ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಮೊತೀಲಾಲ್ ಓಸ್ವಾಲ್ ಮ್ಯೂಚುವಲ್ ಫಂಡ್ ತನ್ನ ಹೊಸ ಫಂಡ್ ಆಫರ್ ಆಗಿರುವ “ಮೊತೀಲಾಲ್ ಓಸ್ವಾಲ್ ಕಾಂಟ್ರಾ ಫಂಡ್” ಅನ್ನು ಘೋಷಿಸಿದೆ. ಇದು ಕಾಂಟ್ರೇರಿಯನ್ ಹೂಡಿಕೆ ತಂತ್ರವನ್ನು ಅನುಸರಿಸುವ ಓಪನ್-ಎಂಡೆಡ್ ಇಕ್ವಿಟಿ ಯೋಜನೆಯಾಗಿದೆ.
ಕಾಂಟ್ರೇರಿಯನ್ ಹೂಡಿಕೆ ತಂತ್ರವೆಂದರೆ ಸಾಮಾನ್ಯವಾಗಿ ಮಾರುಕಟ್ಟೆಯ ಪ್ರಚಲಿತ ಪ್ರವೃತ್ತಿಗೆ ವಿರುದ್ಧವಾಗಿ ಹೂಡಿಕೆ ಮಾಡುವ ವಿಧಾನವಾಗಿದೆ. ಮಾರುಕಟ್ಟೆಯಲ್ಲಿ ತಾತ್ಕಾಲಿಕವಾಗಿ ಮೌಲ್ಯ ಕಳೆದುಕೊಂಡಿದ್ದರೂ, ದೀರ್ಘಾವಧಿಯಲ್ಲಿ ಬಲವಾದ ಮೂಲಭೂತ ಅಂಶಗಳು ಹಾಗೂ ಬೆಳವಣಿಗೆ ಸಾಧ್ಯತೆಗಳನ್ನು ಹೊಂದಿರುವ ಕಂಪನಿಗಳನ್ನು ಗುರುತಿಸುವುದು ಇದರ ಉದ್ದೇಶವಾಗಿದೆ. ದೀರ್ಘಾವಧಿಯ ಹೂಡಿಕೆ ದೃಷ್ಟಿಕೋನದ ಮೂಲಕ, ಈ ತಂತ್ರವು ಮಾರುಕಟ್ಟೆಯ ಅಸಮತೋಲನಗಳಿಂದ ಲಾಭ ಪಡೆಯಲು ಹಾಗೂ ಹೂಡಿಕೆ ಪೋರ್ಟ್ಫೋಲಿಯ ವೈವಿಧ್ಯೀಕರಣಕ್ಕೆ ಸಹಾಯ ಮಾಡುತ್ತದೆ.
ಮೆಟಲ್ಸ್, ರಿಯಲ್ ಎಸ್ಟೇಟ್, ಬ್ಯಾಂಕಿಂಗ್ ಮತ್ತು ಆಟೋಮೊಬೈಲ್ ಕ್ಷೇತ್ರಗಳಂತಹ ವಿವಿಧ ವಲಯಗಳಲ್ಲಿ ಮಾರುಕಟ್ಟೆ ಬದಲಾವಣೆ ಪ್ರಕಾರ ನಾಯಕತ್ವ ಬದಲಾಗುತ್ತಿರುವ ಹಿನ್ನೆಲೆಯಲ್ಲಿ, ವಿಭಿನ್ನ ಮತ್ತು ವೈವಿಧ್ಯಮಯ ಹೂಡಿಕೆ ಅವಕಾಶಗಳ ಅಗತ್ಯ ಹೆಚ್ಚಾಗಿದೆ. ಮೊತೀಲಾಲ್ ಓಸ್ವಾಲ್ ಕಾಂಟ್ರಾ ಫಂಡ್ ಈ ರೀತಿಯ ಉದಯೋನ್ಮುಖ ಅವಕಾಶಗಳನ್ನು ಆರಂಭಿಕ ಹಂತದಲ್ಲೇ ಗುರುತಿಸಿ, ಸಂಶೋಧನೆ ಆಧಾರಿತ ಹಾಗೂ ಶಿಸ್ತಿನ ಹೂಡಿಕೆ ವಿಧಾನದಿಂದ ದೀರ್ಘಾವಧಿಯ ಸಂಪತ್ತಿನ ಸೃಷ್ಟಿಯನ್ನು ಗುರಿಯಾಗಿಸಿಕೊಂಡಿದೆ.
ಮುಖ್ಯ ಫಂಡ್ ವಿವರಗಳು:
NFO ಅವಧಿ: ಮೇ 08, 2026 ರಿಂದ ಮೇ 22, 2026 ರವರೆಗೆ
ಹೂಡಿಕೆ ಉದ್ದೇಶ: ಕಾಂಟ್ರೇರಿಯನ್ ತಂತ್ರದ ಮೂಲಕ ಮುಖ್ಯವಾಗಿ ಇಕ್ವಿಟಿ ಮತ್ತು ಇಕ್ವಿಟಿ ಸಂಬಂಧಿತ ಸಾಧನಗಳಲ್ಲಿ ಹೂಡಿಕೆ ಮಾಡಿ ದೀರ್ಘಾವಧಿಯ ಮೂಲಧನ ವೃದ್ಧಿಯನ್ನು ಸಾಧಿಸುವುದು. ಆದರೆ, ಈ ಉದ್ದೇಶ ಸಾಧನೆಯಾಗುತ್ತದೆ ಎಂಬ ಖಾತರಿ ಇಲ್ಲ.
ಬೆಂಚ್ಮಾರ್ಕ್: ನಿಫ್ಟಿ 500 ಟೋಟಲ್ ರಿಟರ್ನ್ ಇಂಡೆಕ್ಸ್
ಹೂಡಿಕೆದಾರರ ಪ್ರೊಫೈಲ್: ದೀರ್ಘಾವಧಿಯ ಮೂಲಧನ ವೃದ್ಧಿಯನ್ನು ಬಯಸುವ ಹಾಗೂ ಕಾಂಟ್ರೇರಿಯನ್ ಹೂಡಿಕೆ ತಂತ್ರದ ಮೂಲಕ ಇಕ್ವಿಟಿ ಅಥವಾ ಇಕ್ವಿಟಿ ಸಂಬಂಧಿತ ಹೂಡಿಕೆಗಳಲ್ಲಿ ಆಸಕ್ತಿ ಹೊಂದಿರುವ ಹೂಡಿಕೆದಾರರಿಗೆ ಸೂಕ್ತ.
ಕನಿಷ್ಠ ಹೂಡಿಕೆ ಮೊತ್ತ:
• NFO ಹಾಗೂ ನಿರಂತರ ಹೂಡಿಕೆ ಅವಧಿಯಲ್ಲಿ ಲಂಪ್ಸಮ್ ಹೂಡಿಕೆ: ₹500 ಮತ್ತು ನಂತರ ₹1ರ ಗುಣಾಕಾರಗಳಲ್ಲಿ
• ಹೆಚ್ಚುವರಿ ಹೂಡಿಕೆ ಮೊತ್ತ: ₹500 ಮತ್ತು ನಂತರ ₹1ರ ಗುಣಾಕಾರಗಳಲ್ಲಿ
ಎಕ್ಸಿಟ್ ಲೋಡ್:
• ಹಂಚಿಕೆ ಮಾಡಿದ ದಿನಾಂಕದಿಂದ 365 ದಿನಗಳೊಳಗೆ ರಿಡೀಮ್ ಮಾಡಿದರೆ – 1%
• 365 ದಿನಗಳ ನಂತರ ರಿಡೀಮ್ ಮಾಡಿದರೆ – ಯಾವುದೇ ಶುಲ್ಕ ಇಲ್ಲ
MOMF ಯೋಜನೆಗಳ ನಡುವೆ ಸ್ವಿಚ್ ಮಾಡಿದಲ್ಲಿ ಎಕ್ಸಿಟ್ ಲೋಡ್ ಅನ್ವಯವಾಗುತ್ತದೆ. ಆದರೆ, ಅದೇ ಯೋಜನೆಯ ವಿವಿಧ ಆಯ್ಕೆಗಳ ನಡುವೆ ಬದಲಾವಣೆ ಮಾಡಿದರೆ ಯಾವುದೇ ಎಕ್ಸಿಟ್ ಲೋಡ್ ವಿಧಿಸಲಾಗುವುದಿಲ್ಲ.
ಫಂಡ್ ಬಿಡುಗಡೆ ಕುರಿತು ಪ್ರತಿಕ್ರಿಯಿಸಿದ ಮೋತಿಲಾಲ್ ಓಸ್ವಾಲ್ ಅಸೆಟ್ ಮ್ಯಾನೆಜ್ಮೆಂಟ್ ಕಂಪನಿಯ ಎಮ್ಡಿ ಮತ್ತು ಸಿಇಒ ಪ್ರತೀಕ್ ಅಗರ್ವಾಲ್ ಮಾತನಾಡಿ, ಮಾರುಕಟ್ಟೆಯ ಅಸ್ಥಿರತೆಯ ಸಮಯದಲ್ಲಿ ಕಾಂಟ್ರೇರಿಯನ್ ಹೂಡಿಕೆ ತಂತ್ರವು ತಾತ್ಕಾಲಿಕ ಮಾರುಕಟ್ಟೆ ಭಾವನೆಗಳಿಗಿಂತ ದೀರ್ಘಾವಧಿಯ ವ್ಯವಹಾರ ಮೂಲಭೂತ ಅಂಶಗಳ ಮೇಲೆ ಗಮನ ಹರಿಸಲು ಸಹಾಯ ಮಾಡುತ್ತದೆ. ಮೊತೀಲಾಲ್ ಓಸ್ವಾಲ್ ಕಾಂಟ್ರಾ ಫಂಡ್ ಆರಂಭಿಕ ಹಂತದಲ್ಲೇ ಅವಕಾಶಗಳನ್ನು ಗುರುತಿಸಿ, ಸಮಂಜಸ ಮೌಲ್ಯಮಾಪನ ಹೊಂದಿರುವ ಕಂಪನಿಗಳಲ್ಲಿ ಹೂಡಿಕೆ ಮಾಡಲು ರೂಪಿಸಲಾಗಿದೆ. ಮೂರು ರಿಂದ ಐದು ವರ್ಷಗಳ ಮಾರುಕಟ್ಟೆ ಚಕ್ರದ ಅವಧಿಗೆ ತಾಳ್ಮೆಯಿಂದ ಹೂಡಿಕೆ ಮಾಡುವ ಹೂಡಿಕೆದಾರರಿಗೆ ಇದು ವೈವಿಧ್ಯಮಯ ಪೋರ್ಟ್ಫೋಲಿಯೊ ನಿರ್ಮಾಣಕ್ಕೆ ಸಹಕಾರಿಯಾಗಲಿದೆ ಎಂದು ಹೇಳಿದರು.
ಎಮ್ಒಎಎಮ್ಸಿ ಯ ಫಂಡ್ ಮ್ಯಾನೇಜರ್ ಭಾಲಚಂದ್ರ ಶಿಂಡೆ ಮಾತನಾಡಿ, ವ್ಯವಹಾರದ ನಿಜವಾದ ಮೌಲ್ಯ ಮತ್ತು ಮಾರುಕಟ್ಟೆ ಬೆಲೆಯ ನಡುವಿನ ಅಂತರವು ವಿವಿಧ ಮಾರುಕಟ್ಟೆ ಚಕ್ರಗಳಲ್ಲಿ ಅವಕಾಶಗಳನ್ನು ಸೃಷ್ಟಿಸುತ್ತದೆ. ಮೊತೀಲಾಲ್ ಓಸ್ವಾಲ್ ಕಾಂಟ್ರಾ ಫಂಡ್ 30-35 ಉನ್ನತ ವಿಶ್ವಾಸ ಹೊಂದಿದ ಷೇರುಗಳ ಪೋರ್ಟ್ಫೋಲಿಯೊ ನಿರ್ಮಾಣದ ಮೇಲೆ ಕೇಂದ್ರೀಕರಿಸುತ್ತದೆ. ಬಲವಾದ ಕಾರ್ಯಾಚರಣಾ ನಗದು ಹರಿವು, ಆಕರ್ಷಕ ಮೌಲ್ಯಮಾಪನ ಮತ್ತು ಭವಿಷ್ಯದ ಬೆಳವಣಿಗೆ ಸಾಮರ್ಥ್ಯ ಹೊಂದಿರುವ ಕಂಪನಿಗಳಲ್ಲಿ ಹೂಡಿಕೆ ಮಾಡುವ ಮೂಲಕ, ಶಿಸ್ತಿನ ರಿಸ್ಕ್ ಮ್ಯಾನೇಜ್ಮೆಂಟ್ ಹಾಗೂ ಎಕ್ಸಿಟ್ ಪ್ರಕ್ರಿಯೆಯೊಂದಿಗೆ ವಿವಿಧ ಮಾರುಕಟ್ಟೆ ಹಂತಗಳಲ್ಲಿ ಸ್ಥಿರ ಬೆಳವಣಿಗೆ ಸಾಧಿಸುವ ಗುರಿ ಹೊಂದಿದೆ, ಎಂದು ಹೇಳಿದರು.
ಈ ಫಂಡ್ ಅನ್ನು ವರುಣ್ ಶರ್ಮಾ, ಭಾಲಚಂದ್ರ ಶಿಂಡೆ, ಅಂಕಿತ್ ಅಗರವಾಲ್, ರಾಕೇಶ್ ಶೆಟ್ಟಿ ಹಾಗೂ ಸ್ವಪ್ನಿಲ್ ಮಯೇಕರ್ ನಿರ್ವಹಿಸಲಿದ್ದಾರೆ.
