ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಅಮೆರಿಕ ಹಾಗೂ ಬ್ರಿಟನ್ ರಾಷ್ಟ್ರಗಳು ರಷ್ಯಾದಿಂದ ತೈಲ ಮತ್ತು ಇತರ ಅನಿಲಗಳ ಆಮದಿನ ಮೇಲೆ ನಿಷೇಧ ಹೇರಿವೆ.
ವಿಶ್ವದ ನಾಯಕರು, ಸಮುದಾಯದ ಎಚ್ಚರಿಕೆಯ ನಡುವೆಯೂ ರಷ್ಯಾ ಉಕ್ರೇನ್ ಮೇಲೆ ದಾಳಿ ಮುಂದುವರಿಸಿದ್ದರಿಂದ ಅಮೆರಿಕ ಅಧ್ಯಕ್ಷ ಜೋ ಬಿಡೆನ್ ಈ ನಿರ್ಧಾರ ಕೈಗೊಂಡಿದ್ದಾರೆ.
ಈ ಬಗ್ಗೆ ಶ್ವೇತ ಭವನದಲ್ಲಿ ಮಾತನಾಡಿದ ಅವರು, ನಾವು ರಷ್ಯಾದಿಂದ ತೈಲ ಮತ್ತು ಅನಿಲ ಆಮದುಗಳನ್ನು ನಿಷೇಧಿಸುತ್ತಿದ್ದೇವೆ. ಇನ್ನು ಮುಂದೆ ನಮ್ಮ ಬಂದರುಗಳಲ್ಲಿ ರಷ್ಯಾದ ತೈಲ ಸ್ವೀಕರಿಸುವುದಿಲ್ಲ. ಈ ಮೂಲಕ ರಷ್ಯಾಕ್ಕೆ ಅಮೆರಿಕ ಜನತೆ ಪ್ರಬಲ ಹೊಡೆತ ನೀಡುತ್ತಿದ್ದಾರೆ ಎಂದು ತಿಳಿಸಿದರು.
ರಷ್ಯಾ ಉಕ್ರೇನ್ ಮೇಲೆ ದಾಳಿ ಮುಂದುವರಿಸಿದರು ಕೂಡ ಪುಟಿನ್ ಗೆ ಗೆಲುವು ಸಿಗುವುದಿಲ್ಲ. ಉಕ್ರೇನ್ ದೇಶವನ್ನು ಪುಟಿನ್ ಹಿಡಿದಿಟ್ಟಿಕೊಳ್ಳಲಾರರು ಎಂದಿದ್ದಾರೆ.
ಇನ್ನು ಅಮೆರಿಕದ ಈ ನಿರ್ಧಾರದ ಬೆನ್ನಲ್ಲೇ ಬ್ರಿಟನ್ ಸರ್ಕಾರ ಕೂಡ ರಷ್ಯಾದ ಕಚ್ಚಾ ತೈಲ ಸೇರಿ ಎಲ್ಲಾ ಅನಿಲಗಳ ಮೇಲೆ ನಿರ್ಬಂಧ ವಿಧಿಸಿದೆ.
ಹಂತ ಹಂತವಾಗಿ ಎರಡೂ ರಾಷ್ಟ್ರಗಳಲ್ಲಿ ಆಮದು ನಿರ್ಬಂಧ ಜಾರಿಯಲ್ಲಿದ್ದು, 2022ರ ಅಂತ್ಯದ ಮೇಳೆಗೆ ಈದು ಪೂರ್ಣ ಪ್ರಮಾಣದಲ್ಲಿ ಜಾರಿಗೆ ಬರಲಿದೆ.
ಬ್ರಿಟನ್ನಲ್ಲಿ ಬಳಕೆಯಾಗುವ ಪೆಟ್ರೋಲಿಯಂ ಉತ್ಪನ್ನಗಳ ಪೈಕಿ ಶೇ.8ರಷ್ಟು ಬೇಡಿಕೆಯನ್ನು ರಷ್ಯಾದಿಂದ ಆಮದಾಗುವ ಪೆಟ್ರೋಲಿಯಂ ಉತ್ಪನ್ನಗಳು ಪೂರೈಸುತ್ತಿತ್ತು.