ಹೊಸದಿಗಂತ ಡಿಜಿಟಲ್ ಡೆಸ್ಕ್:
ತಿಹಾರ್ ಜೈಲಿನಲ್ಲಿ ಕೈದಿಯೋರ್ವ ಜೈಲಾಧಿಕಾರಿಗೆ ಹೆದರಿ ಮೊಬೈಲ್ ಫೋನ್ ನುಂಗಿರುವ ಘಟನೆ ನಡೆದಿದೆ. ಆತನನ್ನು ದೀನ್ ದಯಾಳ್ ಉಪಾಧ್ಯಾಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ತಿಹಾರ್ ನಲ್ಲಿ ಜೈಲಾಧಿಕಾರಿಗಳು ಕೈದಿಗಳ ಬಳಿ ಮೊಬೈಲ್ ಸಹಿತ ಇತರೆ ನಿಷೇಧಿತ ವಸ್ತುಗಳಿರುವ ಕುರಿತು ತನಿಖೆ ನಡೆಸುತ್ತಿರುವಾಗ ಕೈದಿಯೋರ್ವ ಭಯದಿಂದ ಫೋನ್ ಅನ್ನೇ ನುಂಗಿದ್ದಾನೆ.
ತಕ್ಷಣವೇ ಆತನನ್ನು ಜೈಲಿನಲ್ಲಿರುವ ಆಸ್ಪತ್ರೆಯಲ್ಲಿ ತಪಾಸಣೆಗೆ ಒಳಪಡಿಸಲಾಗಿದ್ದು, ಬಳಿಕ ಆತನ ಆರೋಗ್ಯ ಮತ್ತಷ್ಟು ಹದಗೆಟ್ಟಿರುವ ಕಾರಣ ದೀನ್ ದಯಾಳ್ ಉಪಾಧ್ಯಾಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಆಸ್ಪತ್ರೆಗೆ ದಾಖಲಾಗಿ ಸಮಯ ಕಳೆದರೂ, ಕೈದಿಯ ಹೊಟ್ಟೆಯೊಳಗಿರುವ ಮೊಬೈಲ್ ಫೋನ್ ಇನ್ನು ಹೊರತೆಗೆದಿಲ್ಲ.ಹಾಗಾಗಿ, ಶಸ್ತ್ರಚಿಕಿತ್ಸೆ ನಡೆಸುವುದಾಗಿ ವೈದ್ಯರು ತಿಳಿಸಿದ್ದಾರೆ.
