ಹೊಸದಿಗಂತ ವರದಿ ಬಳ್ಳಾರಿ:
ಈಶಾನ್ಯ ಶಿಕ್ಷಕರ ಕ್ಷೇತ್ರದ ಚುನಾವಣೆ ಶಾಂತಿಯುತವಾಗಿ ನಡೆದಿದ್ದು, ಮ.12ರ ವರೆಗೆ ಜಿಲ್ಲೆಯ 9 ಮತಗಟ್ಟೆಗಳಲ್ಲಿ ಶೇ.42.82ರಷ್ಟು ಮತದಾನವಾಗಿದೆ.
ಬಳ್ಳಾರಿ ತಾಲೂಕು ಕಚೇರಿ ಮತಗಟ್ಟೆಯಲ್ಲಿ ಒಟ್ಟು 939 ಮತದಾರರಲ್ಲಿ 384 ಮತದಾರರು ಹಕ್ಕು ಚಲಾಯಿಸಿದ್ದಾರೆ. ಬಳ್ಳಾರಿ ಅಂಚೆ ಕಚೇರಿ 01 ಮತಗಟ್ಟೆಯಲ್ಲಿ 700ರಲ್ಲಿ 258, ಅಂಚೆ ಕಚೇರಿ 2ರಲ್ಲಿ 564ರಲ್ಲಿ 232, ಕಂಪ್ಲಿ ತಾಲೂಕು ಕಚೇರಿ ಮತಗಟ್ಟೆಯಲ್ಲಿ 216ರಲ್ಲಿ 147, ಕುರಿಗೋಡು ಮತಗಟ್ಟೆಯಲ್ಲಿ 120 ರಲ್ಲಿ 60, ಸಂಡೂರು ತಾಲೂಕು ಕಚೇರಿ 387 ರಲ್ಲಿ 130, ಸಿರುಗುಪ್ಪ ಮತಗಟ್ಟೆಯಲ್ಲಿ 313ರಲ್ಲಿ 150, ತೆಕ್ಕಲಕೋಟೆ 96 ರಲ್ಲಿ 50, ಕರೂರು 58ರಲ್ಲಿ 42 ಜನ ಮತಚಲಾಯಿಸಿದ್ದಾರೆ.
ಜಿಲ್ಲೆಯಲ್ಲಿ ಒಟ್ಟು 3393ಮತದಾರರಲ್ಲಿ 1453 ಮತ ಚಲಾವಣೆಯಾಗಿದ್ದು, ಇಲ್ಲಿವರೆಗೆ ಶೇ.42.82ರಷ್ಟು ಮತದಾನವಾಗಿದೆ.
