ಎಂದು ಹೇಳುತ್ತಿದ್ದಾರೆ ಎಂದು ಮುಖ್ಯಮಂತ್ರಿ ಹೇಳಿದಾಗ ಪ್ರೇಕ್ಷಕರು ‘ಜೈ ಶ್ರೀ ರಾಮ್’ ಎಂದು ಪ್ರತಿಕ್ರಿಯಿಸಿದರು.
“ಬಲವಾದ ಭಾರತ ಮತ್ತು ಬಲಗೊಂಡ ಬಿಜೆಪಿಯೊಂದಿಗೆ, ಒಂದು ದಿನ, ಅವರು ದೇಶದ ಬೀದಿಗಳಲ್ಲಿ ‘ಹರೇ ರಾಮ, ಹರೇ ಕೃಷ್ಣ’ ಎಂದು ಜಪಿಸುವುದನ್ನು ಕಾಣಬಹುದು ಎಂದು ಯೋಗಿ ಆದಿತ್ಯನಾಥ್ ಹೇಳಿದ್ದಾರೆ.
ಕಳೆದ ಏಳೂವರೆ ವರ್ಷಗಳಲ್ಲಿ ನಿಮ್ಮ ನೆರೆಯ ರಾಜ್ಯ ಉತ್ತರ ಪ್ರದೇಶದಲ್ಲಿ ಗಲಭೆಯ ಬಗ್ಗೆ ಕೇಳಿದ್ದೀರಾ? ಅವರು ಕೇಳಿದರು, ಪ್ರೇಕ್ಷಕರು ‘ಇಲ್ಲ’ ಎಂದು ಪ್ರತಿಕ್ರಿಯಿಸಿದರು. ಈ ಮೊದಲು ಎರಡು ಮೂರು ದಿನಕ್ಕೊಮ್ಮೆ ಗಲಭೆ ನಡೆಯುತ್ತಿತ್ತು ಎಂದು ಯೋಗಿ ಹೇಳಿದ್ದಾರೆ.
