ಹೊಸದಿಗಂತ ಡಿಜಿಟಲ್ ಡೆಸ್ಕ್:
ರಾಜಧಾನಿ ಬೆಂಗಳೂರಿನಲ್ಲಿ ನಿನ್ನೆ ರಾತ್ರಿಯಿಡೀ ದಾಖಲೆಯ ಮಳೆ ಸುರಿದಿದೆ. ಒಂದು ತಿಂಗಳ ಬಳಿಕ ಸಿಲಿಕಾನ್ ಸಿಟಿ ತಂಪಾಗಿದ್ದು, ಒಂದೇ ರಾತ್ರಿಯಲ್ಲಿ ಬರೋಬ್ಬರಿ 64.8 ಮಿಮೀ ಮಳೆಯಾಗಿದೆ.
ಇಡೀ ಆಗಸ್ಟ್ನಲ್ಲಿ ಒಂದು ದಿನವೂ ಮಳೆಯಾಗಿರಲಿಲ್ಲ, ಕೆಲವೊಮ್ಮೆ ಶುಷ್ಕ ವಾತಾವರಣವಿತ್ತಾದರೂ ಮಳೆ ಬಂದಿರಲಿಲ್ಲ. ಆಗಸ್ಟ್ನ ಕಡೆಯ ದಿನ ಭಾರೀ ಮಳೆ ಸುರಿದಿದ್ದು, ಬೆಂಗಳೂರು ಮತ್ತೆ ತಂಪಿನ ನಗರಿಯಾಗಿದೆ.
ಗುಡುಗು ಮಿಂಚು ಸಹಿತ ಭಾರೀ ಮಳೆಯಾಗಿದ್ದು, ತಗ್ಗು ಪ್ರದೇಶದ ಮನೆಗಳಿಗೆ ನೀರು ನುಗ್ಗಿದೆ. ಎಚ್ಎಎಲ್ ವಿಮಾನ ನಿಲ್ದಾಣದಲ್ಲಿ ೫೨ ಮಿಮೀ ಮಳೆಯಾಗಿದ್ದು, ರಾಜ್ಮಹಲ್ ಗುಟ್ಟಹಳ್ಳಿಯಲ್ಲಿ ಗರಿಷ್ಠ ಅಂದರೆ 111.5 ಮಿಮೀ ಮಳೆಯಾಗಿದೆ.
ಯಲಹಂಕ, ಚಾಮರಾಜಪೇಟೆ, ಕಾಮಾಕ್ಷಿಪಾಳ್ಯ, ಶಿವಾಜಿನಗರ, ಮಾಗಡಿ ರೋಡ್ ಬಳಿಯ ತಗ್ಗು ಪ್ರದೇಶದ ಮನೆಗಳಿಗೆ ನೀರು ನುಗ್ಗಿದೆ. ಇನ್ನು ಮೈಸೂರು ರಸ್ತೆ, ಎಲೆಕ್ಟ್ರಾನಿಕ್ ಸಿಟಿ, ಓಲ್ಡ್ ಏರ್ಪೋರ್ಟ್ ರೋಡ್ ಕೋರಮಂಗಲ ಸೇರಿದಂತೆ ಹಲವು ರಸ್ತೆಗಳು ಜಲಾವೃತವಾಗಿವೆ.
ಇನ್ನೂ ಎರಡು ದಿನ ರಾಜಧಾನಿ ಬೆಂಗಳೂರಿನಲ್ಲಿ ಭಾರೀ ಮಳೆಯಾಗಲಿದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ. ಬೆಂಗಳೂರಿಗೆ ಯೆಲ್ಲೋ ಅಲರ್ಟ್ ಘೋಷಿಸಲಾಗಿದೆ.
#Bengaluru City IMD: 53mm#BengaluruRains stats via @KarnatakaSNDMC as of 11:45PM
Rajmahal Guttahalli: 113mm
Vidyaranyapura: 92mm
HAL Airport1: 75mm
Vishwanatha Nagenahalli: 71mm
Kodigehalli: 70mm
Sampangiramanagara2: 67mm
Konanakunte: 65mm
Mantapa: 64mm
Huskuru: 64mm
Atturu:… https://t.co/KcoA2Zx4cJ pic.twitter.com/FU8h9ZhYfX— Karnataka Weather (@Bnglrweatherman) August 31, 2023