ಹೊಸದಿಗಂತ ಡಿಜಿಟಲ್ ಡೆಸ್ಕ್:
ನಾಗಾಲ್ಯಾಂಡ್ ವಿಧಾನಸಭೆಯಲ್ಲಿ ಮತ್ತೊಮ್ಮೆ ಯಾವುದೇ ವಿರೋಧವಿಲ್ಲದೆ ಮುಖ್ಯಮಂತ್ರಿ ನೆಫಿಯು ರಿಯೊಗೆ ಎಲ್ಲಾ ರಾಜಕೀಯ ಪಕ್ಷಗಳು ತಮ್ಮ ಬೆಂಬಲವನ್ನು ನೀಡಿವೆ. ಕಳೆದ ತಿಂಗಳು ನಡೆದ ವಿಧಾನಸಭಾ ಚುನಾವಣೆಯಲ್ಲಿ ಅತಿ ದೊಡ್ಡ ಪಕ್ಷವಾಗಿ ಹೊರಹೊಮ್ಮಿದ್ದ ಎನ್ಡಿಪಿಪಿ-ಬಿಜೆಪಿ ಮೈತ್ರಿಗೆ ಎಲ್ಲ ಪಕ್ಷಗಳು ಬೆಂಬಲ ಘೋಷಿಸಿವೆ. ಇದರಿಂದ ರಾಜ್ಯದಲ್ಲಿ ಮತ್ತೊಮ್ಮೆ ವಿಪಕ್ಷಗಳಿಲ್ಲದ ಸರ್ಕಾರ ರಚನೆಯಾಗಲಿದೆ.
ಈ ಚುನಾವಣೆಯಲ್ಲಿ ಬಹುಮತ ಗಳಿಸಿದ ಎನ್ಡಿಪಿಪಿ ನಾಯಕ ನಿಫಿಯು ರಿಯೊ ಐದನೇ ಬಾರಿಗೆ ಮುಖ್ಯಮಂತ್ರಿ ಹುದ್ದೆಯನ್ನು ಅಲಂಕರಿಸಿದ್ದಾರೆ. ಈ ಮೂಲಕ ರಾಜ್ಯವನ್ನು ಸುದೀರ್ಘ ಕಾಲ ಆಳಿದ ಮುಖ್ಯಮಂತ್ರಿ ಎಂಬ ದಾಖಲೆ ನಿರ್ಮಿಸಿದ್ದಾರೆ.
ಎಲ್ಜೆಪಿ, ಆರ್ಪಿಐ ಮತ್ತು ಸ್ವತಂತ್ರ ಶಾಸಕರು ಈಗಾಗಲೇ ಆಡಳಿತಾರೂಢ ಮೈತ್ರಿಕೂಟಕ್ಕೆ ಬೆಂಬಲ ಘೋಷಿಸಿದ್ದಾರೆ. ಇತ್ತೀಚೆಗೆ ಎನ್ಸಿಪಿ ಮತ್ತು ಎನ್ಪಿಎಫ್ ಕೂಡ ನೇಫಿಯು ರಿಯೊ ನೇತೃತ್ವದ ಎನ್ಡಿಪಿಪಿಯೊಂದಿಗೆ ಕೈಜೋಡಿಸಿದ್ದವು. ಇದರೊಂದಿಗೆ ರಾಜ್ಯದ ಎಲ್ಲ ಪಕ್ಷಗಳು ಆಡಳಿತಾರೂಢ ಮೈತ್ರಿಕೂಟಕ್ಕೆ ಸೇರಿ ವಿಧಾನಸಭೆಯಲ್ಲಿ ವಿರೋಧ ಪಕ್ಷ ಕಣ್ಮರೆಯಾಯಿತು. ಈ ಹಿಂದೆಯೂ ಹೀಗೆ ನಡೆದಿದೆ. 2015 ಮತ್ತು 2021ರಲ್ಲಿ ರಾಜ್ಯದ ಎಲ್ಲ ಪಕ್ಷಗಳು ಆಡಳಿತ ಪಕ್ಷಕ್ಕೆ ಬೆಂಬಲ ಘೋಷಿಸಿದ್ದವು.
2021 ರಲ್ಲಿ NDPP-BJP ಯ ಪೀಪಲ್ಸ್ ಡೆಮಾಕ್ರಟಿಕ್ ಅಲೈಯನ್ಸ್ ಸರ್ಕಾರವನ್ನು ಯುನೈಟೆಡ್ ಡೆಮಾಕ್ರಟಿಕ್ ಅಲೈಯನ್ಸ್ (UDA) ಎಂದು ಮರುನಾಮಕರಣ ಮಾಡಿದ ನಂತರ ಸರ್ವಪಕ್ಷ ಸರ್ಕಾರದಿಂದ ಆಡಳಿತ ನಡೆಸಲಾಯಿತು. ಆಗ ವಿರೋಧ ಪಕ್ಷದಲ್ಲಿದ್ದ ಏಕೈಕ ಪಕ್ಷ – 26 ಶಾಸಕರನ್ನು ಹೊಂದಿರುವ ಎನ್ಪಿಎಫ್ ಕೂಡ ಸರ್ಕಾರವನ್ನು ಸೇರಿಕೊಂಡಿತ್ತು.
ಫೆಬ್ರವರಿ 27ರ ಚುನಾವಣೆಯು ಕೂಡ ಅದೇ ಹಾದಿಯನ್ನು ಹಿಡಿದಿದೆ, 60 ಸದಸ್ಯರ ವಿಧಾನಸಭೆಯಲ್ಲಿ ಎನ್ಡಿಪಿಪಿ-ಬಿಜೆಪಿ 37 ಸ್ಥಾನಗಳನ್ನು ಗೆದ್ದಿವೆ. ‘‘ಬಹುತೇಕ ಪಕ್ಷಗಳ ಶಾಸಕರು ಸರಕಾರಕ್ಕೆ ಬೆಂಬಲ ಪತ್ರ ಸಲ್ಲಿಸಿರುವುದರಿಂದ ವಿಪಕ್ಷ ರಹಿತ ಸರಕಾರ ಯಾವಾಗ ಬರುತ್ತೋ ಯಾರಿಗೆ ಗೊತ್ತು, ಚುನಾಯಿತ ಸದಸ್ಯರು ಹೊರಗೆ ಬರಲು ಇಚ್ಚಿಸಿದ ನಂತರವೇ ಚರ್ಚಿಸಿ ನಿರ್ಧಾರ ತೆಗೆದುಕೊಳ್ಳುತ್ತೇವೆ”. ಎಂದು ಉಪಮುಖ್ಯಮಂತ್ರಿ ಪ್ಯಾಟನ್ ಹೇಳಿದರು.