ಫಿಟ್ನೆಸ್ ಅಂದ್ರೆ ಕೇವಲ ಜಿಮ್, ಡಯಟ್ ಮತ್ತು ವರ್ಕೌಟ್ ಅಷ್ಟೇ ಅಲ್ಲ. ನಮ್ಮ ಮನಸ್ಸಿನ ಆರೋಗ್ಯವೂ ಅದರಲ್ಲಿ ದೊಡ್ಡ ಪಾತ್ರ ವಹಿಸುತ್ತದೆ. ದಿನಪೂರ್ತಿ ಒಂದೇ ವಿಷಯದ ಬಗ್ಗೆ ಹೆಚ್ಚು ಯೋಚಿಸುವುದು, ಅನಗತ್ಯ ಚಿಂತೆ ಮಾಡುವುದು ಅಥವಾ ಯಾವಾಗಲೂ ಒತ್ತಡದಲ್ಲಿ ಇರುವುದು ದೇಹದ ಮೇಲೂ ಪರಿಣಾಮ ಬೀರುತ್ತದೆ. ಅದಕ್ಕಾಗಿಯೇ ಓವರ್ ಥಿಂಕಿಂಗ್ ಅನ್ನು ಕೇವಲ ಮಾನಸಿಕ ಸಮಸ್ಯೆ ಎಂದು ಮಾತ್ರ ನೋಡಬಾರದು.
ಎನರ್ಜಿ ಕಸಿದುಕೊಳ್ಳುತ್ತದೆ
ಹೆಚ್ಚು ಯೋಚನೆ ಮಾಡುವುದರಿಂದ ದೇಹ ಕೆಲಸ ಮಾಡದಿದ್ದರೂ ಮನಸ್ಸು ನಿರಂತರವಾಗಿ ಕೆಲಸ ಮಾಡುತ್ತಿರುತ್ತದೆ. ಇದರಿಂದ ದಿನಪೂರ್ತಿ ದಣಿವು ಮತ್ತು ಸುಸ್ತು ಕಾಣಿಸಬಹುದು.
ನಿದ್ರೆ ಹಾಳು ಮಾಡಬಹುದು
ರಾತ್ರಿ ಮಲಗಿದ ಬಳಿಕವೂ ಆಲೋಚನೆಗಳು ನಿಲ್ಲದೇ ಇದ್ದರೆ ನಿದ್ರೆ ಸರಿಯಾಗಿ ಬರೋದಿಲ್ಲ. ನಿದ್ರೆ ಕಡಿಮೆಯಾದರೆ ವರ್ಕೌಟ್ ಪರ್ಫಾರ್ಮೆನ್ಸ್ ಮತ್ತು ರಿಕವರಿ ಎರಡೂ ಹಿನ್ನಡೆಯಾಗುತ್ತವೆ.
ಇದನ್ನೂ ಓದಿ:
ಅನಗತ್ಯವಾಗಿ ಹೆಚ್ಚು ತಿನ್ನುವ ಸಾಧ್ಯತೆ
ಸ್ಟ್ರೆಸ್ ಮತ್ತು ಓವರ್ ಥಿಂಕಿಂಗ್ನಿಂದ ಹಲವರು ಕಂಫರ್ಟ್ ಫುಡ್ ಕಡೆ ಹೆಚ್ಚು ಆಕರ್ಷಿತರಾಗುತ್ತಾರೆ. ಇದರಿಂದ ತೂಕ ಹೆಚ್ಚಾಗುವ ಸಾಧ್ಯತೆ ಇರುತ್ತದೆ.
ವರ್ಕೌಟ್ನಲ್ಲಿ ಫೋಕಸ್ ಕಡಿಮೆಯಾಗುತ್ತದೆ
ಮನಸ್ಸು ಯಾವಾಗಲೂ ಗೊಂದಲದಲ್ಲಿದ್ದರೆ ವ್ಯಾಯಾಮದ ಮೇಲೂ ಗಮನ ಕೇಂದ್ರೀಕರಿಸಲು ಕಷ್ಟವಾಗಬಹುದು.
ಮೈಂಡ್ ಡಿಟಾಕ್ಸ್ ಯಾಕೆ ಮುಖ್ಯ?
ಪ್ರತಿದಿನ ಸ್ವಲ್ಪ ಸಮಯ ವಾಕ್, ಧ್ಯಾನ, ಯೋಗ ಅಥವಾ ನಿಮಗೆ ಇಷ್ಟವಾದ ಚಟುವಟಿಕೆಗೆ ಕೊಟ್ಟರೆ ಮನಸ್ಸು ಹಗುರವಾಗುತ್ತದೆ. ಮನಸ್ಸು ಶಾಂತವಾಗಿದ್ದಾಗ ದೇಹವೂ ಉತ್ತಮವಾಗಿ ಸ್ಪಂದಿಸುತ್ತದೆ.
ಫಿಟ್ನೆಸ್ ಪ್ರಯಾಣದಲ್ಲಿ ದೇಹವನ್ನು ಮಾತ್ರ ಟ್ರೇನ್ ಮಾಡ್ಬೇಡಿ… ಮನಸ್ಸಿಗೂ ವಿಶ್ರಾಂತಿ ಕೊಡಿ. ಯಾಕಂದ್ರೆ ಆರೋಗ್ಯಕರ ಮನಸ್ಸೇ ಆರೋಗ್ಯಕರ ದೇಹದ ಅಡಿಪಾಯ.
