ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಮಂಕಿಪಾಕ್ಸ್ ಒಂದು ವೈರಸ್ ಆಗಿದ್ದು ಇದು ಕೆಲ ಪ್ರಾಣಿಗಳಿಂದ ಮನುಷ್ಯನಿಗೆ ಹರಡುವ ಸೋಂಕಾಗಿದೆ. ಇದು ಮೊಟ್ಟಮೊದಲು ಕಂಡುಬಂದಿದ್ದು, ಮಧ್ಯ ಮತ್ತು ಪಶ್ಚಿಮ ಆಫ್ರಿಕಾದ ಉಷ್ಣವಲಯದ ಮಳೆಕಾಡು ಪ್ರದೇಶಗಳಲ್ಲಿ. 1970 ರಲ್ಲಿ 9 ವರ್ಷದ ಹುಡುಗನಲ್ಲಿ ಈ ಸೋಂಕು ಪತ್ತೆಯಾಯಿತು. ನಂತರ ಕಾಲಕ್ರಮೇಣ ಇತರೆ ದೇಶಗಳಿಗೆ ಹರಡಿದೆ. ಈ ವೈರಸ್‌ಗೆ ಭಯಪಡುವ ಅಗತ್ಯವಿಲ್ಲ. ಅಂತಹ ಮಾರಣಾಂತಿಕ ಕಾಯಿಲೆ ಅಲ್ಲವೇ ಅಲ್ಲ, ಇದಕ್ಕೆ ಸೂಕ್ತ ಚಿಕಿತ್ಸೆ ಕೂಡ ಇದೆ. ಹಾಗಾದರೆ, ಇದರ ಬಗ್ಗ ಹೆಚ್ಚಿನ ಮಾಹಿತಿ ಇಲ್ಲಿದೆ ನೋಡಿ.
ಮಂಕಿಪಾಕ್ಸ್, ಪ್ರಾಣಿಗಳ ಕಡಿತ ಅಥವಾ ಪರಚುವುದರಿಂದ, ದೇಹದ ದ್ರವಗಳು, ಕಲುಷಿತ ವಸ್ತುಗಳು ಅಥವಾ ಸೋಂಕಿತ ವ್ಯಕ್ತಿಯೊಂದಿಗೆ ನಿಕಟ ಸಂಪರ್ಕದಿಂದ ಹರಡಬಹುದು. ವಿವಿಧ ಪ್ರಾಣಿ ಪ್ರಭೇದಗಳಿಂದ ಮಂಕಿಪಾಕ್ಸ್ ವೈರಸ್ ಹುಟ್ಟುಕೊಳ್ಳುತ್ತದೆ ಎಂದು ಗುರುತಿಸಲಾಗಿದೆ. ಮರದ ಅಳಿಲುಗಳು, ಗ್ಯಾಂಬಿಯನ್ ಚೀಲದ ಇಲಿಗಳು, ಡಾರ್ಮಿಸ್, ಮಂಗ, ಸಾಕುಪ್ರಾಣಿಗಳು(ನಾಯಿ) ಮತ್ತು ಇತರ ಜಾತಿ ಪ್ರಾಣಿಗಳು ಸೇರಿವೆ.
ಜ್ವರ, ಶೀತ, ತಲೆನೋವು, ಸ್ನಾಯು ನೋವು, ಆಯಾಸ, ಊದಿಕೊಂಡ ದುಗ್ಧರಸ ಗ್ರಂಥಿಗಳಂತಹ(ದದ್ದು) ತರಹದ ಲಕ್ಷಣಗಳನ್ನು ಒಳಗೊಂಡಿರುತ್ತದೆ. ಈ ರೋಗಲಕ್ಷಣಗಳು 2 ರಿಂದ 4 ವಾರಗಳವರೆಗೆ ಇರುತ್ತದೆ. ಇದು ಪುಟ್ಟ ಮಕ್ಕಳಲ್ಲಿ ಹೆಚ್ಚಾಗಿ ಹರಡುವ ಸಿಡುಬು ರೋಗವನ್ನು ಹೋಲುತ್ತದೆ. ಈ ರೋಗಕ್ಕೆ ಸಂಬಂಧಿಸಿದಂತೆ ಆರ್ಥೋಪಾಕ್ಸ್‌ವೈರಸ್ ಸೋಂಕನ್ನು ನಿರ್ಮೂಲನೆ ಮಾಡಲು 1980 ರಲ್ಲಿ ಸಿಡುಬು ವ್ಯಾಕ್ಸಿನ್‌ ಅನ್ನು ವಿಶ್ವಾದ್ಯಂತ ಪರಿಚಯ ಮಾಡಲಾಯಿತು. ಮಂಕಿಪಾಕ್ಸ್ ಸಿಡುಬುಗಿಂತ ಕಡಿಮೆ ಸಾಂಕ್ರಾಮಿಕ ರೋಗವಾಗಿದ್ದು, ಕಡಿಮೆ ಅನಾರೋಗ್ಯವನ್ನು ಉಂಟುಮಾಡುತ್ತದೆ.
2003ರಲ್ಲಿ ಮಂಕಿಪಾಕ್ಸ್ ಏಕಾಏಕಿ ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೇರಿಕಾದಲ್ಲಿ ಸಾಕು ಪ್ರಾಣಿ ನಾಯಿಯಲ್ಲಿ ಕಂಡುಬಂದಿತು. ಏಕಾಏಕಿ ಯುಎಸ್‌ನಲ್ಲಿ 70 ಕ್ಕೂ ಹೆಚ್ಚು ಮಂಕಿಪಾಕ್ಸ್ ಪ್ರಕರಣಗಳಿಗೆ ಕಾರಣವಾಯಿತು. ಇದು ಸೆಪ್ಟೆಂಬರ್ 2018 ರಲ್ಲಿ ನೈಜೀರಿಯಾದಿಂದ ಇಸ್ರೇಲ್‌ಗೆ, ಸೆಪ್ಟೆಂಬರ್ 2018 ರಲ್ಲಿ ಯುನೈಟೆಡ್ ಕಿಂಗ್‌ಡಮ್‌ಗೆ, ಡಿಸೆಂಬರ್ 2019, ಮೇ 2021 ಮತ್ತು ಮೇ 2022, ಮೇ 2019 ರಲ್ಲಿ ಸಿಂಗಾಪುರಕ್ಕೆ ಪ್ರಯಾಣಿಸುವವರಲ್ಲಿ ವರದಿಯಾಗಿದೆ. ಜುಲೈ ಮತ್ತು ನವೆಂಬರ್ 2021 ರಲ್ಲಿ ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೇರಿಕಾಕ್ಕೆ. ಮೇ 2022 ರಲ್ಲಿ, ಹಲವಾರು ದೇಶಗಳಲ್ಲಿ ಮಂಕಿಪಾಕ್ಸ್‌ನ ಬಹು ಪ್ರಕರಣಗಳನ್ನು ಗುರುತಿಸಲಾಗಿದೆ. ಸಾಂಕ್ರಾಮಿಕ ರೋಗಶಾಸ್ತ್ರ, ಸೋಂಕಿನ ಮೂಲಗಳು ಮತ್ತು ಪ್ರಸರಣ ಮಾದರಿಗಳನ್ನು ಮತ್ತಷ್ಟು ಅರ್ಥಮಾಡಿಕೊಳ್ಳಲು ಪ್ರಸ್ತುತ ಅಧ್ಯಯನಗಳು ನಡೆಯುತ್ತಿವೆ.
ರೋಗಲಕ್ಷಣಗಳನ್ನು ನಿವಾರಿಸಲು ವೈದ್ಯಕೀಯ ಆರೈಕೆಯನ್ನು ಸಂಪೂರ್ಣವಾಗಿ ಹೊಂದುವಂತೆ ಮಾಡಬೇಕು. ಸಾಕಷ್ಟು ಪೌಷ್ಟಿಕಾಂಶದ ಸ್ಥಿತಿಯನ್ನು ಕಾಪಾಡಿಕೊಳ್ಳಲು ರೋಗಿಗಳಿಗೆ ದ್ರವ ಮತ್ತು ಆಹಾರವನ್ನು ನೀಡಬೇಕು. ಸಿಡುಬಿಗಾಗಿ ಅಭಿವೃದ್ಧಿಪಡಿಸಲಾದ ಟೆಕೊವಿರಿಮ್ಯಾಟ್ ಎಂದು ಕರೆಯಲ್ಪಡುವ ಆಂಟಿವೈರಲ್ ಏಜೆಂಟ್ ಅನ್ನು ಯುರೋಪಿಯನ್ ಮೆಡಿಕಲ್ ಅಸೋಸಿಯೇಶನ್ (ಇಎಂಎ) 2022 ರಲ್ಲಿ ಪ್ರಾಣಿ ಮತ್ತು ಮಾನವ ಅಧ್ಯಯನಗಳಲ್ಲಿನ ಡೇಟಾದ ಆಧಾರದ ಮೇಲೆ ಮಂಕಿಪಾಕ್ಸ್‌ಗೆ ಪರವಾನಗಿ ನೀಡಿದೆ.
ವೈರಸ್ ತಡೆಗಟ್ಟಲು ಅಪಾಯಕಾರಿ ಅಂಶಗಳ ಬಗ್ಗೆ ಜಾಗೃತಿ ಮೂಡಿಸುವುದು, ಈ ಬಗ್ಗೆ ಜನರಿಗೆ ಶಿಕ್ಷಣ ನೀಡುವುದು ಅತ್ಯಗತ್ಯವಾಗಿದೆ. ಆರೋಗ್ಯ ಕಾರ್ಯಕರ್ತರು ಈ ಬಗ್ಗೆ ಹೆಚ್ಚಿನ ಗಮನ ಹರಿಸಿ, ಸೋಂಕಿತರಿಂದ ಮನೆಯ ಸದಸ್ಯರನ್ನು ದೂರವಿರಿಸುವ ಪ್ರಯತ್ನ ಮಾಡಬೇಕು. ಆಗಿಂದಾಗ್ಗೆ ರಕ್ತದ ಮಾದರಿಗಳನ್ನು ಪರಿಶೀಲನೆ ನಡೆಸಬೇಕು. ಜೊತೆಗೆ ಮಾಂಸಾಹಾರವನ್ನು ಚೆನ್ನಾಗಿ ಬೇಯಿಸಿ ತಿನ್ನಬೇಕು.
ಪ್ರಾರಂಭದಲ್ಲಿ ಮಂಕಿಪಾಕ್ಸ್ ಪೀಡಿತರ ಪೈಕಿ ಸಾವಿನ ಪ್ರಮಾಣ ಶೇ. 11ರವರೆಗೂ ಇತ್ತು. ಇತ್ತೀಚಿನ ದಿನಗಳಲ್ಲಿ ಇದು ಶೇ.3-6ಕ್ಕೆ ನಿಂತಿದೆ.
