ಮಳೆ ಬಂದ್ರು ಸೆಕೆ ಕೆಡಿಮೆ ಆಗ್ತಿಲ್ಲ ಹೀಗಾಗಿ, ದೇಹಕ್ಕೆ ತಂಪು ನೀಡುವ, ಜೀರ್ಣಕ್ರಿಯೆಗೂ ಸಹಾಯ ಮಾಡುವ ಪಾನೀಯಗಳಲ್ಲಿ ಪುದೀನಾ ಮಸಾಲಾ ಸೋಡಾ ಪ್ರಮುಖವಾಗಿದೆ. ಕೆಲವೇ ನಿಮಿಷಗಳಲ್ಲಿ ಮನೆಯಲ್ಲೇ ಸುಲಭವಾಗಿ ತಯಾರಿಸಬಹುದಾದ ಈ ಡ್ರಿಂಕ್ ರುಚಿ ಮತ್ತು ತಾಜಾತನ ಎರಡನ್ನೂ ನೀಡುತ್ತದೆ.
ಬೇಕಾಗುವ ಸಾಮಗ್ರಿಗಳು
ಪುದೀನಾ ಎಲೆಗಳು – 20 ರಿಂದ 25
ನಿಂಬೆರಸ – 1 ನಿಂಬೆಯಿಂದ
ಶುಂಠಿ – ಅರ್ಧ ಇಂಚಿನ ತುಂಡು
ಕಪ್ಪು ಉಪ್ಪು – ರುಚಿಗೆ ತಕ್ಕಷ್ಟು
ಜೀರಿಗೆ ಪುಡಿ – ¼ ಚಮಚ
ಸಕ್ಕರೆ – 1 ರಿಂದ 2 ಚಮಚ (ಐಚ್ಛಿಕ)
ತಣ್ಣನೆಯ ಸೋಡಾ – 1 ಲೋಟ
ಐಸ್ ಕ್ಯೂಬ್ಗಳು – ಅಗತ್ಯಕ್ಕೆ ತಕ್ಕಷ್ಟು
ಮಾಡುವ ವಿಧಾನ
ಮಿಕ್ಸಿ ಜಾರಿಗೆ ಪುದೀನಾ ಎಲೆಗಳು, ಶುಂಠಿ, ಕಪ್ಪು ಉಪ್ಪು, ಜೀರಿಗೆ ಪುಡಿ ಮತ್ತು ಸಕ್ಕರೆ ಹಾಕಿ. ಸ್ವಲ್ಪ ನೀರು ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಿ.
ಒಂದು ದೊಡ್ಡ ಗ್ಲಾಸ್ಗೆ 2 ರಿಂದ 3 ಚಮಚ ಪುದೀನಾ ಮಿಶ್ರಣ ಹಾಕಿ. ಅದಕ್ಕೆ ನಿಂಬೆರಸ ಸೇರಿಸಿ ಚೆನ್ನಾಗಿ ಕಲಸಿ.
ಈ ಮಿಶ್ರಣದ ಮೇಲೆ ತಣ್ಣನೆಯ ಸೋಡಾ ಸುರಿಯಿರಿ. ಐಸ್ ಕ್ಯೂಬ್ಗಳನ್ನು ಹಾಕಿ ನಿಧಾನವಾಗಿ ಕಲಸಿದರೆ ಪುದೀನಾ ಮಸಾಲಾ ಸೋಡಾ ಸವಿಯಲು ಸಿದ್ಧ.
