ನುಗ್ಗೆಸೊಪ್ಪು (ಮೋರಿಂಗಾ ಎಲೆಗಳು) ಪೌಷ್ಟಿಕಾಂಶಗಳ ಭಂಡಾರ ಎಂದು ಹೇಳಲಾಗುತ್ತದೆ. ಐರನ್, ಕ್ಯಾಲ್ಸಿಯಂ ಹಾಗೂ ವಿಟಮಿನ್‌ಗಳಿಂದ ಸಮೃದ್ಧವಾದ ಈ ಸೊಪ್ಪು ದೇಹಕ್ಕೆ ಶಕ್ತಿ ನೀಡುವುದರ ಜೊತೆಗೆ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಸರಳ ಪದಾರ್ಥಗಳಿಂದ ಬೇಗ ತಯಾರಿಸಬಹುದಾದ ನುಗ್ಗೆಸೊಪ್ಪಿನ ಪಲ್ಯ, ಬಿಸಿ ಅನ್ನ ಅಥವಾ ಜೋಳದ ರೊಟ್ಟಿಯ ಜೊತೆ ಸವಿಯಲು ಅತ್ಯುತ್ತಮ.
ಬೇಕಾಗುವ ಪದಾರ್ಥಗಳು
ನುಗ್ಗೆಸೊಪ್ಪು – 2 ಕಪ್ (ತೊಳೆದು, ಕತ್ತರಿಸಿದ್ದು)
ಈರುಳ್ಳಿ – 1 (ಸಣ್ಣವಾಗಿ ಕತ್ತರಿಸಿದ್ದು)
ಹಸಿಮೆಣಸು – 2
ಬೆಳ್ಳುಳ್ಳಿ – 3 ಕಾಳು
ಸಾಸಿವೆ – ½ ಟೀ ಸ್ಪೂನ್
ಜೀರಿಗೆ – ½ ಟೀ ಸ್ಪೂನ್
ಉದ್ದಿನ ಬೇಳೆ – 1 ಟೀ ಸ್ಪೂನ್
ಅರಿಶಿನ – ಚಿಟಿಕೆ
ಉಪ್ಪು – ರುಚಿಗೆ ತಕ್ಕಷ್ಟು
ತೆಂಗಿನ ತುರಿ – 2 ಟೇಬಲ್ ಸ್ಪೂನ್
ಎಣ್ಣೆ – 1 ಟೇಬಲ್ ಸ್ಪೂನ್
ತಯಾರಿಸುವ ವಿಧಾನ
ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ ಸಾಸಿವೆ, ಜೀರಿಗೆ ಮತ್ತು ಉದ್ದಿನ ಬೇಳೆ ಒಗ್ಗರಣೆ ಹಾಕಿ. ಈರುಳ್ಳಿ, ಬೆಳ್ಳುಳ್ಳಿ ಮತ್ತು ಹಸಿಮೆಣಸು ಹಾಕಿ ಸ್ವಲ್ಪ ಹುರಿಯಿರಿ.
ಈಗ ನುಗ್ಗೆಸೊಪ್ಪು, ಅರಿಶಿನ ಮತ್ತು ಉಪ್ಪು ಸೇರಿಸಿ ಮುಚ್ಚಿ ಬೇಯಲು ಬಿಡಿ. ಕೊನೆಯಲ್ಲಿ ತೆಂಗಿನ ತುರಿ ಸೇರಿಸಿ ಚೆನ್ನಾಗಿ ಕಲಸಿ. ಬಿಸಿ ಅನ್ನದ ಜೊತೆ ಆರೋಗ್ಯಕರ ನುಗ್ಗೆಸೊಪ್ಪಿನ ಪಲ್ಯವನ್ನು ಸವಿಯಿರಿ!
