ಹೊಸದಿಗಂತ ಡಿಜಿಟಲ್ ಡೆಸ್ಕ್:
2023ರ ಆಸ್ಕರ್ ಪ್ರಶಸ್ತಿ ಸಮಾರಂಭ ಇತ್ತೀಚೆಗೆ ನಡೆದಿತ್ತು. ಆ ಗುಂಗಿನಿಂದ ಹೊರಬರುವ ಮೊದಲೇ 2024ರ ಪ್ರಶಸ್ತಿ ಸಮಾರಂಭದ ದಿನಾಂಕಗಳು ಘೋಷಣೆಯಾಗಿದೆ.
ಅಕಾಡೆಮಿ ಆಫ್ ಮೋಷನ್ ಆರ್ಟ್ಸ್ ಅಂಡ್ ಸೈನ್ಸಸ್ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದ 96ನೇ ಆವೃತ್ತಿಯ ದಿನಾಂಕವನ್ನು ಈಗಾಗಲೆ ಪ್ರಕಟಿಸಿದೆ. ಚಿತ್ರೋದ್ಯಮಕ್ಕೆ ನೀಡಲಾಗುವ ಅತ್ಯುತ್ತಮ ಪ್ರಶಸ್ತಿಯಾದ ಆಸ್ಕರ್ ಸಮಾರಂಭ 2024ರ ಮಾರ್ಚ್ 10 ರಂದು ಅದ್ದೂರಿಯಾಗಿ ಜರುಗಲಿದೆ.
ಆಸ್ಕರ್ ಸಮಾರಂಭವು ಲಾಸ್ ಏಂಜಲೀಸ್ನ ಡಾಲ್ಫಿ ಥಿಯೇಟರ್ನಲ್ಲಿ ನಡೆಯಲಿದೆ. ಕಾರ್ಯಕ್ರಮವೂ ಎಬಿಸಿ ಸೇರಿದಂತೆ 200 ಕ್ಕೂ ಹೆಚ್ಚು ಫ್ಲಾಟ್ಫಾರ್ಮ್ಗಳಲ್ಲಿ ನೇರಪ್ರಸಾರವಾಗಲಿದೆ.
2024ರ ಆಸ್ಕರ್ ಪ್ರಶಸ್ತಿಯ ಪ್ರಮುಖ ದಿನಾಂಕಗಳು:
ಸಾಮಾನ್ಯ ವಿಭಾಗಗಳ ಸಲ್ಲಿಕೆ ಗಡುವು: ನವೆಂಬರ್ 15, 2023
ಗವರ್ನರ್ ಪ್ರಶಸ್ತಿಗಳು: ನವೆಂಬರ್ 18, 2023
ಪೂರ್ವಭಾವಿ ಮತದಾನ ಪ್ರಾರಂಭ: ಡಿಸೆಂಬರ್ 18, 2023
ಪೂರ್ವಭಾವಿ ಮತದಾನ ಕೊನೆಗೊಳ್ಳುವುದು: ಡಿಸೆಂಬರ್ 21, 2023
ಆಸ್ಕರ್ ತಾತ್ಕಾಲಿಕ ಪಟ್ಟಿಯ ಪ್ರಕಟಣೆ: ಡಿಸೆಂಬರ್ 21, 2023
ಅರ್ಹತೆಯ ಅವಧಿಯು ಕೊನೆಗೊಳ್ಳುವುದು: ಡಿಸೆಂಬರ್ 31,2023
ನಾಮನಿರ್ದೇಶನಗಳ ಮತದಾನ ಪ್ರಾರಂಭ: ಜನವರಿ 11,2024
ನಾಮನಿರ್ದೇಶನಗಳ ಮತದಾನ ಕೊನೆಗೊಳ್ಳುವುದು: ಜನವರಿ 11, 2024
ಆಸ್ಕರ್ ನಾಮನಿರ್ದೇಶನಗಳ ಪ್ರಕಟಣೆ: ಜನವರಿ 23, 2024
ಆಸ್ಕರ್ ನಾಮನಿರ್ದೇಶಿತರ ಹೆಸರು ಘೋಷಣೆ: ಫೆಬ್ರವರಿ 12, 2024
ಕೊನೆಯ ಮತದಾನ ಪ್ರಾರಂಭ: ಫೆಬ್ರವರಿ 22, 2024
ವೈಜ್ಞಾನಿಕ ಮತ್ತು ತಾಂತ್ರಿಕ ಪ್ರಶಸ್ತಿಗಳು: ಫೆಬ್ರವರಿ 23, 2024
ಫೈನಲ್ ಮತದಾನ ಕೊನೆಗೊಳ್ಳುವುದು: ಫೆಬ್ರವರಿ 27, 2024
96ನೇ ಆಸ್ಕರ್ ಪ್ರಶಸ್ತಿ ಸಮಾರಂಭ: ಮಾರ್ಚ್ 10, 2024
ಸೂಚನೆ: ಅಕಾಡೆಮಿಯ ಪ್ರಕಾರ, “96 ನೇ ಅಕಾಡೆಮಿ ಪ್ರಶಸ್ತಿಗಳ ಎಲ್ಲಾ ದಿನಾಂಕಗಳು ಬದಲಾವಣೆಗೆ ಒಳಪಟ್ಟಿರುತ್ತವೆ.”