Sunday, October 2, 2022

Latest Posts

ಬಾಬರ್‌ ಕ್ರಿಕೆಟ್‌ನ ʼಕ್ರಿಸ್ಚಿಯಾನಲ್ ಮೆಸ್ಸಿʼ ಇದ್ದಂತೆ: ಪಾಕ್‌ ನಾಯಕನಿಗೆ ಉಪನಾಯಕ ಶಾದಾಬ್‌ ಖಾನ್ ಬಿಲ್ಡಪ್!

ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌ 
ನೆದರ್ಲೆಂಡ್ಸ್‌ ವಿರುದ್ಧ ಏಕದಿನ ಸರಣಿಯಲ್ಲಿ ಆಡುತ್ತಿರುವ ಪಾಕ್‌ ತಂಡವು ಪ್ರವಾಸದ ಮಧ್ಯೆ ಡಚ್ ಫುಟ್‌ಬಾಲ್ ಕ್ಲಬ್ ಅಜಾಕ್ಸ್‌ನ ತವರು ಮೈದಾನಕ್ಕೆ ಭೇಟಿ ನೀಡಿತ್ತು. ಈ ವೇಳೆ ಪಾಕಿಸ್ತಾನದ ಆಟಗಾರರು ಮ್ಯಾಂಚೆಸ್ಟರ್ ಯುನೈಟೆಡ್ ಕ್ಲಬ್‌ ನ ದಂತಕಥೆ ಹಾಗೂ ಅಜಾಕ್ಸ್ ನ  ಸಿಇಒ ಆದ ಆಡ್ವಿನ್ ವಾನ್ ಡೆರ್ ಸಾರ್ ಮತ್ತು ಕ್ಲಬ್‌ನ ಇತರ ಆಟಗಾರರು ಮತ್ತು ಸಿಬ್ಬಂದಿಯನ್ನು ಭೇಟಿಯಾದರು.
ಈ ಸಂದರ್ಭದಲ್ಲಿ ಪಾಕ್‌ ಸೀಮಿತ ಓವರ್‌ ಕ್ರಿಕೆಟ್‌ ತಂಡದ ಉಪನಾಯಕ ಶಾದಾಬ್ ಖಾನ್ ʼನಾಯಕ ಬಾಬರ್ ಅಜಮ್ ರನ್ನು ಇವರು ಕ್ರಿಕೆಟ್‌ನ ‘ಕ್ರಿಸ್ಚಿಯಾನಲ್ ಮೆಸ್ಸಿ’ ಇದ್ದಂತೆ ಎಂದು ಬಣ್ಣಿಸಿ ವ್ಯಾನ್ ಡೆರ್ ಸಾರ್‌ಗೆ ಪರಿಚಯ ಮಾಡಿಕೊಟ್ಟರು.! ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು, ಪಾಕ್‌ ಉಪನಾಯಕ ತನ್ನ ನಾಯಕನಿಗೆ ನೀಡಿದ ಬಿಲ್ಡಪ್‌ ನೇಟಿಜನ್‌ ಗಳಿಗೆ ನಗು ಉಕ್ಕಿಸಿದೆ.

ಮೆಸ್ಸಿ ಮತ್ತು ರೊನಾಲ್ಡೊ ಸಾರ್ವಕಾಲಿಕ ಇಬ್ಬರು ಅತ್ಯುತ್ತಮ ಫುಟ್‌ಬಾಲ್ ಆಟಗಾರರು. ಸುಧೀರ್ಘ ಕಾಲದಿಂದ ವಿಶ್ವ ಫುಟ್‌ಬಾಲ್‌ನಲ್ಲಿ ಪ್ರಾಬಲ್ಯ ಹೊಂದಿದ್ದಾರೆ. ಬಾಬರ್‌ ಕ್ರಿಕೆಟ್‌ ನಲ್ಲಿ ಉತ್ತಮ ಸಾಧನೆಗಳನ್ನು ಮಾಡಿದ್ದಾರಾದರೂ ಶ್ರೇಷ್ಠ ಕ್ರಿಕೆಟಿಗ ಎನಿಸಿಕೊಳ್ಳಲು ಸಾಕಷ್ಟು ದೂರ ಕ್ರಮಿಸಬೇಕಿದೆ. ಆ ಬಳಿಕವೂ ತನ್ನ ನಾಯಕನ ಗುಣಗಾನ ಮುಂದುವರೆಸಿದ ಶಾದಾಬ್, ಕ್ರಿಕೆಟ್‌ ಮೈದಾನದಲ್ಲಿ ಬಾಬರ್‌ ರೊನಾಲ್ಡೋ- ಮೆಸ್ಸಿ ಅವರಂತೆ ಸರ್ವಶ್ರೇಷ್ಠವಾಗಿ ಆಡುವ ಗುಣಲಕ್ಷಣಗಳನ್ನು ಹೊಂದಿದ್ದಾರೆ ಎಂದಿದ್ದಾರೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Latest Posts

Don't Miss

error: Content is protected !!