ರಮೇಶ್ ಕುಮಾರ್ ‘ತಲೆಮಾರು’ ಹೇಳಿಕೆ ಹಾಗಲ್ಲ, ಹೀಗೆ: ಸ್ಪಷ್ಟನೆ ಕೊಟ್ಟ ಡಿಕೆಶಿ

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌
‘ತಲೆಮಾರು’ ವಿಚಾರವಾಗಿ ರಮೇಶ್ ಕುಮಾರ್ ಹೇಳಿಕೆಯನ್ನು ತಪ್ಪಾಗಿ ಅರ್ಥೈಸಿಕೊಳ್ಳಲಾಗಿದೆ ಎಂದು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ್ ಹೇಳಿದ್ದಾರೆ.
ಬೆಂಗಳೂರಿನಲ್ಲಿ ಮಾಧ್ಯಮಗಳ ಜೊತೆ ಮಾತನಾಡಿದ ಅವರು ಮೂರ್‍ನಾಲ್ಕು ತಲೆಮಾರಿಗೆ ಬೇಕಾಗುವಷ್ಟು ಮಾಡಲಾಗಿದೆ ಎನ್ನುವ ಮಾತು ಆಸ್ತಿಯ ವಿಚಾರಕ್ಕೆ ರಮೇಶ್‌ ಕುಮಾರ್ ಹೇಳಿಲ್ಲ. ಗಾಂಧಿ ಕುಟುಂಬ, ಕಾಂಗ್ರೆಸ್ ನಮಗೆ ಅಷ್ಟು ಶಕ್ತಿ ನೀಡಿದೆ ಎಂಬರ್ಥದಲ್ಲಿ ಹೇಳಿದ್ದಾರೆ. ಆದರೆ ಬಿಜೆಪಿ ಅವರ ಹೇಳಿಕೆಯನ್ನು ತಪ್ಪಾಗಿ ಅರ್ಥ ಮಾಡಿಕೊಂಡು ರಾಜಕೀಯವಾಗಿ ಬಳಸಿಕೊಳ್ಳುತ್ತಿದೆ. ಈ ಬಗ್ಗೆ ಬೇಕಿದ್ದರೆ ತಾನು ಚರ್ಚೆಗೆ ಸಿದ್ದ ಎಂದರು.