Friday, December 9, 2022

Latest Posts

ಸೊಳ್ಳೆ ಕಡಿತದಿಂದ ನಿಮ್ಮನ್ನು ರಕ್ಷಿಸಿಕೊಳ್ಳಲು ಈ ಸಲಹೆಗಳನ್ನು ಪಾಲಿಸಿ

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌ 

ಸೊಳ್ಳೆ ಚಿಕ್ಕದಾಗಿದ್ದರೂ ಅವು ಹರಡುವ ರೋಗ ಮಾತ್ರ ಊಹಿಸಲಸಾಧ್ಯವಾದುದ್ದು. ಈ ಸೊಳ್ಳೆಗಳು ಹದಿನೈದಕ್ಕೂ ಹೆಚ್ಚು ರೋಗಗಳನ್ನು ಹರಡುತ್ತವೆ ಅಂತ ನಿಮಗೆ ಗೊತ್ತಾ? ಅವುಗಳಲ್ಲಿ ಅಪಾಯಕಾರಿ ಎಂದರೆ ಡೆಂಗ್ಯೂ, ಜಿಕಾ ವೈರಸ್, ಹಳದಿ ಜ್ವರ, ಚಿಕನ್ ಗುನ್ಯಾ, ಮಲೇರಿಯಾ, ವೆಸ್ಟ್ ನೈಲ್ ಜ್ವರ, ಇವೆಲ್ಲವೂ ಸೊಳ್ಳೆಗಳಿಂದ ಮಾತ್ರ ಹರಡುತ್ತವೆ. ಇಂತಹ ಮಾರಣಾಂತಿಕ ಕೀಟಗಳಿಂದ ರಕ್ಷಿಸಿಕೊಳ್ಳಲು ಕೆಲವು ಸಲಹೆಗಳನ್ನು ಪಾಲಿಸಿ.

1. ಸೊಳ್ಳೆಗಳು ಮನೆಗೆ ಬರದಂತೆ ಕರ್ಪೂರ ಹಚ್ಚಿ ಬಾಗಿಲು ಮುಚ್ಚಿ. ಅದರ ವಾಸನೆ ಮನೆಯಾದ್ಯಂತ ಹರಡಿದ ನಂತರ ಬಾಗಿಲು ತೆರೆಯಿರಿ. ಅರ್ಧ ಗಂಟೆಯೊಳಗೆ ಎಲ್ಲಾ ಸೊಳ್ಳೆಗಳು ಮನೆಯಿಂದ ಹೊರಹೋಗುತ್ತವೆ.

2. ಮಾರಿಗೋಲ್ಡ್ ಗಿಡಗಳು ಸೊಳ್ಳೆ ನಿವಾರಕ. ಮನೆ ಮುಂದೆ ಚೆಂಡು ಹೂವಿನ ಗಿಡಗಳನ್ನು ಹಾಕಿದರೆ ಸೊಳ್ಳೆಗಳು ಬರುವುದಿಲ್ಲ. ತುಳಸಿ ಗಿಡಗಳನ್ನು ಅತಿಯಾಗಿ ಬೆಳೆಸಿದರೆ ಸೊಳ್ಳೆಗಳ ಸಮಸ್ಯೆ ದೂರವಾಗುತ್ತದೆ. ರೋಸ್ ಮೇರಿ ಗಿಡಗಳನ್ನು ಸಹ ಮನೆ ಬಾಗಿಲಿಗೆ ಹಾಕಿದರೆ ಸೊಳ್ಳೆಗಳು ಬರುವುದಿಲ್ಲ

3. ಸೊಳ್ಳೆಗಳು ಬೆಳ್ಳುಳ್ಳಿಯ ವಾಸನೆಯನ್ನು ಇಷ್ಟಪಡುವುದಿಲ್ಲ. ಸಾಂಬ್ರಾಣಿ ಹೊಗೆಗೆ ನಾಲ್ಕು ಎಸಳು ಬೆಳ್ಳುಳ್ಳಿಯನ್ನು ಹಾಕಿದರೆ ವಾಸನೆಗೆ ಮನೆಯಿಂದ ಸೊಳ್ಳೆಗಳನ್ನು ಓಡುತ್ತವೆ. ಬೆಳ್ಳುಳ್ಳಿ ಲವಂಗವನ್ನು ನೀರಿನಲ್ಲಿ ಕುದಿಸಿ, ಅದನ್ನು ಸ್ಪ್ರೇ ಬಾಟಲಿಗೆ ತುಂಬಿಸಿ ಮತ್ತು ಮನೆಯಲ್ಲಿ ಸಿಂಪಡಿಸಿ.

4. ಮನೆಯನ್ನು ಸ್ವಚ್ಛವಾಗಿಟ್ಟುಕೊಳ್ಳುವುದರಿಂದ ಸೊಳ್ಳೆಗಳ ಕಾಟ ಕಡಿಮೆಯಾಗುತ್ತದೆ. ನೀರು ಸಂಗ್ರಹವಾಗದಂತೆ ನೋಡಿಕೊಳ್ಳಿ. ನೀರು ಇರುವ ಕಡೆ ಸೊಳ್ಳೆಗಳು ವಾಸಿಸುತ್ತವೆ.

5. ಸೇವಂತಿ ಹೂಗಳನ್ನು ಒಣಗಿಸಿ ಅದಕ್ಕೆ ಸ್ವಲ್ಪ ಸಗಣಿ ಸೇರಿಸಿ ಸಣ್ಣ ತುಂಡುಗಳನ್ನಾಗಿ ಮಾಡಿ ಬಿಸಿಲಿನಲ್ಲಿ ಇಡಬೇಕು. ಚೆನ್ನಾಗಿ ಒಣಗಿಸಿದ ಈ ಬಿಲ್ಲೆಗಳನ್ನು ರಾತ್ರಿ ಹೊತ್ತಿನಲ್ಲಿ ಹಚ್ಚಿಟ್ಟರೆ ಈ ವಾಸನೆಯು ಸೊಳ್ಳೆಗಳು ಮನೆಗೆ ಬರದಂತೆ ತಡೆಯುತ್ತದೆ.

6. ನಿಂಬೆಯನ್ನು ಅರ್ಧದಷ್ಟು ಕತ್ತರಿಸಿ ಮತ್ತು ಲವಂಗವನ್ನು ಅದರಲ್ಲಿ ಹಿಸುಕಿ ಹಾಕಿ. ಹಗಲಿನಲ್ಲಿ ಅವುಗಳನ್ನು ಕೋಣೆಯಲ್ಲಿಟ್ಟರೆ ಡೆಂಗ್ಯೂ ಹರಡುವ ಸೊಳ್ಳೆಗಳು ಆ ಜಾಗಕ್ಕೆ ಬರುವುದಿಲ್ಲ.

7. ಮನೆಯಲ್ಲಿರುವ ನೀರಿನ ತೊಟ್ಟಿ, ನಲ್ಲಿಗಳು, ಕೊಳಕು ಚರಂಡಿಗಳ ಬಳಿ 100 ಲೀಟರ್ ನೀರಿಗೆ 25 ಗ್ರಾಂ ಅರಿಶಿನ ಪುಡಿ ಸಿಂಪಡಿಸಿದರೆ ಸೊಳ್ಳೆಗಳ ಸಮಸ್ಯೆ ಇರುವುದಿಲ್ಲ ಎನ್ನುತ್ತಾರೆ ತಜ್ಞರು.

8. 100 ಗ್ರಾಂ ಬೇವಿನ ಬೀಜದ ಪುಡಿಯನ್ನು ನೀರು ಶೇಖರಣೆ ಮಾಡುವ ಗುಂಡಿಗಳಲ್ಲಿ ಮತ್ತು ಶೇಖರಣಾ ತೊಟ್ಟಿಗಳಲ್ಲಿ ಸಿಂಪಡಿಸಿದರೆ ಸೊಳ್ಳೆಗಳು ಮೊಟ್ಟೆ ಇಡುವುದಿಲ್ಲ. ಸೀಮೆ ಎಣ್ಣೆಯಲ್ಲಿ ಬೇವಿನ ಎಣ್ಣೆ ಸುರಿದು ಮನೆಯಲ್ಲಿ ದೀಪ ಹಚ್ಚಿದರೂ ಸೊಳ್ಳೆಗಳು ಹರಡುವುದಿಲ್ಲ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Latest Posts

Don't Miss

error: Content is protected !!